النهاردة كانت النتيجه بتاعتنا احنا الاتنين انا جبت جيد جدا و يونس جاب امتياز معرفش ازاي مع اني كنت بذاكر اكتر منه بس احنا الاتنين واحد و انا فخورة بيه ..
المرة دي أنا اللي حضنته بإمتنان ليه على وجوده دايما كنت بسأل نفسي كيف ممكن إنسان يحول حياة إنسان تاني لكتلة من البهجه و اللطف و عرفت دا مع يونس…
لما يكون شريك حياتك بيحبك بجد و انت بس اللي في قلبه،لما يديك كل الاهتمام اللي أنت محتاجه و كل الدعم و الحب اللي في الدنيا ،لما يحسسك إنك كل شيء بالنسبه ليه ،لما يحتوي حزنك و مشاكلك و آلمك و تقلباتك المزاجيه اللي مفيش حد تاني قادر يستحملهم غيره هو
– مبروك ليك يا يونس
= مبروك لينا يا عيون يونس
عملت كوبايتين شاي بالنعناع و طلعنا قعدنا في البلكونه و صوت الست مونسنا و هي بتقول
و قابلتك أنت لقيتك بتغير كل حياتي
معرفش ازاي حبيتك
معرفش ازاي يا حياتي
.
.
– مش عارفه حياتي من غيرك كانت هتكون ازاي و الله
= ساعات بحسك كدا كأنك بنتي و الله
.
ابتسمت ليه بحب و بعدين قولت
– العالم مليان ناس لكن ملقتش الونس غير و أنا معاك بجد بقيت بحب اهرب من العالم ليك انت و انا واثقه انك هتحتويني و مش هتزعلني و الفترة دي عرفت معنى كلمة ماما لما قالتلي هتعرفي ان دا الاختيار الانسب ليكي
= مكدبش عليكي كنت حاسس أن علاقتنا هتفشل لأن محدش فينا كان متقبل التاني بشكل كافِ
اتنهدت و قولت
.
.
– مش كل علاقات الحب بتبقى قبل الجواز بس تعرف علاقة الحب اللي بعد الجواز
اكتفى بابتسامه و قام جاب بطانيه و جه قعد جنبي و اتغطينا سوى فسندت راسي على كتفه و فضلنا قاعدين معرفش لحد امتى
.
.
بتونس بيك و انت معايا
بتونس بيك و بلاقي في قربك دنيايا
.
.
لما تقرب أنا بتونس بيك
و انا بتبعد انا بتونس بيك
بعد اسبوعين كانت حفلة التخرج بتاعت يونس كنا قاعدين انا و هو جنب بعض و حاسين بسعادة كبيرة اووي حقيقي
.
.
لما نادوا على اسمه فطلع على الاستيدج و عملي قلب و هو واقف و كان هو الأول على دفعته ف هيتعين معيد
– كنت حابب بس اقول شكرا لمراتي من كل قلبي على دعمها و وقوفها جنبي و اوعدها ان هفضل طول عمري سندها و ضهرها
عيوني دمعت من كتر فرحتي بيه و اتأكدت انه ممكن فعلا نغير كل شيء و احنا سوى
النهاردة بنستعد علشان نستقبل ابننا نور عنينا
– دي الغلاوه هي هي يا ابو زين
غمز
= و المشاعر متدارية يا ام زين
باصينا لبعض و فضلنا مبتسمين.
تمت بحمد الله
.
.
.
.
