هل ذنبي ان انا مطلقة … #مشكلة
.
.
.
.
هل ذنبي ان انا مطلقة … #مشكلة
أنا مطلقة عندى ٣٧ سنة ومعايا بنتين وولد اتقدملى شخص أعزب
لم يسبق له الزواج عنده ٤٩ عن طريق المعارف واتخطبنا لمدة ٣ شهور
وخلال الفترة دى حسيته حد طيب ومحترم لكن لاحظت انه قليل الكلام
وديما حزين ومحستوش فرحان كشخص أول مرة هيتجوز بس قلت
جايز معندوش اندفاع الشباب وااحياة علمته كتير لأنه مش صغير
وطالما بيعامل أولادى كويس خلاص وقررنا نكتب الكتاب واستمر شهرين
حتى حان موعد الدخول فوجئت قبلها باسبوع بيصارحنى إنه لمصلحتى هينهى
كل حاجة علشان هيظلمنى لو اتجوزنى وهيفضل طول عمره حاسس
انه مخدش حقه فى الدنيا زى باقى البشر وحاول الانتــ؛ـحار اكتر من مرة
بس كان بيتراجع علشان حرام وانه مش عايز النار وفى نفس الوقت برضه
مش عايز الجنة علشان مفيش حاجة هتقدر تعوضه وانه هيطلب من ربنا
لو نجى من النار يخليه تراب أو يرجعه الدنيا تانى بس بظروف أحسن من الى
كان فيها!!! علشان كانت ظروفه صعبة ومكنش قادر يتجوز وهو شاب وفاته
.
.
حاجات كتير والحاجة لما مبتجيش فى وقتها بيبقى ملهاش لازمة ده الى
فهمته منه والأفضل إنه يعيش المتبقى من حياته مع نفسه وطلب اسامحه
لأنه رضخ لضغط أهله المستمر وأقدم ع الخطوة دى لمجرد انه يريح دماغه
من الزن بس وشايف انى ظلمنى بالخطوة دى ودلوقت هو بيصلح غلطه وفعلا
طلق وساب كل شئ المهر كله والهدايا الى كان بيجبها ليا وللأولاد وهى كانت
كتيرة بصراحة حاولنا نرجع الحاجة رفض واختفى تماما من بعدها حتى أهله
مش عارفين يوصلوا ليه! بس أنا مش مصدقة كل ده وحاسه انى علشان مطلقة
مكملش يعنى جماعة هل المطلقة معيوبة للدرجة الى تخلى الناس تهرب منها بالشكل ده؟
هل الطلاق بايدينا مش ده نصيب وقدر؟ ردوا عليا وفهمونى لو سمحتم ليه بنتعامل
بالشكل ده احنا خلاص كده بيتكتب علينا الموت بمجرد الطلاق!؟
.
.
