زوجوني معاقا الجزء العاشر

صحيت ساره من النوم متأخره لقت محمد فاتح اللاب وبيشتغل عليه
ساره: صباح الخير يا محمد
محمد: صباح النور ياحبيبتى مارضتش اصحيكى بدرى قلت اسيبك تنامى براحتك

ساره: فعلا انا نمت ماحستش بحاجه نمت نوم عميق
محمد: كويس الدكتور قال النوم والراحة مهمين ليكى ع الاقل يومين دول قبل…. سكت وماكملش
ساره: قبل ايه؟!!

محمد: احم قبل ماتروحى في الاكاديمية انتى نسيتى أن الدراسة بدأت من مده؟!
ساره: أه والله يامحمد نسيت موضوع الصداع ده مخلينى حاسه انى مش هقدر علي موضوع الدراسة ده
قرب منها محمد ومسح على رأسها وقرأ عليها آيات من القرآن

محمد : ربنا يشفيكى ياساره وباس جبينها برقه
ساره: بتبص لى كده ليه يا محمد وسرحان؟!!
محمد بدهشة :انتى رميتى نفسك من البلكونه إزاى؟!!

جتلك الجرأة دى منين ماخوفتيش يجرالك حاجه؟!!!
سارة بدأت تتجمع الدموع في عينيها: مافكرتش في حاجه كان أهم حاجه عندي انى ابعد عن الحيوان ده حتى لو كان جرالي حاجه كانت أهون عندى من اللي كان ممكن يحصلى

محمد: ربنا عالم بحالي وحالك انا مكنتش هقدر أكمل حياتى من غيرك ياسارة كان ممكن يجرالي حاجه لو بعيد الشر….. سكت وقال : الحمدلله الحمدلله قدر ولطف

ساره: بس انت عمرك ماحسستنى ان انا مهمه بالنسبه لك أوى كده!!

ماحستش بلهفتك غير وأنا في المستشفى قلت يمكن نزوه ولا حاجه ههههه
محمد: بقي كده يا ساره بكره تعرفي أنا بحبك قد إيه يمكن الفترة اللي فاتت فعلا ماقدرتش أبين لك بحبك ازاى بس اوعدك ان كل ده هيتغير إن شاء الله

ساره: طيب هروح أجهز الفطار اكيد انت جعان
محمد: فطار إيه بقي احنا خلاص بقينا في معاد الغداء
ساره: أه تصدق اتأخرنا فعلا…. هروح أحضر حاجه سريعه للغداء

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
محمد: لا خلاص انا جبت الغداء من بره وكنت مستنيكى عشان نتغدى سوا يلا
بعد الغداء محمد
جاله تلفون خرج اتكلم في البلكونه دقايق ورجع

ساره بحيره : في حاجه يامحمد؟!
محمد بابتسامه: ايوه انا خدت اجازه اسبوع عشان نقضى أحلي اسبوع ممكن تقضيه في حياتك،
ساره وظهر علي وشها الدهشة: اممم فين ياترى؟!!!

محمد: خلاص هلعب معاكى لعبه حلوه
ساره مبتسمه: لعبه ايه يامحمد؟!!
محمد: بصى لو عرفتى هنقضى الاسبوع فين هديكى بوسه كبيره اوى
ولو ماعرفتيش هتدينى بوسه كبيره أوى

ساره بمرح: لا مش لاعبه ههههه
محمد ضاحكا: لو ماقولتيش يبقي هتدينى بوسه واديكى بوسه الاتنين كشرط جزائى
ساره: قول بقي بجد هنروح فين؟!! اه عرفت هنرجع مصر صح؟!!

محمد: لا غلط وتعالي اتفضلي هاتيلي بوسه حالا
ساره بعناد : لا
محمد: عشان تعرفي ان انا طيب هتنازل واجى انا
وقرب منها وباس جبينها وخدها

محمد: بحبك اوي يا ساره وضمها في حضنه ربنا مايحرمنيش منك يا عمرى
كلامه كان بيهز كيان ساره من جوه بس ماردتش ابتسمت له وسكتت
محمد: ساره انتى لسه حاسه اني غريب عنك؟!
هزت راسها لا

بتحبينى ياسارة؟!!
ساره وشها احمر
محمد: انا عاهدت نفسي عمرى ما هقرب منك غير لما احس بحبك ليا نفسي اسمعها منك ياساره
ساره حاولت تغير الموضوع: انت ماقولتش برده هنسافر فين؟!

محمد ماحبش يضغط عليها في الكلام
هنروح انا وانتى نعمل عمره الاسبوع الجاى وقلت تبقي احلي حاجه نبدأ بيها حياتنا
ساره بحماس: بجد يامحمد مش مصدقه يااااااه ماتتخيلش قد ايه كنت بحلم اعمل عمره

وبدأت الدموع تجرى من عيونها: مش مصدقه نفسى
ورمت نفسها حضن محمد وهو بيمسح بايده علي شعرها
ساره: ربنا ما يحرمني منك يا محمد
مسح محمد دموعها بايده واتفاجأ محمد بساره باست خده

يااااه كان حاسس بفرحه لانه حس انها بدأت تحبه
كانت ساره فعلا محتاجه الرحله دى بعد المواقف الصعبة اللي شافتها وحست انها فعلا جت في وقتها
بدأ محمد وساره يجهزوا للسفر وهما حاسين بفرحه وسعاده مش طبيعيه

أخيرا وصلوا هناك بعد شوق وقضوا فعلا أجمل أيام حياتهم وحسوا بمتعه وسكينه أول مره يحسوا بيها
محمد: يااااه علي الراحة هنا بجد اول مره احس بالراحه دى مش عارف اوصف إحساسى
احنا لازم إن شاء الله كل سنه نيجى هنا

ساره: فعلا احساس مختلف انا حاسه كأن في حاجه بتغسل روحى من جوايا وبتطبطب علي قلبي
محمد: طيب بطلى عياط من يوم ماجينا وانتى مش مبطله عياط
ساره: الدموع دى مختلفة صدقنى دى دموع سعاده أول مره أحس بيها دموع حب ورجاء

كل واحد دعى ان ربنا يقدره يسعد التانى ويعوضهم بسعاده تنسيهم كل حاجه مروا بيها
مرت أيام العمره بسرعه أوى وودعوا الارض المقدسه بالدموع والوعد بالرجوع مره تانيه لو ربنا قدر لهم الحياه

وبدأت رحلة رجوعهم مره تانيه
بعد رحلة قدرت تغير فيهم كتير
محمد: ايه رايك في الرحله دى بقى

ساره: ياااه يامحمد ماتتخيلش انا كنت محتاجه الرحله دى ازاى حاسه انها ادتنى قوه انى أبدأ من جديد
محمد: إن شاء الله كل حاجه هتتظبط بعد كده طول مااحنا مع بعض
ساره مابقتش قادره تخبي حبها عن محمد أكتر من كده وحست إن اعترافه ليها بحبه أكتر من مره رضى غرورها وكبرياء ها اللي محمد اهانهم في أول يوم في جوازهم

وهما راجعين محمد لاحظ ان ساره بتبص له كتير علي غير العاده
محمد: مالك ياساره عايزه حاجه ياحببتي اجبهالك؟!
ساره : لا ابدا هعوز ايه بعد اللي جبته دا كله بجد يامحمد مش عارفه أقولك ايه علي كل اللي بتعمله عشانى؟! ده كتير اوى
محمد: اى حاجه في الدنيا ماتسواش احساسى وانتى معايا وانا واخدك في حضنى كل يوم قبل ماانام

، انا اتولدت من جديد حياتى كلها اتغيرت
بسببك،ومسك ايدها وحطها على شفايفه
محمد: ربنا يخليكي ليا يا حبيبتي
ساره: ويخليك ليا يا محمد

واخيرا وصلوا البيت بعد غياب اسبوع
اتفاجأت ساره لقت …. يتبع
زوجوني معاقا الجزء الأخير

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­