رواية سر الذهب الجزء الثاني

الجزء الثاني

طبعا بعد مرحت للجوهرجى واتاكد انى مش بحلم
وانى فعلا بجيبلو دهب وباخد منوا فلوس قررت انى اصبر كمان عن كده ومتكلمش قدامه بحاجه يعنى مقلوش انى مش بفتكر شي غير تانى يوم وانى معرفش انا بجيب الدهب منين
قلتلو انا هجيلك ف وقت تانى وروحت
صبرت ايام وايام عشان اشوف هيحصل معايا ايه

لاقيت الموضوع رجع اتكرر تاتى ولاقيت المرادى مش فلوس لاقيت شيك شيك فلوس بمبلغ ٥٠ مليون ممضي من الجوهرجى كنت هجنن واقعد ابكى على حالى اللى مش عارفه انا بعمل ايه وايه اللى بيحصلى
خفت اتصل بجوزى واحكيلو اكون انا لاقدر الله بعمل شى غلط وانا مش في وعى
قعدة محتاره كتير لحد مقررت

انى اروح للجوهرجى بحجه انى عوزا اشغل فلوسي في مشرؤع وابداء اشوف كلامه معايا واحاول افهم منوا انا بعمل ايه وايه قصه الفلوس والدهب
فعلا رحتلو وقلتلو انا عوزا اشغل الفلوس في مشرؤع
اول ملاقانى اتكلمت معاه ف موضوع الفلوس لاقيتوا
خاف وقالى اسكتى هنا مش ينفع نتكلم تعالالى البيت بعد مخلص شغل واتكلمى براحتك
قلتلو تمام طب انت هتخلص امتى قالى الساعه ٦ المغرب هكون ف البيت قلتلو تمام

قلت في نفسي هو خاف ليه اتكلم في مكان الشغل اكيد في شي كبير بيحصل ولازم اعرف انا ايه حكايتى معاه
روحت وكنت مستنيا المغرب على نار وكان اليوم طول ومش عاوز يعدى

ولما جت الساعه ٦ مستنتش لبست وجريت على بيتو وبيتو كان قريب من بتنا
خبطت وفتحتلى مراتو رحبت بيا واستقبلتنى كويس جدا
قولتلها عمو احمد موجود
قالتلى اه موجود قعد لحد مجه وقعد معايا وابتدينا نتكلم
قالى اياكى تجلي تانى المحل هنا امان عن هناك
قلت ف نفسي ياربي ايه الموضوع
عملت نفسي مقتنعا بكلامه وانا مش فهامه حاجه وقلتلو عندك حق
طب انت مدينى شيك بمبلغ كبير ذى ده لو انا روحت اصرفه هيقولولى من اين لكى هذا وهدخل في سين وجيم

وانا مش عوزا كده
قالى والعمل قلتلو دخلنى معاك بيهم ف مشروع ونكتب عقد بكده اقتنع وقالى تمام هنشوف مشروع بس مش هينفع ادخلك في المحل عشان ده معايا شريك فيه
قلتلو تمام فكر ف مشروع ورد عليا
بعدين ابتديت استعبط معاه ف الكلام قلتلو بس ايه رائيك المرادى الفلوس كتيره بس انا حاسه انك ظالمنى ف المبلغ
ضحك وقالى بس متنسيش انى انا اللى معرض للخطر مش انتى

عشان كده لازم اخد حق الخطر ده يعنى انتى كده حقك ال ٥٠ اما انا هبيع بزياده وهكون متحمل اى شي يحصل
بس انتى شدى حيلك وهاتى تاتى وانا هغرئك فلوس

اجيب ايه بقا هنا اهم نقطه لازم اعرفها منوا
قلتلو انت اصرف ف الحاجه ولا لسه قالى لسه موجوده
قلتلو ممكن اشوفها عشان اقدر اتمنها بنفسي
قالى ليه هتفهمى في قمتها يعنى قلتلو بس هاتها انت بس
دخل الاوضه عشان يجيب الحاجه وانا على اعصابي جدا وبحاول مابينش ده قدااااامه
لحد مخرج بكرتونه في ايدوا
ربنا يستر
قالى خدى اهو ياستى قيمى يعم الخبير واول مفتحت الكرتونه
كانت المفجاه….. يتبع
الجزء الثالث من هنااااااااا

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .