.
.
.
.
عز ببرود : أيوه خو”نتك يانور ولو عايزه تطلقى معنديش مشكله
نور ضحكت بصدمه : عز بتتكلم جد اكيد بتهزر قول بالله انك بتهزر
عز بنفس البرود : بس انا مش بهزر يانور دي حقيقه ومعاكى الاختيار دلوقتي
نور بدموع قربت منه وفضلت تضرب فيه بايديها على صدره وقالت بأنهيار : ليه حرام عليك انا بحبك ليه تكسر”نى كده ياعز انا عمرى ما فتحت لحد قلبى غيرك تقوم تخو”نى ط طيب أثرت معاك فى ايه كنت قولى طيب انا مهمله فى أيه وانا اصلحه والله بس مش تكسرنى كده ليه ياعز لييييه
قالت كلامها ووقعت على الأرض وحطت ايدها على وشها وعيطت بشده
عز قلبه وجعه عليها بس تظاهر البرود وهى رفعت وشها لاقته متهزش قامت مسحت دموعها بعنف وتظاهرت القوه وقالت ببرود عكس حالتها : تمام ياعز انا اختارت
عز ببرود : وقررتى ايه ؟؟
نور بجمود : هنطلق طبعا ورقتى توصلى بيت أهلى يا عز وياريت ترمى عليا اليمين دلوقتي
عز غمض عيونه وقال بتردد : ا انتى طالق يانور
نور غمضت عيونها بعنف وجريت على الأوضه لبست هدومها بسرعه واخدت شنطتها وخرجت وبصتله بانكسار وقالت : هتندم ياعز صدقنى وساعتها مفيش حاجه اسمها اسف لأن انا بقيت بكر”هك
قالت أخر كلامها وخرجت من البيت وهو قعد على الاريكه وحط ايده على وشه بحزن
#هاجر_العفيفى
أستغفروووا
.
كريمه بخضه : ياخبر الباب بيخبط كده ليه حاضر حاضر جايه اهو
فتحت الباب شافت نور بنتها وكانت منهاره اترمت فى حضنها وبكت بشده
كريمه بخضه : مالك يانور مالك يابنتى فى ايه ياحاج محمود الحقنى
خرج والدها من جوه بخضه وقال : في ايه ياكريمه ايه ده نور مالك يابنتى
نور بشهقات ودموع : ا انا وعز اتطلقنا
كريمه ومحمود بصدمه : اتطلقتوا ؟؟؟؟
.
نور حاولت تتماسك وقالت : ا ايوه مفيش نصيب بينا اكتر من كده
كريمه بغضب : مش قولتلك ياحاج محمود هو عامل ليها حاجه شايف حالتها عامله ازاى شايف
محمود : أهدى بس يا ام نور نفهم فى ايه
نور بدموع : بابا مش قادره اتكلم والله انا هدخل انام
محمود : أنا هروح افهم منه ايه ال حصل بالظبط
نور مسرعه : لاء يابابا عشان خاطرى بلاش هو هيبعت ورقتى بدون شوشره بلاش تكلمه
محمود : طيب يابنتى ال تشوفيه خديها ترتاح ياكريمه ولما تصحي نتكلم
كريمه هزت راسها بحزن واخدتها ودخلت ومحمود قعد على الكنبه
كريمه خرجت وقالت : هتعمل ايه
محمود بحزن على بنته : مش عارف ياكريمه لازم هي تفهمنا الاول
كريمه بإصرار وغضب : لازم تكلمه وعرفه أن بنتنا مش رميه والف مين يتمناها وخليه يبعت كل حقوقها مش كفايه البت وشها بقا عامل ازاي وكبرت من الهم
محمود بتنهيده : هتصرف
#هاجر_العفيفى
صلوا على شفيعكم
.
.
.
.
.
.
.
.
.
.
عند عز كان قاعد مع أخته وهى بتكلمه
كيان بغيظ : يعنى مبسوط كده لما طلقتها
عز رجع براسه لورا وقال ببرود : أيوه طبعا ومرتاح كمان مش ناقصه صداع
كيان بصتله باستغراب وقالت : هى دي نور ياعز ال كنت مش بتطيق حاجه عليها يابنى ازاى تطلقها بالسهولة دى دى كانت كل حاجه فى حياتك
عز وقف وقال بغضب : يوووه بقا ياكيان انا مش عايز كلام فى الموضوع ده تانى انا زهقت
ولسه هيمشي وقف مسك دماغه من التعب
كيان بقلق قربت منه وقالت : مالك ياعز
عز لسه هيتكلم وقع على الأرض وفقد الوعى
كيان وخضه بصدمه : عزززز
#هاجر_العفيفى
أذكروا الله
.
.
نور كانت فى أوضتها نايمه على السرير وبتعيط وتلفونها رن برقم كيان شافته وقفلت عشان هي عارفه هتكلمها فى ايه نور وكيان صحاب جدا من قبل جواز عز ونور كيان رنت تانى كتير ونور قلقت جدا وردت وقالت : ايوه ياكيان فى ايه
كيان بعياط : ايوه يانور أرجوكي تعالي بسرعه عز فى المستشفى
نور اتعدلت وقالت بخضه : مستشفى ليه عز ماله ياكيان
كيان عيطت اكتر وقالت : عز عنده كا”نسر يانور وفى حاله متاخره
نور التلفون وقع من أيدها بصدمه وكأن العالم كله وقف فى اللحظه دى ونطقت بصعوبه وقالت : ك كا”نسر
.
.
