مشكلة عضوة
.
.
.
.
أنا عندي مشكلة مع اهل جوزي من ناحية اخواته بتعرض لمواقف
كتير وحشه منهم ومش عارفه العيب من مين ياريت الاقي حل انا
بقالي سبع سنين متجوزه معنديش مشكله مع جوزي الحمدالله
غير اخواته هو ولد على بنتين
المعامله مابنا صعبه جدا من ساعت ماتخطبنا وهما مفهمين حوزي
ان الفروق الاجتماعيه او المادية اللي بنا هتعمله مشاكل كبيره بس
الحمدلله واحده واحده فهمت ليه كان اول جوازنا كان معاملته صعبه معايا
وحلينا الموضوع لما فضفض وقالي انه خايف من كذا وكذا واني اتكبر
او اطلب طلبات ميقدرش عليها والخ الخ والحمد لله اثبت ليه عكس كده
نيجي بقا لمعاملت اخواته البنات بجد بتقهرني ولازم اروح من عندهم نفسيتي
زفت وافضل احاسب نفسي ليه معايا معاملتهم مش كويسه بس عادي بعدي
او ممكن ارد بس بعمل حساب جوزي وبسكت واقول معلش المهم انه مريحيني
نيجي بقا للاهم ومخاليني مخنوقه عندي ولدين اصغر من عيالهم
عايزه اقولكم والله العظيم عيالهم بيضربوا ولادي ضرب انا امهم مش
هضربهم كده بجد بتقهر قهره لان ابنهم بيضرب ابني بغل كانه عمل
معاه حاجه وهو ابني اصلا من صغره وهو بيخاف منه ومش بيحاول يلعب
معاه هو ابنها بيجي يدايق فيه ولو ابني اتحرك ولا نطق بيضرب وماليش حق
اني اتكلم علشان هي بتزعل وتشتكي لااخوها اللي هو جوزي ويقولي
متزعقيش ومعلش استحملي هما صغيرين وعادي عادي الموضوع اقوله
ضربه جامد وكسر سنته ولا زقه وضربه وحش اوي يقولي معلش هو يوم
اسكتي وعدي اليوم ده واختها تشوف ابني بيضرب تفضل ساكته واول ماابني
يدافع عن نفسه تقوله بس انت بتضربه ليه شوفت كتير مواقف من دي
وببقا ساكته ده غير كلامهم الوحش معايا ساعات اشوفهم يغمزوا لبعض
علشان واحده فيهم تيجي تضايقني بالكلام والتانيه تضحك وتقول
احنا بنهزر لما تلاقيني اتخنقت من كلامهم ومش عايزه اروح تاني و
مش عارفه اعمل ايه
