رواية الجامعة الغامضة الفصل السادس و الاخير 6

رواية الجامعة الغامضة الفصل السادس و الاخير 6

في الجامعه
جميلة كانت واقفه مع عمر ولاحظت ان فريد بيرخم علي ياسمين فقربوا شويه وسمعوا فريد بيقول لياسمين
فريد: بما انك مش حامل فتعالي نرجع
ياسمين: انت بتقول ايه انت اتجننت انا مستحيل ارجعلك
فريد: والله افضحك
جميله وضربته بالقلم: اعمل اللي تعمله هي مش هترجعلك
فريد: ايه ده يا ياسمين انتي مصاحبه بنات حلوه كده
جميلة كانت هتضربه تاني بس مسك ايديها وقال
فريد: ايدك لو فكرتي ترفعيها تاني هقطعهالك
عمر: طب ما توريني هتقطعها ليها ازاي كده ولا اصلا هتمد ايدك عليها ازاي
فريد: وانت مالك يا حلو عايز تتضرب ولا ايه
عمر: الله حلوه اوي ثقتك في نفسك وضربه بوكس وقعه علي الارض
فريد قام ومسك طوبه وكان هيضرب بيها عمر
جميلة: عمر
عمر لف بحركه سريعه وقعه علي الارض: بردك مصمم شكلك يطلع وحش واخد جميله وياسمين ومشي
فريد بخبث: الشاطر اللي يضحك في الاخر ومشي
في الكافتريا
جميله: انا بجد زهقت منك انتي مش قادره تضربيه يا ياسمين مش قادره توقفيه عند حده
ياسمين: معرفتش اتصرف يا جميله
جميله: ما انا مش هدخل نفسي تاني في مشاكل بسببك يا ياسمين يلا يا عمر نروح نكمل شغل علي البحث علشان هنسلمه
ياسمين: لا خلاص خليكم انا هقوم
جميله: عمر انت ليه عملت كده
عمر: عملت ايه
جميله: كنت واقف ولما لقيته وجه كلامه ليا اتدخلت ليه
عمر: يعني مش احنا خلاص بقينا صحاب ولا ايه
جميله: امممم
عمر: ايه عندك اعتراض اصلا مش مهم احنا صحاب خلاص
جميله: طب يلا يا صحبي نكمل البحث علشان الوقت ميسرقناش
عمر: حاضر يلا
بعد مرور ساعتين
جميله: لازم اعمل احتفال خلصنا
عمر: ما الاحتفال هيتقلب لجنازه بعد ما تبصي في الساعه المحاضرة بقالها خمس دقائق بدأه
جميله: طب يلا بسرعه
عمر: يلا
في المحاضره
جميله وعمر خبطوا ودخلوا: اسفين يا دكتور علي التاخير بس كنا شاغلين في البحث والوقت سرقنا
الدكتور: البحث بردك
جميله: ايوه امال هيكون ايه
الدكتور: بقولكم ايه انا عارف اشكالكم كويس يلا برا روحوا كملوا اللي كنتوا بتعملوا
جميله: بس يا دكتور انت فاهم غلط احنا كنا شغالين في البحث
الدكتور: قولت الكلام ده مش عليا برا
جميله بدموع: بس والله……
الدكتور: برااا
عمر: انا مش فاهم حضرتك عايز ايه
الدكتور: قولت بره واللي انا عايزه فبراحتي انت مالك
جميله خرجت ورزعت الباب عمر خرج وراها
عمر: جميله جميله
جميله: انا يتقال عليا كده يا عمر انا ليه علشان استنتاج متخلف منه بجد انا مش مسامحاه
عمر: طب اهدي شويه
جميله بعياط: مش قادره ده متخ*لف ازاي يقول كده ازاي وقدام الكل ده خلاهم يفهمونا غلط يا عمر سمعتي ضاعت بسببه ربنا ياخده
عمر:…
