انا عاوزه اعرف انا قصرت ف ايه
.
.
.
.
اتجوزت من سنه ونص جواز صالونات بس حبيته وحبني ودايما يقولي انه بيحبني وانه مش هيلاقي زيي ابدا وانا كل يوم بحبه اكتر من اليوم اللي قبله
من تاني شهر جواز حصل مشاكل مع أهله وابوه قاله طلقها بس هو اختارني
اتأخر الحمل وكشفنا وعملنا تحاليل وعرفنا انه مفيش حيوانات منويه واخترت اكمل معاه حياتي وهو دا نصيبي
انا بشتغل وبساعد ف مصاريف البيت وبساعد ناخد شقه ملك بدل الإيجار وضاغطه نفسي زيي زيه
بعمل اكل انواع مختلفه يوميا برغم ان اللي معايا ف الشغل مش بيعملو كدا ويطلبو اكل من بره او ميعملوش اكل ويقضوها سندوتشات جبنه وهو بيصعب عليا وبعمله اكل كل يوم
بهتم بنفسي جداا ومفيش مره طلبني فيها وقولتله لا أو قولتله تعبانه وهو عشان بيحب الحاجات دي جداا انا بكون جاهزه دايما وبحاول
احسسه ان دا عادي برغم ان الموضوع مرهق جدا عليا بعد يوم طويل ف الشغل
بعتبره ابني ودايما بجيبله هدايا وافاجاه برغم ان هو ملوش اوي ف موضوع الهدايا والمفاجاه دي
حطيته ف عيني من جوه والله ونسيت اكتر حاجه الواحده بتتجوز عشانها ومحسستهوش باي حاجه
امه جابتله عروسه وعارفه ان هما ضاغطين عليه وهما عارفين ان المشكله من عنده بس هو موافق يتجوز ليييه
انا قصرت ف اي
انا ناقصني ايه
انا اختارته وهو باعني ليه
انا طبعا متكلمتش معاه ومردتش عليه لان ولا اي كلام هيريحني انا هنسحب من سكات وهو الله يسامحه ويعيش حياته
بس انا من جوايا تعبانه اوي
لا وكمان نسيت اقول اني كنت مفهمه الدنيا كلها ان المشكله من عندي انا محدش عرف غير امه وهي اللي حلفتني مقولش لحد ابدا
