ـ أحمد اصحى ي احمد
= ايه ي ماما ف ايه
– الأستاذ حسن ابو صاحبك محمود بيقولوا مش لاقيينه من امبارح والدنيا مقلوبه
= ماشى ي ماما اطفى النور وانا شويه وهصحى
– يابنى اقف يابنى دور معاهم وشوف الراجل فين
= ي ستى انشالله عن امه ما رجع سيبينى انام
– ياعنى اييييييييه بصوت عالي
= الحقووووووووونااااااااااااى
(بيتفتح باب اوضته بخبطه جامد)
وبتدخل خالته واخواته البنات كريمه وهناء
خالته : مالك يابنى ف ايه
احمد : امى ي خالتو كانت قاعده هنا دلوقتى وكلمتنى بصوت تخين .. تخين اوى
كريمه : بس يا احمد ماما تعيش انت
هناء : اكيد ده كابوس يا حبيبى احنا عارفين انك كنت متعلق بيها جامد
وفجأه باب الأوضه اترزع جامد وسمعوا صوت حد ماشى حواليهم وصوت همس كتير ف الاوضه وهما قاعدين مرعوبين ولازقين ف بعض من الرعب وبيبصوا لأحمد
احمد : صدقتونى !!
خالته : خرجنا من هنا يا احمد هنموت
احمد : لا مش هنموت لو هنتأذى كنا اتأذينا من بدرى
وبعدين حسو بنقط مايه بتقع على دماغهم بيبصوا لفوق لقيوا السقف مليان د. م و
بينقط عليهم فضل خالة احمد واخواته يصر. خوا بطريقه هستيريه لغاية لما الناس اتلمت وكسروا باب الشقه وحاولوا يكسروا باب الأوضه
لكن واجهتهم صعوبه جامده ف كسره على عكس باب الشقه فضلوا يحاولوا يكسروه لكن مقدروش .. لكن الباب اتفتح لواحده .. اتفتح ومكنش ف اى حاجه تستاهل الصر. يخ ..
.
.
البيت منظم والأوضه مترتبه ومفيش وسا. خه ولا ف اى حاجه
فضلوا الناس يتطمنوا على احمد واخواته وخالته ويسألوا عن سبب صر. اخهم بس محدش فيهم بينطق كلهم الصدمه مش مخلياهم عارفين يتجاوبوا مع الناس
دخل محمد صاحب احمد وخطيب اخته هناء وشكر الناس .. واخد احمد واخواته وخالته نزلهم عند امه علشان يهدوا شويه واخد احمد ونزلوا على القهوه .. وهما ماشيين فى الطريق احمد حكى ل محمد كل حاجه
ف القهوه
محمد : طبعا لو حكيت ﻷى حد الكلام ده هيقول عليك مجنون
احمد : اكيد بس والله هو ده اللى حصل
محمد : طيب انا عارف يا احمد ان والدتك الله يرحمها كانت غاليه اوى عندكوا
مش يمكن موتها فى الظروف الغامضه اللى حصلت يكون عاملكوا صدمه او تهيؤات من كتر حبكوا ليها ؟؟
.
.
احمد : صدمه وتهيؤات ايه بس ده احنا ال4 شوفنا نفس الحاجات طب والناس اللى معرفوش يكسروا الباب و ال…
محمد : انا مصدقك جدآ يا احمد بص لفوق كده وركز على سطح بيتكوا .. اهو باين هناك اهو
بيبص احمد على سطح البيت هو ومحمد لقيو حبل متشعلق فى الهوا وفيه قط اسود كبير مشنوق
جرى احمد ومحمد على البيت بسرعه وطلعوا على السطح ملقيوش حاجه بس سمعوا صوت حد فى العشه على السطح واصلا العشه دى متفتحتش بقالها سنين وكان عليها قفل بس لما قربوا منها كانت من غير قفل قرب محمد من العشه وفتح الباب فتحه صغيره
.
.
قام الباب اتشد جامد من ايد محمد وقع سالم على الارض من الخضه واحمد جرى عليه
وقفوا بس العشه ضلمه وخايفين يبصوا جواها وفى نفس الوقت مفيش حاجه خرجت من العشه
محمد : طيب بص يا احمد انا شاكك فى حاجه ..
تعالى نقف بعيد عن الزفته دى وهعمل مكالمه وبعدين نشوف فى ايه فى العشه
احمد : مكالمه لمين ؟؟
محمد : هتعرف
.
.
محمد : الوووو ايوه يا محمود اخبارك ايه
محمود : زفت ي محمد ابويا مرجعش البيت من امبارح
محمد : طيب انت فين
محمود : فى البيت
محمد : ماشى احنا شويه وهنجيلك . سلام
محمد : يا احمد انت كل كلامك صح ومحمود ابوه مرجعش من امبارح يبقى امك كانت بتبلغك رساله ..
احمد انت باصص ورايا ليه .. اوعى يكون فى حاجه ورايا
.
.
احمد : بص
بيبص محمد وراه ويلاقى ست خارجه من العشه وشعرها منعكش وعلى وشها دم كتير وعلى اديها دم لدرجة ان الدم بينقط منها ولابسه جلابيه بيضا مقطعه ومش نضيفه وعليها بقع دم قديمه وكفوف رجليها كبيره وقطعه واحده مفيهاش صوابع
ووشها متشو. ه وباين منه اللحم والعضم كأن حد راشش عليها ما. ية نا. ر وجمبها قط اسود كبير ماسك كبد بنى ادم فى بوقه
محمد : هو احنا هنجرى امتى
احمد : دلوقتى … اجريييييييييى……
قبر أم أحمد. الجزء الثاني
.
.
.
.
