مشكله صديق

مشكله صديق

انا شاب عندي ٣٠ سنه متغرب في الخليج كان بقالي سنتين منزلتش ونزلت من ١٠ ايام والمفروض اني كنت نازل علشان اتجوز اللي حصل ان اهل خطيبتي باعوا الشبكه اللي انا جبتها وخلوا حد يعمل زيها بالظبط بس دهب صيني علشان محدش يعرف حاجه من اهلي وطبعا هيبلغوني وانا مسافر والدنيا هتتقلب

وخطيبتي اعترفت ليا امس لوحدها وانا والله ماخدتش بالي هما كانوا عازمني على الفطار وطبعا عياط وبكى وليله كانت سوده للعلم الشبكه معديه ٣٨ الف وبتقولي باعوها علشان يكملو جهازهاالمفروض فرحي 20/ 12 يعني اقل من 20 يوم وكل حاجه تقريبا جهزت وانا مقولتش

لحد خالص من عندي ولسه لم اواجه ابوها ولا امها ولاي حد والبنت كويسه مش وحشه اخلاق وجمال وقالتلي لو عاوزني امضيلك على وصل بالفلوس موافقه المهم بلاش فضايح علشان ابويا ممكن يروح فيها وانا حاسس انها فكرة امها علشان هي اللي كانت بتتفق معايا على

كل حاجه دلوقتي انا اتصرف ازاي اقسم بالله اللي بحكيه ده حصل ولسه مخدتش اي قرار وكنت مستنيك تفتح الرسايل علشان اعرف اتصرف ازاي افشكل الخطوبه ديه ولا اعمل ايه و معنى كده اني مش هتجوز السنه ديه وهاجل الموضوع خالص دلوقتي وانتم فاهمين بقى

اللي ممكن يحصل تاني لو الموضوع ده انكشف في البلد وانا صعبانه عليا البنت بس عقلي مشتت جدا جدا والله ومش عارف هعمل ايه معاهم.
ممكن تدلونى

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .