مشكلة عضوة
.
.
.
.
احنا ٤ بنات متزوجين والدتنا متوفيه وبابا قاعد لوحده وكل واحده فينا بتروح اسبوع عند بابا
المهم واحده من اخواتى جوزها عامل معانا كلنا مشكله جامده وبعدها قالها
متعمليش حاجه لابوكى ولا تخدميه عايزه تروحى تروحيله
ساعتين فى اليوم وترجعى ومفيش بيات هناك خالص
فهى غضبت وقعدت عند بابا فتره ورجعتله بحجه عيالها مع انهم كانو معاها
من غير ما يجى يتكلم مع بابا جه اخدها من قدام الباب وكلنا كنا معترضين
على رجوعها بالطريقه دى وجه بعدها قاهلها تروحى لابوكى يومين فى الاسبوع
ساعتين ولا حاجه ومتباتيش وانا وهى الى مش بنشتغل واخواتى التانين بيشتغلو
وهى عارفه ان الموضوع صعب عليهم اوووى وبعدها جه بابا تعب ودخل المستشفى
شهر مجتش تشوفه ولا هى ولاهو ولما قولتلها قالتلى انا معرفش اروح المستشفى
فى القاهره لوحدى وهى فعلا مش بتروح مكان بعيد لوحدها لاننا بعيد شويه
عن القاهره وبعدها بكام يوم قالتلى انا هروح لبابا المستشفى وكان بابا خلاص
طالع فقولتلها ملهاش لازمه المهم اما يطلع تجيله البيت وتحاولى تباتى معاه
لان مش هعرف اجى خالص اليوم ده كلمتنى قالتلى انها مش رايحه جوزها مرداش
يخليها تبات وكلمت اختى الى بتشتغل تاخد اجازه وتبات مع بابا على ما اجى تانى
يوم لانى بسافر المهم دلوقتى اخواتى مش بيكلموها وشبه مقاطعينها وانا بكلمها
من فتره للتانيه وبيقولولى هى باعتنا علشان جوزها خايفه منه ان يطلقها
واحنا مش بنكلمها علشان تحس بغلطها وزعلانين منى انى بكلمها
وبيقلولى انتى كمان متكلمهاش علشان تحس بغلطها وانا مش عارفه اعمل ايه
انا حاسه انه غصب عنها وحاسه بالذنب لو قررت انى كمان ما اكلمهاش مع العلم
ان بابا شايف اننا بندوس عليها هى كمان وشايف انها ضحيه واننا غلط اننا بناخدها
بذنب جوزها لانه بيهددها بالطلاق دايما وان كده كلنا هنبقى عليها
وانا مش عارفه اعمل ايه اكلمها ولا مااكلمهاش
