مشكلة عضوة
.
.
.
.
مساء الخير يا جماعه انا مطلقه من ٨ شهور وطليقي تزوج بعد الطلاق
بـ ٣ اسابيع بس وسبب الطلاق مكنش عاوز ياخدلي شقة بره بيت العيله
رغم اني مكنتش بخدم في البيت وقاعدة في شقتي وبنزل زي ما انا عاوزه
بس المنطقه كانت وحشه اوي ومكنتش متعوده على مكان زي ده في الاول
قولت هستحمل لاني كنت وما زلت بحبه بس مقدرتش لاني كنت عايشه في
مكان راقي جدا المشكلة معايا دلوقتي انه وحشني اوي والدنيا كلها حاسه
انها وقفت ومتعطله معايا بعد طلاقي منه ومشتاقه جدا لصوته وضحكاته
وهزاره معايا وندمانه اني عاندته وطلبت الطلاق وما وفقتتش اني اصبر وهو
زي مايكون ماصدق وطلقني مباشرة وقالي بهدوء وبدون شوشرة محاكم
لو عاوزه الولد خديه وهبعتلك مصاريفك شهريا ولو مش عاوزه الولد وهو كمان
مضايقك وعملك ازعاج انا هاخده والف وحدة غيرك تربيه وفعلا اخذت ابني
وبيبعتلي مره ٢٠٠٠ واحيانا ٣٠٠٠ يعني والله حتى في الخصام كريم معايا
بس معرفش ليه طلقني بسرعة ؟؟ وليه اتجوز بالسرعة ديه ؟ وهل يعني
بيعاملها زي ماكان بيعاملني ..؟
وازي اقدر اكلمه واخليه يرجعني مش قادره اتخيل زوج غيره في حياتي
لو هموت او افضل مطلقه طول عمري مش هتجوز غيره ابدا
هو على فكرة متابع الصفحه ديه ويارب يشوف رسالتي
