.
.
.
.
وقال.. ولكن ..انا عانيت الأمرين قديما مع حماتي
ولذا لا أود لابنتي أن تخوض نفس التجربة
وتشعر بما شعرت به ، ولذا سأقترح عليك أمرا
أن وافقت عليه تمت الزيجة
سمعت أقتراحها وعلى الفور خرجت مسرعا
وانا أشعر بغضب عارم كاد أن يحرق كل من حولي
هيا بنا يا أمي
ماذا حدث !
ليس لنا مكان هنا
نظرت لي حبيبتي وفي عيونها دموع الفراق
وقولت لوالدها
عذرا يا سيدي لا اريد الزواج من ابنتك
وخرجت مسرعا من منزلهم
حبيبتي أتصلت عليا كتير
لكني كنت بتهرب منها ومش عاوز اكلمها
ولا اسمع صوتها ولا حتى افتكر اني عرفتها في يوم من الايام
بعد عشرات الرسائل والمكالمات رديت عليها
ممكن افهم ايه اللي انت بتعمله دا ؟
اللي انا بعمله ولا الست مامتك
ايوه بقى عاوزه افهم هي ماما قالتلك ايه
يعني مش عارفه
لا معرفش
خلاص خليها تقولك
ماهي رافضة تقولي ع الشرط اللي طلبته منك
وجننك بالشكل دا وغيرك من ناحيتي وخلاك تخرج
وأنت غضب الدنيا كلها على وشك
خلاص يبقى اكيد بابا عارف
سألته ومقالش حاجه وزغلان اوي من اسلوبك
وطريقة خروجك من بيتنا بالشكل دا
ومش زعلان من اللي زوجته طلبته مني
وجايب اللوم عليا
وبعدين بقى انا تعبت من اللي بيحصل دا
ليه مفيش حد عايز يريحني
مامتك ووالدك اكيد مش فارق معاهم سعادتك
والا مكنوش طلبوا مني الطلب دا
لاني لو وافقتهم عليه واخترتك ..فانا هبيعك في يوم من الايام ..
تبيعني ليه
عشان اللي ملوش خير في أهله ملوش خير في حد
ممكن توضحلي طيب
شوفي يا بنت الناس انا اه بحبك وكنت ناوي اكمل
باقي حياتي معاكي
كنت !!
اه كنت ..لكن بطريقتي وبحياتي انا ..ومش عشان أهلك
مستواهم أعلى مني يتحكموا في حياتي بالشكل دا
للأسف انا مش هقدر أكمل معاكي..وكل اللي بينا انتهى
فضلت تعيط وتترجاني لكني كنت واخد قراري
من ساعة خروجي من بيتهم أن خلاص كل اللي بينا انتهى
وبعد دقايق باب أوضتي خبط
اتفضلي يا ماما
تحب اجهزلك العشا
لا مليش نفس شكرا يا ماما
طيب مش ناوي تقولي بقى الي حصل ……….. يتبع
