زوجي اتصدمت فيه صدمة عمري باللي عرفته عنه #مشكلة

مشكلة عضوة

انا متجوزه من شهريناتصدمت من واحد قريبي بس من بعيد شويه احنا سالنا عليه
والكل مدح في اخلاقه وتدينه وانه ماشي في طريق مستقيم فوفقنا بيه
وحصل واتجوزنا اول أسبوعين جواز كانوا كوايسين نوع ما هوا كان قايل للكل
انه مش بيشرب سجاير بس شرب قدامي وطول قعدته في البيت ماسك الفون

يعني لو مكلمتوش انا مش هيفتكرني ومن فتره كان فونه جنبي ففي رساله ظهرت
عالشاشه لفتت نظري مسنجر هيا فالمهم دخلت المحادثه لقيت فيها حاجات صدمتني
لقيته بيكلم صاحبه وبيقوله عن كل امورنا الخاصه بالتفصيل مفيش اي حياء عنده
اتخنقت معاه وخلاص عدينا الموضوع ماهوا مينفعش اسيب بيت جوزي بعد اول اسبوعين
جواز حلينا المشكله وشلتها في قلبي وسكت بعدها بفتره لاحظت انه بيكلم واحد صاحبه

بطريقه انا استغربتها يعني تحسيهم اتنين متجوزين اه والله المهم كلمته قالي ده زي والدي
وانا بحبه وهو وقف معايا في حاجات كتيره فقولت ماشي بعدها بمده عرفت اني حامل
ولظروف شغله سفرت معاه وكان صاحبه ده جاي معانا لانو سواق العربيه بتاعتنا كان
الاول بينام في مكان مخصص للعمال بس بعدها بيومين جوزي جابه ينام معانا في الشقه
لما اتخنقت معاه قالي انه عايز حد بيعرف يسوق العربيه عشان لو حصل ظرف ولا حاجه
فضل يهديني وقالي يومين وهيمشي عدينا اول ليله تمام تاني ليله قعدت انا وجوزي

بنهزر مع بعض وعادي قعدنا نتصور علي فونه المهم لقيته ماسك الفون بردو عالمسنجر طلع
وسابه فانا كنت عايزه اعرف هو بيكلم مين الساعه 2 بالليل لقيته بيكلم صاحبه اللي قاعد
معانا في الشقه والصدمه انه بعتله صوري وانا بلبس النوم ولقيت حاجات في منتهي القزاره
في حياتي ماتخيلتها ولا توقعت اني اكون في الموقف ده بس حاجات مش عارفه احكيها
اتخنقت معاه ودخلت اهلي بس لاني في مكان يعتبر منفي مش عارفه امشي اروح اي مكان

بس مع ذلك لبست ومشيت وانا مش عارفه انا رايحه فين هو كان في الشغل وصداف لاول مره
يكون جاي في الوقت ده وقفني ورجعنا الشقه وقعد يقولي انه صاحبه ده ليه في السحر
وهو متحكم فيه وحاجات غبيه كده وقعد يتزللي اني ماامشيش وانا قولت اديله فرصه اخيره
علي نصيحه بابا طبعا بابا ميعرفش التفاصيل عدا عالمشكله دي شهر المهم كان لفت نظري
انه فاتح كام اكونت غير اللي مع الكل دخلت بحثت عنهم من عندي لقيت مفاجأة اكبر دي
صفح كل اللي عليها ش_واذ اسفه والله عالكلمه بس انا حقيقي في صدمه

مش عارفه افوق منها ولقيته ليه فالسكه دي قولت يمكن تاب بس لقيت انه بيفتح
الصفح دي علي طول وحاجه اخر قرف مع العلم انه كان بياخد ادويه عشان تساعده
عالعللاقه انا دلوقتي جويا ناااار وحقيقي مدمره ومش عارفه اتكلم عن اللي جوايا

انصحوني انا مش عارفه اعمل ايه انا مكسوره بطريقه مش عارفه اوصفها
وعلشان الحق هو تعامله معايا قمه الاخلاق وبيراعي ربنا فيا وبيصلي وبيقرا قران
وبار بأهله ومجتهد في شغله بس مش عارفه هوا في ايه تحسوه شخصين في بعض
اسفه عالإطاله بس انا بجد محتاجه للنصيحه

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .