معاناة زوجة مع زوج خاين #مشكلة
.
.
.
.
انا متجوزه من ١٢ سنه ..عندي طفلين ..
اتحملت مع جوزي كلللللل حااااااااااجه
ظروفنا الماديه كانت صعبه جدااااااااا
( مع العلم انه كان مقصر في شغله ومسوليته وهوا من النوع الكسول )
كان عنده علاقات نسائية من اول سنه جواز ..بسامح وبعدي وكمان بساعد علي شفاؤه
من العلاقات ديه علي امل الهدايه من عند ربنا والتغير في يوم من الايام وصلاح حاله ..
كنت وراه عشان يفضل يود اهله ويحمل همهم ويسال عليهم ويراعيهم
وينول رضاهم لان رضا ربنا من رضاهم
واذا نال رضاهم بالدنيا ومافيها وكل حاجه في حياتنا هتبقي كويسه
ولما جاله سفر طلبت منه مايسافرش وقلتله خليك عشان تراعي اهلك
وتاخد بالك منهم وان استحمل ظروفنا الماديه مش مشكله ..
انا نفسي وقفت معاهم في ظروف مرضهم وعملت معاهم ال ولادهم معملهوش
( كان عندي ظروف صحيه وقتها ) بس كنت باجي علي نفسي عشان ابقي معاهم
وعلطول حامله همهم وبفكر فيهم وقلقانه عليهم وشاغله بالي بيهم والله اكتر من ولادهم
( وبعدين عملوا معايا مشاكل ونسوا كللل حاجه عملتها )
مكنش بيصلي ودلوقتي مش بيسيب فرض وكنت لسه هفضل وراه عشان يكون احسن ..
في حياته العمليه كنت وراه والله العظيم في كل خطوه عشان ياخدها وتشجيع علطول عشان يكون افضل واحسن ..
علطول دعاءي ليه بالهدايه ورضا ربنا عليه وانه يكون احسن وافضل في كللللل حاجه ..ولنفسه قبل اي حاجه
حتي اهلي واحد واحد وقفوا معاه…
علاقتنا مع بعض كان اي حد بيتمني ان يكون زينا ..اصحابه وقرايبه كلهم كانو بيحسدوه عليا
كنت صاحبته قبل مااكون مراته ..والله العظيم كنا اصحاب قبل مانكون متجوزين ..
وشويه ابقي مراته ال بتغير عليه حتي من ولاده ..كنت بخاف عليه من شويه صداع ..
لعبت معاه كل الادوااااار وكنت بعرف افصل منهم كويس جداااا
كل ال عملته ده وكل ال استحملته ده ..
كان مع حب واحتواااااااء وتفاهم واهتماااااااام واقول الحمدلله دايما علي الوحشه قبل الحلوه
ابقي عارفه امتي اسكت وامتي اتكلم بفمهه واحس بيه من غير مايتكلم
عارفه ان كل ربنا موفق كل ست للراجل ال هتقدر تستحمله وتستحمل عيوبه
وتعرف تتعامل معاها وان ال انا استحمله غيري ميقدرش يستحمله ..
وان كل راجل وله مفتاحه ..اتعاملت مع عيوبه قبل مميزاته ..مع العلم ان في معاملته
( واحد مش عارف قيمتي ولا كان شاغل نفسه بيا وكان كل اهتمامه بيطلع في نزواته ..
كنت بقوله انتا مش شايفني ومش واخدك بالك مني ولا شاغل نفسك بيا )
كل ال كنت ببقي محتاجاه منه كنت بشوفه بيعمله في نزواته ..كنت بصبر نفسي
واقول اكيد لما يفوق هيعرف قيمتي مشاكلي مكنتش بتتطلع بره بيتي ( مشاكل كبيره )
عشان يفضل مقامه ومكانته عالين عند اهلي عشان كنت عارفه ان انا هوا هنتصالح بس هما مش هينسوا …
كنت شايفه ان العلاقه الزوجيه علاقه مقدسه تستاهل المعافره والتضحيه
ساقر بره مصر من فتره وقلت خلاص اخيرااا هنبدا حياه جديده ونظيفه
ونعوض كل التعب ال فات وبعد كم شهر ارتبط بواحده هناك …
.
.
وباااااااااااااااااااااااااع كل حااااااااجه هنا بسهوووووووووله جدااااا ..كل حاجه
قالي انتي انسانه كويسه جدا وتستاهلي كل خير وانا مش هلاقي زيك ..
بس انا مش موفق في طريقه التعامل معاكي ..وانا مش هكمل وعلاقتنا مش هينفع تستمر
وانا مش قابل ارجع اعيش كده تاني وانا مش مبسوط
وعايز يطلقني
كل كلامه وجعععععع وجععععععع وجرح باعني وباع عياله وشايف ان ال انا فيه
ده مشاعر حزن وهتعدي وشويه وهبقي كويسه
مش شايف انه لا باع ولا خان ولاجع ولا جرح وشايف ان البعد عني راحه
مزاااااجه حلو جدااااا وعايش حياته عاااادي جداااااا ومدلع نفسه علي الاخر
واهله جااااااين عليااااااااا وشايفين ان انا السبب في كلللل حاجه حتي انا السبب
في سفره وبسمع منهم كلام جااااااااح جداااااا ….
واخواته بيخربوا البيت زياااااااده ..زي مايكونوا صدقوا ان البيت بيتخرب ولا فارق معاهم حاجه خالص
بالعكس بيسخنوا باباه زياده عليا ويجي يطلعوا عليا ويغلط فيا ويعاملني كان انا ال خاربه البيت
لما عرف ان ابنه عايز يتجوز تاني يقولي عشان انتي مش ماليه عينه
وكلام تاني كتير يوجع وظلم ليا …( والله العظيم مشافوش مني ومن اهلي غير كل خير )
انا جوااااااااايا وجع وقهر وجرح قد العالم ده كله …جوايا بركان
.
.
وعايزه ربنا ياخدلي حقي منهم كلللللللللهم ….منه ومن اهله
ادعولي في الايام المفترجه ديه رينا ياخدلي منهم…
من كل ال ظلمني ياااااااااارب وبجبر بخاطري ويعوضني خير انا وولادي
ويراضيني ويجبرني جبرا يتعجب له ارض السموات والارض
.
.