جميله: عمر بعد اذنك مش قادره انا هروح
عند ياسمين
كانت قاعده بعد المحاضره في الكافتريا
فريد جه عليها: ازيك يا روحي عامله ايه
ياسمين: مش كويسه علشان شوفتك
فريد: الله ده انتي شكلك اتعديتي من صحبتك ام لسان طويل دي وبتدرس ما علينا عارفة يا حلوه انتي لو عايزه تنجي من فضيحه الفديو ده ووراها فديو ليهم وهما متجوزين يبقي هتبعتيلي صور لجميله الحلوه ام لسان طويل علشان عايزه تتربي
ياسمين: حاضر حاضر بس لما اروح مش معايا صور دلوقتي
فريد: ماشي هحاول اصدقك بس يا حلوه لو حاولتي تلفي او تدوري اة عقلك يسوحك وتعملي حاجه فعرفي انك بتلعبي في عداد عمرك
ياسمين: حاضر وقامت مشيت واتصلت بجميله
جميله: الو
ياسمين: ايوه يا جميله اسمعيني كويس وحكت ليها علي كل حاجه
ياسمين: فانا رايحه القسم دلوقتي ابلغ
جميله: لازم دليل هتثبتيها ازاي دي
ياسمين: مسجله ليه صوت
جميله: واضح جدا انك اتغيرتي يا ياسمين
ياسمين: يعني مسمحاني يا جميله
جميله: ايوه مسمحاكي
بعد شويه
ياسمين راحت القسم وبلغت علي فريد واتحبس
(وكده بننهي صفحه فريد للابد)
بليل
جميله كانت قاعده بتتكلم هي وياسمين بعد ما سامحتها
فجاءه تلفونها رن وكان عمر
جميله: الو ازيك يا عمر
عمر: جميله ممكن نتقابل
جميله: امم هشوف
عمر: مفيش هشوف في انك هتنزلي
جميله: اوكي نازله
بعد شويه جميله نزلت
عمر: جميله انتي بجد حد مختلف جدا
جميله: ازاي
عمر: انتي بنت غير كل اللي اعرفهم انتي كنتي علي طبيعتك معايا من الاول مش من البنات اللي بتتصنع بالمكايج وبنت محترمه جدا بصي من الاخر جميله انا بحبك
جميله وشها جاب الوان: عمر انت كويس
عمر: ايوه انا بحبك يا جميله انا كنت متخلف جدا جدا جدا علي كل العند والخناقات اللي كنت بعملها معاكي
عمر: جميله ينفع اجي اطلب ايدك ونعمل خطوبه والجواز بعد التخرج
جميله: موافقه وانا كمان بحبك اوي
بعد مرور اسبوعين
يوسف خرج من المستشفي وكانت علاقته بتتطور اكتر واكتر بزينب وعمر اتقدم لجميله واتخطبوا وياسمين اتحسنت جدا واتعلمت من غلطها
بعد مرور تلت سنين
تحديدا في حفله التخرج
يوسف: ها كده حلو
جميله: اه حلو
يوسف: طب اروح دلوقتي ولا استني شويه
جميله: لا روح دلوقتي
يوسف: طب الكرافته مظبوطه
جميله: اه مظبوطه
يوسف: بس متوتر اوي خليها يوم تاني
جميله: زينب
زينب: نعم
جميله: يوسف عايز يطلب ايدك وتتجوزوا ونخلص منكم بقي
يوسف ونزل علي ركبته وطلع الخاتم: زينب تقبلي تتجوزيني
زينب: اه موافقه
عمر ونزل علي ركبته هو كمان: تقبلي تتجوزيني يا جميله
جميله: انت مجنون ما احنا مخطوبين اللي اصلا
عمر: ايوه عيد يابني تاني تقبلي تتجوزيني
جميله: موافقه
وبس كده تكون انتهت روايتنا
تمت بحمد الله

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .