#مشكلة
.
.
.
.
انا عندي ٣٥ سنه مطلقة عندي بنت واحده معايا عندها ١٢ سنه
وابوها اتجوز خلاص ال موضوع اللي عاوزه اعرضه عليكم ليا زميلة
في الشغل هي لسه مطلقة هي كمان من ٣ شهور طليقها ده زميلنا
في الشغل وكان فيه كلام بنا علشان كنت بتوسط لهم في حل مشاكلهم دايما
وكنت بعزمهم عندي في البيت والموضوع مكنش اكتر من ان اخوات وزمايل لحد
رمضان اللي فات قبل ما يطلقها بشهرين هو اعترفلي انه كان نفسه مراته تبقى
عاقله وحكيمه زي وكان دايما يقولي ان طليقي مش بيفهم علشان طلقك والمفروض
يضرب نفسه علشان طلقك وكلام كده وحاول يمشيني معاه في الجو ده بس انا كنت
برفض علشان زميلتي وصاحبتي على ذمته بس ده ميمنعش ان كلامه حرك مشاعر جويا
له ومره اتكلمت معاه في الموبايل وهو فهم من كلامي اني كمان مياله له بس انا والله
ما قولت له اي حاجه بس انا واحده ست وغصب عني وكمان علشان انا كنت دايما
معاهم في مشاكلهم فكنت دايما والله شايفه انه مش غلطان وهي اللي غلطانه
المهم هو دلوقتي عاوز يتجوزني على سنه الله ورسوله واظن ده لا عيب
ولا حرام بس مش عارفه موقف صاحبتي هيكون ايه بالظبط والمشكلة كمان
شغلنا كلنا مع بعض في نفس المكان وعلى فكرة هي اللي طلبت الطلاق فانا
محتاره اقولها ازاي واعزمها على كتب الكتاب ولا لأ هو خلاص قابل اخويا وماما
ومتفقين على كل حاجه بس لسه لم نعلن اي حاجه لحد ما اشوف اعمل ايه
مع صاحبتي ومش عارفه هنفضل نشتغل ازاي مع بعض بعد كده ومفيش اي
امكانيه للنقل لانها مصلحة حكوميه و محدش بيتنقل في الوقت
ده يا ريت تنصحوني من فضكلم نعمل ايه
