روايه روح ولؤي الجزاء الرابع والاخير

روح قابليني بسرعه عند ***** عندي ليكي مفاجأه
-مفاجاه اي
-تعالي بس وهتشوفيها
-حاضر
لبست ونزلت قابلته ف المكان ال قالي عليه
-اي يا لؤي في اي ومفاجآه اي ال بتقول عليها
-تعالي بس انا جيبت المكان تعالي قوليلي رأيك فيه
-بجد يلا تعالي وريهوني بسرعه
-اهو اي رأيك هو محتاج شويه توضبات بس حلو عشان نوضب فيه ع زوقنا
-بجد جميل اوي مشاء الله
-تعالي بقا شوفي ال جنبه
-ليه انت مش عجبك ده وخلاص
-تعالي بس
-جميل اوي بصراحه الاتنين احلي من بعض بس انت اخترت انهو
-اخترت الاتنين
-الاتنين ازاي وليه اصلا
-بصلي وضحك ، -الاولاني هفتحه مطعم والتاني كافيه…مطعم وكافيه روح
-بتهزر لا لؤي متهرجش انت بتتكلم بجد روح طب وليه ليه هتفتح كافيه انت مش قولت مطعم بس وكمان هتسميه روح لا انا مش فاهمه حاجه

بص ف عيني بابتسامه وتنهيده وصوت دافئ قال -حبيت اعمل حاجه تفرحك..وكمان ع اسمك عشان تيجي هنا ع طول واضمن اني اشوفك تاني

سرحت ف جمال لمعه عيونه وقولت ف سري صدقني حتي لو مكنتش فتحت الكافيه مكنتش هسيبك هي اه كانت فتره قليله جدا ال عرفتك فيها بس قدرت تشدني بطيبه قلبك والحنان ال ف صوتك ببساطتك وضحكتك ال بترشق ف قلبي انا مش عارفه ⁦ازاي قدرت تخليني احبك⁦….
-روح يبنتي…رووووح
-اي في اي
-اي يبنتي كل ده سرحانه ف اي
-ولا حاجه ولا حاجه
-ضحك’ طب يلا بقا نشوف الخطوه التانيه مش لازم نضيع وقت
-حاضر انا هنزل اعلان وانشاء الله يومين او تلاته بالكتير وهنجمعهم
-تمم وانا برضوا هجيب ناس تظبط المكان والديكور والاضائه وهنزل اشتري احتياجات المطعم والكافيه
-اجي معاك
-بلاش عشان متتعبيش
-لا هاجي معاك
نزلنا اشترينا الحاجه واتفقوا معانا أنها هتوصل بعد يومين حلو نكون
خلصنا التوضبات مشينا كتير اوي كان احلي وقت وانا معاه كان في
محلات كتير لفت نظري محل منهم جميل اوي وقديم اللون البني
ماليه صوت ام كلثوم خارج منه مليان انتيكات زمان وصور ام كلثوم
وفيروز وورده كان جوا المحل راجل عجوز قاعد ع الكرسي الخشب
وحاطط أيده ع خده ومركز اوي مع صوت الست
-روح تيجي ندخل نشوف المحل ده
-ياريت

دخلنا اتفرجنا ع الصور والانتيكات وقفنا انا ولؤي قدام صوره شدتنا لام كلثوم مكتوب عليها
|وصفولي الحب لاقيته خيال وكلام ف الحب|
|يادوب يتقال واهرب من قلبي اروح علي فين|
|ليالينا الحلوة في كل مكان⁦♥️⁩|
-وبصوت واحد قولنا اي رأيك في دي جميله اوي بصينا لبعض وضحكنا ، لؤي شال البرواز وراح وداه للراجل العجوز وواقف بيحاسبه , مسك الراجل البرواز عشان يغلفه بالورق البني القديم وفضل يبصله شويه فاستغربنا سأله لؤي
-هو في حاجه ولا اي ياحج
رد عليه الراجل بابتسامه وعيونه لسه متشالتش من ع البرواز
-البرواز ده كان غالي عليا اوي وليه معايا ذكريات جميله يظهر ان انت وخطبتك زوقكوا حلو
لؤي بصلي بابتسامه وانا بصيت ف الأرض من كسوفي ورديت عليه قولتله
-طب واي هي ذكرياتك مع البرواز ده ياعمو
غلف البرواز وبصلي وضحك وقال
-عملتهولي حبيبتي ف يوم ميلادي ال 22 يعني البرواز ده عنده 60 سنه دلوقتي
-يااااه وحافظت عليه العمر ده كله
-اه يبنتي ماهي دي الحاجه الوحيده ال فضلت منها
-قاطع كلامنا لؤي وقال طب ليه ياحج عارضه للبيع
-ضحك وقال قالتلي قبل ما تمشي البرواز ده مليان حب يعني مش هياخده وهيعجبه غير ال بيحب بصدق وانا شايف ف عيونكم كل الحب وعشان كدة ده مش للبيع ده هديه بدون مقابل

وادانا البرواز طلعنا برا المحل بعد ماخدناه وشكرنا عمو وهو فضل يدعلنا واحنا
ماشيين
-روح تيجي نقعد شويه
-ماشي بس طبعاً انت عارف فين
-اه طبعاً امال فين الرصيف
ضحكت’ راح لؤي يجيب ايس كريم وقعدنا ع الرصيف واحنا بناكله
-بس اي رايك ياروح ف كلام الراجل العجوز ده عن البرواز
-اممم مش عارفه والله
– يعني انتي شايفه أنه كلامه صادق ولا تخاريف
-يمكن تخاريف
بصلي بغيظ وكأنه عايز يلبس الايس كريم ف وشي
-لحقت نفسي وقولتله ويمكن صادق وكل بقا الايس كريم عشان بيسيح
-خلصنا الايس كريم وقومنا روحنا
بعد مرور أسبوع
-الو يلؤي اي الاخبار عملت اي
-انا خلصت الحمدلله مش باقي بس غير انك تيجي وتشوفي المكان وتأكدي عليه لو كان ناقص حاجه والناس تيجي تشتغل فيه انتي عملتي اي
-انا جمعت الناس وخلصت هاجي اشوف المكان ونتفق ع يوم الافتتاح عشان نكلم أصحابنا ونعزمهم اليوم ده
-تمم انا مستنيكي باي
-هاجي معاكي
-يووه ياريم لأ
-عشان خاطري يروح نفسي اشوف لؤي ده اوي
-قولت لأ مش هينفع

ريم قعدت ع جنب واتقمصت
-طب خلاص قومي البسي بس متتلامضيش هناك اتفقنا
-حاضر حاضر اتفقنا
-قومنا لبسنا وروحنا المكان كنت واقفه قدام المحل وشايفه الناس وهي بتعلق اسمي عليه كنت حاسه اني طايره من الفرحه طلع لؤي
-اي ده روح تعالي انتي واقفه هنا لي تعالي شوفي المحل بعد ما اتوضب مين القمر ال معاكي دي
-دي ريم اختي
-ازيك يا ريم عامله اي
-انا كويسه هو انت بقا لؤي
-انتي تعرفيني
-يووه دي روح ملهاش كلام الا عنك
-بقا كدة وبتقولك عني اي بقا
-بتقول انك لطيف وجميل و…
-احم احم خلاص بقا ياست ريم كفايه لماضه بقا متصدقهاش دي ريم بتحب تهزر بس ووطيت ع ودانها وقولتلها ده انا هعلقك لما اروح دخلت مع لؤي المحل
-ها اي رأيك بقا
-جميل اوي لؤي بجد جميل اوي
-طب تعالي شوفي الكافيه بس الاول حطي الشريط ده ع عينك
-ماشي حطيت الشريط ع عيني لاقيته مسك أيدي ومشي قدامي وانا
-كنت ماشيه معاه خطوه بخطوه ولما دخلنا الكافيه قالي
-دلوقتي تقدري تشيليه يروح…شيلتها وبفتح عيني حسيت اني هعيط من فرحتي
-بجمال الكافيه بجد كنت مبهوره اوي بجماله وبهدوئه اول ما فتحت عيني لاقيت البرواز ال جبناه سوا متعلق قدامي وراديو قديم محطوط جوا ومشغل عليه اغاني الست
-اي رأيك يروح

-جميل اوي يلؤي انا مش مصدقه بجد ده نفس الكافيه ال كان ف مخيلتي انت ازاي قدرت تصممه زي مانا كنت بتمني كدة
كان واقف بيضحك ويبص عليا وانا بتنطط قدامه من الفرحه
-طب ها بقا هيبقي امتي الافتتاح
-يعني بما اننا خلصنا خالص ف خليه يكون ف اقرب وقت بس بعد ما نكلم كل أصحابنا ونعزمهم ونعرفهم
-تمم نخليه بعد 3 ايام حتي نكون كلمناهم ويكون قدامنا وقت
-خلاص تمم
-روحت وبقيت اتصل بكل اصحابي واعزمهم لغايه مادخلت عليا ريم
-اي يروح خلصتي
-اه ياريم متبقاش غير شويه هتصل بيهم وخلاص كدة
-تمم طب كلمتي نور
-نور لا طبعا مش هكلمها اكلمها ازاي بعد ال حصل ده يريم
-يا غبيه انتي لازم تكلميها وتعزميها هي وادهم كمان عشان تثبتلهم انهم مش فارقين معاكي وان انتي قدرتي تتخطي عادي غيابهم وقدرتي تشتغلي وتنجحي ولا تكن حاجه حصلت
-عندك حق يا اروبه
-شوفتي انا بجد مش عارفه لولايه كنتي هتعملي اي
-بقولك اي بطلي لماضه واطلعي برا يلا
-برضوا ده انتي مبيطمرش فيكي حاجه اديني خارجه اهو وريني مين هينصحك بعد كدة
خرجت ريم وقفلت الباب وراها واتصلت انا ب نور وكلمتها بكل برود وعزمتها هي وادهم ع يوم الافتتاح وبعدها كلمت لؤي
-الو يلؤي انا خلاص عزمت كل اصحابي وخلصت انت عملت اي
-انا كمان كلمتهم وكدة تمم نتقابل بقا يوم الافتتاح
-تمم باي
-باي

-يوم الافتتاح
صحيت الصبح طلعت دريس ابيض وخمار جملي عملت قهوه وقعدت ف البلكونه اشربها فتحت تلفوني وبرد ع مسجات صحابي ال بيأكدولي أنهم جايين انهارده لاقيت لؤي اونلاين بصراحه كنت بتلكك عشان ادخل أكلمه بس مكنتش عارفه اقوله اي
-لؤي صباح الخير
رد.عليا ع طول ده اكنه قاعد ف الشات -صباح النور عامله اي يروح
-الحمدلله تمم ها صاحي بتعمل اي دلوقتي
-انا عملتلي فنجان قهوه وهشربه وأقوم اجهز نفسي وانزل اهو وانتي بتعملي اي
– انا كمان لسه صاحيه عملت فنجان قهوه وبجهز نفسي وبشوف هلبس اي لبليل وكدة اي رأيك ف دريس ابيض وخمار جملي حلو ولا لأ
-طبعاً يروح هيبقي حلو عليكي لان انتي ال بتحلي اي حاجه مجرد ماعينك تيجي عليها بس
-طب اسيبك بقا لاحسن انت قلبت ع عمرو دياب فجاه وبعدين بصراحه احرجتني سلام
قفلت التلفون وشربت فنجان قهوتي وقومت البس الدريس الابيض وانا ف كامل الثقه اني جميله بسبب كلام لؤي ، حطيت ميكاب بسيط خالص كعادتي ونزلت وصلت هناك لاقيت بعض من أصحابي انا ولؤي ولسه الباقي ف الطريق سلمت عليهم ودخلت ادور ع لؤي لاقيته واقف مع أصحابه كان لابس قميص ابيض وبنطلون جملي ازاي قادر ياخد باله من أدق التفاصيل ومن كلامي كدة شاورتله من بعيد استأذن صحابه وجالي
-اي ال قمر ده

-اه ياقلود
-ضحك وقالي بس اي رأيك حلو ولا
-رديت بكل عفويه جميل اوي يا لؤي بجد
-بصلي بصدمه وهو بيضحك
-ااا اقصد يعني اه حلو
-ضحك ع طريقتي وقاطع كلامنا واحد صاحبه استأذني وراح معاه
لاقيت نور وادهم داخلين المطعم روحت استقبلهم بابتسامه
-اهلا اهلا ينور اهلا يا ادهم نورتوا والله
-ده نورك يحبيبتي
-الله يخليكي روح يا ادهم جوا هتلاقي صحابك ادخل اقف معاهم
-عامله اي ينور
-الحمدلله يحبيبتي انما انتي مشيتي من الفرح بدري لي
-ولا بدري ولا حاجه ده انا كنت واقفه ازغرطلك يبنتي بس انتي ال مخدتيش بالك مني عشان الزحمه
-جايز برضوا طب اي رأيك ف الفستان كان حلو صح
-اه مشاء الله كنتي قمر بس انا زعلت منك اوي بصراحه
-اي ده يحبيبتي ليه
-يعني ينفع برضوا متقوليش اجي معاكي من اول اليوم الكوافير علي العموم حصل خير تتعوض بقا لما تجيبي بيبي انشاء الله
بعدها لاقيت لؤي بينده عليا وشكله مضايق

-طب بعد اذنك بقا ينور لاحسن لؤي بينده عليا
-لؤي بديقه اي يبنتي ده أي ال جاب نور وادهم هنا انتي كلمتيهم
-اه كلمت نور وعزمتها هي وجوزها ، ولما لاقيته لسه مضايق مسكت ايده وقولتله متخافش انا تمم انا عزمتهم بذات عشان اعرفهم انهم مش فارقين معايا واني عرفت اتخطي ال حصل مش ده كان كلامك صح
-بصلي وابتسم وقالي صح
فجاه لاقيته بيصقف ع أيده وبينبه الناس ال واقفه وبيقول
-يا جماعه عايز اقول حاجه ممكن تسمعوني ثواني وبعد ما الكل بصله وانتبهله اتكلم وقال من فتره صغيره انا كنت ف فرح صاحبي حتي هو موجود معانا هنا انهارده يجماعه وقتها خبط ف بنت المهم شدينا مع بعض واتخانقنا البنت دي هي ال شجعتني عشان افتح المشروع اللي نفسي فيه وهي برضو نفس البنت ال انا حبيتها من كل قلبي فكنت حابب اقولها قدام كل الناس اني بحبها
من صدمتي كنت حاسه اني هيغم عليا
-روووح…انا بحبك ي روح وبتمني انك توافقي تبقي شريكه حياتي
من صدمتي وفرحتي وكذا احساس ف بعض نزلت كام دمعه مني وضحكت وقولت -طبعاً موافقه يا لؤي
وكان اول لقاء بينا كانت بدايه حياه جديده حياه جميله مليانه حب
وحنان ودفا ومن هنا نعرف بجد يعني اي
| النصيب غلاب⁦♥️⁩✨ |

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .