رواية زوجة محر. مة ليلا الجزء الثاني للكاتبة حنان حسن
بعدما ..ما وصلنا لغاية الشقة
انا… وتامر صاحبي
عشان نطلب ايد ارملة اخويا…
رنيت الجرس
وبعد شوية…
اتفتح الباب
وظهرت واحدة زي القمر
ويمكن كمان اكون بظلمها لما اوصفها بالقمر فقط
بصراحة …
كانت شديدة الجمال
.
.
لدرجة اني لما شوفتها…
نسيت انا كنت جاي ليه انا وتامر
وفضلت واقف متنحلها…
فا بصتلي باستغراب
وسالتني
وقالتلي…
اي خدمة؟
.
.
في اللحظة دي
ضربت لخمة …
ومبقتش عارف اقولها انا مين؟
ولا جاي عايز ايه؟
.
.
فا لحقني تامر بالكلام
وظهرلها من ورايا وابتسملها
.
.
ولقيتة بيقولها…
انا تامر يا مدام صباح …
.
.
بصت صباح لتامر …
ولما اتحققت منه
ردت بابتسامة هادية
وقالت..اه
اهلا استاذ تامر
للكاتبة حنان حسن
رد تامر
وهو بيكمل التعارف
وقالها…
وده ياسر
شقيق المرحوم عمران
بصتلي بحزن
ولقيتها مدت ايديها
وقالت…اهلا وسهلا
اتفضلوا
وبعد ما دخلنا وقعدنا في الصالون
لقيت تامر
بيسالها
وقال…غريبة انك معرفتيش ياسر ؟
ده المرحوم كان ملوش سيرة غيرة؟
واكيد كمان صورهم مع بعض كانت مالية البيت؟
ردت صباح برقة بالغة
وقالت..
ايوه
انا فاكره اني كنت شوفتلك صور مع عمران
لكن بصراحة…
الشكل علي الطبيعة …
مختلف خالص عن الصور
في اللحظة دي
كان نفسي اسالها
الحقيقة احلي ولا الصورة؟
لكن احترمت نفسي
وقلت..لازم اعيش دور الرجل الوقور
الي سكوتة كلام …
وكلامة افعال
عشان توافق بيا كا عريس
وفضلت ساكت ومكتفي باني اسمع…فقط
و عموما تامر الله يحرقة مكنش مدي فرصة لحد يتكلم اصلا
وكان عمال يهري في اي فتي وخلاص
للكاتبة حنان حسن
المهم…فضلنا في وصلة التعارف
دي
لغاية ما ظهرت واحدة ست كبيرة شوية
وبمجرد ما صباح شافت الست الكبيرة جاية علينا
عرفتها بينا
وقالت…ده استاذ ياسر شقيق المرحوم
وده صاحبة تامر
الي حضر فرحنا انا والمرحوم
يا امي
بصيتلي الست
وقالت…اهلا يا حبيبي
انا خالتك ام صباح
واخوك الله يرحمة …كان زي ابني
ابتسمت ورحبت بيها
وطلبت… اشوف هاني
ابن اخويا
وفي ثواني
جابوا هاني ….
وفضلت الاعبة ….
وكنت بحاول اشرك صباح معانا
في الكلام انا وهاني
عشان اقرب المسافات بيني وبين صباح
وطبعا شرحت لصباح وامها ظروف سفري
الي منعننتي اني احضر فرحها هي واخويا
والظروف الي منعتني اني احضر دفنة اخويا عمران
لكن طبعا مجيبتش سيرة الشقة
ولا حتي قلتلهم اني مفلس وعلي الحديدة
واستغربت جدا
ان صباح …وامها مجابوش سيرة الشقة
ولا كانهم يعرفوا انها شقتي
انا من الاساس
المهم…بعد التعارف
غمزلي تامر
عشان افاتحهم في موضوع الجواز
وبصراحة ….
انا اتحرجت اني اتكلم ادام صباح في الموضوع
فا طلبت من ام صباح اني اكلمها في موضوع علي انفراد
وبالفعل..
اخدتني ام صباح لغرفة المعيشة
وقعدت انا وام صباح
للكاتبة حنان حسن
وطلبت منها اني اتجوز من صباح
بحجة اني لازم احتوي ابن اخويا…
واربية بدل ما يربية اي حد غريب
فا بصتلي ام صباح
وقالتلي…اسمع يبني
انا طبعا علي عيني اني ارفضلك طلب…
بس انا بنتي مريضة ومتنفعش للجواز
قلت…مش مهم
قالت..نعم؟
قلت…لا اقصد ان احنا اهل ولازم نشيل بعض
في السراء والضراء
و انا معنديش مشاكل اني اتجوزها
واعالجها عادي يعني
بصتلي ام صباح
وبعد ما فكرت شوية
لقيتها بتقولي…
بصراحة يبني انت باين عليك شهم وابن حلال
وانا كمان كنت عايزاك تربي ابن اخوك
وتاخد بالك منه
لاني زي منتا شايف ست كبيرة
وصباح مريضة ومش منتبهه للواد
قلت…تمام جدا
يعني افهم من كده انك موافقة؟
ردت بتردد
وقالت..قبل ما اقولك ان كنت موافقة او لا
لازم الاول
تعرف صباح مريضة بايه
وبعدين تبقي تقرر
ان كنت عايز تتجوزها فعلا
ولا هتغير رايك
لما سمعت شرط ام صباح
استغربت…
لان صباح سليمة ادامي
وصحتها زي الحصان
فا قولت يمكن ام صباح
بتختبر معدني
وبتشوفني اصيل ولا لا؟
فا قلت…
لا اطمني
مش هغير راي …حتي لو كان عندها ايه
بصتلي باصرار
وقالت…
بردوا لازم تعرف بنتي فيها ايه؟
قلت…ماشي
اتفضلي قولي
رجعت ام صباح بظهرها
علي الكرسي
واتنهدت تنهيدة كبيرة
وبدات تقولي علي مرض صباح
قالت…
صباح طول عمرها كانت زي الشمعة المنورة …
ومن صغرها وهي زي القمر زي منتا شايفها كده
لغاية اليوم
الي مات فيه اخوك
اصل صباح كانت بتحب اخوك اوي….
وفي اليوم الي صباح سمعت فيه ان جوزها مات..
وقعت من طولها…
وقطعت النفس
والدكاترة قالوا انها جالها سكتة قلبية و ماتت
وكلنا فهمنا يومها ان صباح ماتت فعلا …
فا دفناها هي واخوك في يوم واحد..
لكن الي حصل…
ان صباح كانت في غيبوبة…
وكان لسة قيها الروح..
وفضلت صباح في المقبرة…
للكاتبة حنان حسن
لاكتر من يومين..
لغاية ما دخل للمقبرة ناس
كانوا رايحين يدفنوا ميت لهم
وفي اللحظة دي
وسمعوا عياط …وصراخ جاي من داخل المقبرة
فا فتحوا علي صباح
لقوها في حالة نفسية فظيغة…
طبعا انا فرحت برجوع بنتي ليا تاني…
وحسيت اني اتولدت من جديد
لكن… الي نغص عليا فرحتي
اني لاحظت…
ان صباح بنتي فيها حاجة متغيرة
فا حاولت اطمن نفسي
و قولت… انها حالة نفسية بسبب
الخضة وهتروح لحالها
لكن الي حصل…
ان بنتي اتغيرت واتبدلت من اليوم ده
وبقت تتصرف تصرفات غريبة
فمثلا..
كان بمجرد ما يدخل الليل
تدخل صباح لغرفتها
وتقفل عليها
ويصدر منها اصوات…
متصدرش من بني ادمين
وهنا استوقفتها
وقلت..بس انا شايفها بتتكلم بكل عقل
وقاعدة ادامنا اهيه زي الفل
ردت ام صباح
وقالت…
انت يبني… شوفتها الصبح بس
بنتي بتبقي كويسة الصبح بس
لكن باليل…
مش هتقدر تشوفها اصلا…
لانها لما بتقفل علي نفسها
محدش بيقدر يقرب من اوضتها
وسالتها
قلت..هو في حد جرب يقرب من غرفتها واتاذي قبل كده؟
ردت ام صباح
وقالت…
انا مره جربت اقرب من اوضتها باليل
وحاولت اشوف ….واسمع ايه الي بيحصل معاها جوه؟
ومره واحده وانا بتصنت علي اوضتها
لقيت الاوضة ولعت
وكنت هموت يومها
ومن يومها مبقتش اقرب من اوضتها باليل
اندهشت من الكلام الي سمعتة
وسالتها
وقلت..طيب هي مقالتلكيش ايه الي بيحصل معاها باليل؟
ردت ام صباح
وقالت…انا بيتهيالي ان هي نفسها
مبتبقاش عارفة ايه الي بيحصل معاها باليل
لانها الصبح بتتعامل بطريقة طبيعية جدا
ولا كانها فيها اي حاجة
ولما بسال صباح..بتستغرب من سؤالي
ومش بترد عليا
بعد ما عرفت الحكاية الغريبة بتاعة صباح
فضلت ابص لام صباح
بذهول
وانا بفكر في الي سمعتة منها
لكن شرودي مطولش كتير
لاني سمعت ام صباح
وهي بتسالني
للكاتبة حنان حسن
وبتقول…
انت لسة مصمم انك تتجوز صباح؟
وطبعا …
ام صباح
كانت منتظرة …
اني اقولها… لا خلاص
انا سحبت عرض الزواج
لكن انا مكنتش بملك رفاهية الاختيار…
هو واضح كده اني لو اتجوزت صباح
ممكن اتفاجئ بوجود عفاريت جوه الشقة
لكن في نفس الوقت
لو رفضت …
هترمي في الشارع…
وهقابل عفاريت اشرس مليون مره
من عفاريت الجن
وكان عليا اني اختار
يا اما عفاريت الجن؟
يا اما عفاريت الانس؟
الي في الشارع
وفكرت بيني وبين نفسي
وقولت…
طالما هنا عفاريت …
وهنا عفاريت…
يبقي اختار العفاريت الي في البيت
علي الاقل
هلاقي اربع حيطان..
وفرشة نضيفة ..
وحمام ادخلة
ولقيتني برد علي ام صباح
وبقولها…
انا مازلت مصمم علي الجواز من صباح
ردت ام صباح
وسالتني
وقالنلي…
عارف معني اختيارك ده ايه؟
قلت…عارف وموافق
قالت..
يبني فكر تاني؟
انت كده هتتجوز واحدة
مش هتقدر تشوفها باليل خالص…
و هتتحرم عليك باليل نهائي
والعلاقة بينكم هتكون جواز صباحي مش اكتر
عارف يعني ايه جواز صباحي
قلت..يعني ايه؟
قالت…
يعني الجوازة هتبقي
عبارة عن …
زوجة بتشوف طلبات زوجها…
وبتجهزله الاكل… وبتغسلة هدومة …وتنضف فرشتة
مش اكتر من كده؟
رديت عليها
وقلت..عادي وهو يعني الجواز فيه ايه غير كده؟
للكاتبة حنان حسن
ردت ام صباح
وقالت
من الاخر..
لو اتجوزت من صباح بليل
مش هتشوفها
و الصبح مش هيبقي فيه بينكم اكتر من الكلام
قلت…برضوا موافق
ابتسمت ام صباح
وقالت…خلاص
اديني وقتي لما اسال صباح
وابقي ارد عليك بعد كام يوم
اقتربت منها متوسلا
وقلت..ارجوكي اساليها دلوقتي
وخير البر عاجلة
بصتلي ام صباح باستغراب
وقالتلي..انا مش فاهمة انت مستعجل كده ليه؟
انت لا بتحب صباح ولا حتي شوفتها قبل كده
قلت..اصل…اصل..اه…اصلي بصراحة …
هتجنن علي ابن اخويا
ونفسي اغمض عيني وافتحها
والقية بقي في حضني
وفي اللحظة دي
قامت ام صباح
من مكانها
وهي بتقولي..
خلاص هروح اسالهالك
دلوقتي
وهبعتهالك هيا الي ترد عليك
وبالفعل…
سابتني ام صباح
ودخلت لبنتها…
وانا روحت لتامر
ولما سالني عن الي حصل
وقالي…عملت ايه؟
اكتفيت بااني
اقولة…
ادعيلي يا تامر
ان صباح توافق يالجواز
وفضلت منتظر علي اعصابي…
وخايف بعد ده كله
لا صباح ترفض تتجوزني
لكن بعد شوية
لقيت صباح جاية عليا
وكانت امها معاها
وبطريقة لطيفة
طلبت ام صباح من تامر..
انه يروح معاها لغرفة المعيشة
عشان تديني فرصة اتكلم مع صباح
براحتنا في الصالون
واعرف رايها
المهم….بعدما قعدت صباح ادامي…
دخلت صباح
في الموضوع علي طول
وسالتني
قالت..امي قالتلي انها عرفتك ظروفي كلها
وقالتلي كمان انك موافق اني اتحرم عليك باليل؟
رديت بعد ما ابتلعت ريقي
وقلتلها…
ايوه قالتلي كل حاجة وانا موافق
بصتلي صباح
وسالتني سؤال مفاجئ
قالت..
انت عايز تتجوزني ليه؟
قلت…عشان…..عشان ….
عشان (هاني)
ابن اخويا
اصل مفروض محدش غريب يربية
بصتلي صباح بعنيها العسلية الجميلة
وقالتلي..
لو كنت حورت عليا
وادعيت انك وقعت في حبي من اول نظرة
للكاتبة حنان حسن
كنت هعرف انك بتكدب وكنت هرفض طلبك
لكن دلوقتي انا احترمتك
لانك صريح
قلت..لا الكدب حرام
وبعدين معقولة برضوا
انا هقع في حبك انتي من اول نظرة؟
علي ايه يعني؟؟؟
ردت صباح..
وقالت…تمام
ودلوقتي ممكن اقولك اني موافقة علي الزواج
قلت..بجد موافقة؟
قالت..ايوه موافقة
لاننا في بينا مصلحة مشتركة وهي هاني
وانا عارفة ان محدش هيخاف علي هاني… ولا يحبة زيك
لانه من لحمك ودمك
ابتسمت بخجل
وقلتلها…
طيب انا عايز اعرف طلباتك اية؟
بالنسبة للشبكة ..والمهر والامور المادية
لان ظروفي المادية دلوقتي صعبة شوية
لاني لسة راجع من السفر…
وفلوسي كلها اخدها صاحب الشغل
ردت صباح
و قالت…
انت طبعا عارف
ان جوازنا هيبقي جواز سوري
علي الورق يعني
وبما انه مش هيبقي جواز مكتمل
يبقي ملهاش لازمة
الطلبات التعجيزية بتاعة الجواز
وعموما…
انت هتعيش معانا هنا
في البيت …
والشقة زي منتا شايفها
مش ناقصها حاجة
وان كان علي الشغل
فا امي بتمتلك تاكسي تقدر؟ تاخدة و تشتغل علية
للكاتبة حنان حسن
اهم حاجة عندي
انك تهتم ب(هاني ) وتراعية
ومش عايزة منك اكتر من كده
قلت…تمام جدا
كده احنا اتفقناعلي كل حاجة
تقريبا
تحبي اجيب الماذون امتي؟
دلوقتي ولا اخر النهار؟
ابتسمت صباح
وقالتلي..انت بتهرج صح؟
قلت…لا
وههرج ليه؟
انا بتكلم جد
خير الير عاجلة
ردت صباح
قالتلي
لا طبعا..
انا محتاجة اسبوع علي الاقل
علي ما اجهزلك غرفتك الي هتنام فيها
واجهز نفسي و…..
وقبل ما تكمل…
قلتلها..
لا لا اسبوع ايه؟
انتي قولتي انه جواز سوري…
ومش هتحتاجي اكتر من يوم عشان..
تظبطي الغرفة الي هنام فيها
ردت صباح
وقالت..خلاص روح وتعالي بعد يومين..
وهات معاك الماذون
قلت…ايوه بس؟؟؟
قالت..مفيش بس
مش هقدر اجهز قبل يومين
قلت ..ماشي
المهم..بعد ما اتفقنا اخدت تامر ومشينا
وانا شايل هم اليومين
هقضيهم فين؟ وازاي؟
وقولت احاول تاني مع صاحيي وحبيبي تامر
وسالتة
قلت..معلش يا تامر انا عارف اني هتقل عليك
بس ممكن انزل عندك اليومين دول؟
رد تامر بزعل
وقالي..
ايه يبني السؤال ده؟
دا احنا اصحاب
وبعدين يعني دول كلهم يومين وهتروح بيتك
للكاتبة حنان حسن
بس بردوا انا مقدرش استضيفك…
عشان مراتي …وبنتي الي في البيت معايا
ده مبدء يبني
ومكنش مفروض تسالني اصلا
بصيتلة بغيظ
وقلتلة…
انا بسالك ليه صحيح؟
مفروض انا هنتظر ايه من واحد واطي زيك؟
وسيبتة ومشيت
وفضلت انمشي في الشوارع طول الوقت…
ولما جه الليل
نمت في الجناين…
وطبعا قضيت اليومين علي نفس الحال
وفي اليوم المتفق عليه
روحت لتامر
ودخلت الحمام ….واخدت شاور …ولبست
وجيبت هدومي وروحت علي شقتي..عند صباح
وطبعا احرجت تامر واخدت منه فلوس
عشان ادفع للماذون
المهم..
بعدما اتكتب الكتاب …
وبعد ما انصرف الجميع
قعدت مع صباح نلاعب هاني
وفضلنا نتكلم.. ونضحك
وكنت حاسس بجو اسري
جميل
خصوصا… لما طلبت مني صباح
اني اجهز معاها السفرة..
واتلمينا كلنا واتعشينا
مع بعض
وبعدها… دخلت للبلكونة الي بتوصل للجنينة…
وكنت ببص علي كل ركن في شقتي
وبحمد ربنا اني قدرت ادخلها تاني
وفي اثناء ما كنت قاعد في البلكونة سرحان
لقيت صباح
جاية وجايبالي شاي بالنعناع
فا ابتسمت
وقلتلها..
انا بحب الشاي بالنعناع جدا علي فكرة
قالت..منا عارفة
بصيتلها بتعجب
وقلت..عرفتي ازاي؟
قالت..انت ناسي ان المرحوم كان بيتكلم عنك كتير
ابتسمت وعديتها…
بس مش عارف ليه
كنت حاسس ان صباح فرحانة اننا اتجوزنا
فا فكرت انزل الجنينة
اجيبلها وردة
عشان اعبر لها عن سعادتي بطريقة رومانسية
للكاتبة حنان حسن
ونزلت فعلا وجيبت الورده
لكن لما رجعت للبلكونة
ملقتش صباح
فا روحت ادور عليها في الشقة
لكن ملقتهاش
فا قلت اكيد هي دخلت غرفة النوم
وكنت عايز اروح اديلها الورده
قبل ما تدخل تنام وينتهي يومها معايا
لكن علي ما وصلت لغرفة النوم
سمعت الباب بيتقفل
وعرفت طبعا
ان الليل بدء…
وبدات زوجتي تتحرم عليا
وكنت هرجع لغرفتي
وانام انا كمان
لكن الي خلاني اتصلب مكاني
..هو اني سمعت صوت راجل بيتكلم
في غرفة نوم صباح
وفي اللحظة دي
قلت لنفسي لا
انا مش علي استعداد
اني اعيش الاحساس ده تاني
وبعدين انا صحيح خايف اني انام في الشارع
لكن انا عندي النوم في الشارع ولا اني احس باني…….
ولاني كنت تقريبا انسان معقد بعفدة الخيانة
قررت افتح الباب علي صباح والي يحصل يحصل
وبالفعل…حطيت ايدي علي اوكرة الباب
لكن….
قبل ما افتح عليها غرفة النوم
اتفاجئت ب………….
رواية زوجة محر.مة ليلا. الجزء الثالث
.
.
.
.
