بعد ما امير بيكمل كلامه بيقولها
لما رجعت مصر ادور علي اهلي لقيت الباب مقفول وكمان محدش من الجيران بيقولي اهلي فين كنت بتحرق من جوايا مكنش فاضل الا اختي الكبيره اماني اللي اروح اسالها يمكن الاقي عندها اجابه
وروحتلها البيت لقيتها الحمد لله وقفت تبصلي شويه واﻻخر اترمت في حضني وعيطت سالتها عن اهلي فقالت ابوك واخوك واختك اميره ما. توا مكنتش قادر اقف علي رجليا خالص
ولما سالتها عن امي قالت جوا دخلت لقبتها هيكل عظمي مفيش فيها اي جسم خالص سلمت عليها معرفتنيش خالص
وسالت اماني قالتلي ان اختك بعد ما اتخطبت وكانت حماتها رافضه الجوازة وروحتلها انا واميره نفهمها انها هاتبقي زي بنتها الست قابلتنا مقابله وحشه خالص وبعد ما رجعوا البيت يا حماتي اميره فضلت تعيط حزينه علي بختها خالص وعلي حبها اللي بيتدمر
انتي بقي روحتي الييت اديتيلها سلسله ومن وقت هي ما لبستها وهي تعبت بقت تصرخ وتعيط في الحمام وتعبت جدا
ابويا غلبان بقي يجيبلها شيوخ ودجالين والكل يقول دي عندها مس وبقوا يعملولها زار ومفيش فايده بردوا
الاخر ابويا راح جاب ليها شيخ وقال انها معمولها بالتفريق والكرة والسبب في السلسله دي
حاولوا يخلعوها منها بس هي رفضت تخلعها وجريت علي البلكونه ورمت نفسها قدامهم كلهم
اميره اللي زي النسمه ماتت قدام ابويا وامي واخويا واختي ماتت بسببك انتي وبسبب كرهك ليها ما. تت بسبب حقدك وعمايلك السو ده
اختي اميره ما.تت وانتي السبب
اما اخويا بقي المهندس المحترم لما عرف ان اللي عمل العمل انتي جالك كان عاوز يسالك سؤال واحد انتي ليه عملتي كده لييييه حضرتك بلغتي البوليس وقلتي انه اتهجم عليكي في البيت ولبستيه تهمه واتسجن وعشان انتي واصله وليكي علاقات ونفوذ وصيتي عليه في السجن ودفعتي فلووووس للمساجين وما.ت في خناقه بين المساجين
اخويا ما.ت وانتي اللي وصيتي عليه وصيتي عليه المساجين وموتيه يبقي كده انتي جيبتي جونين وبقت النتيجه اتنين صفر ابويا من حزنه علي ولاده اتقهر وجتله جلطه ومات علي وﻻده لما ما.توا قدامه
الله عليكي شغاله وبتق تلي وقلبك عليه برد وسلام يا جبروتك يا حماتي
اما امي اتقهرت وبتموت بسببك لما تعبت وحصلتلها مضاعفات بسبب حزنها علي وﻻدها
وبردوا انتي السبب كنتي مطمنه انك في السليم وان محدش موجود ياخد حقهم منك نسيتي اني عايش ومابسيبش حقي وهارجع وادور علي حقي ده
اماني قالتلي انك السبب في اللي حصل لينا كلنا بعد ما رجعت مصر اربع ايام وامي اتوفت
دي اللي حضرت جنازتها هنا اماني يا عيني ماحملتش الصدمه نامت علي نعش امي بنشدها لقيناها م. ااتت ما. تت هي كمان علي النعش بتاع امها مبقاش فاضل ليا حد هنا في مصر سافرت بعد الخميس الاول لشغلي تاني بس كان لازم اتعلم فنون السحر عشان اقدر احار. بك بنفس سلا. حك
.
.
وهناك اتعرفت علي عادل المحامي ومطنتش صدفه لالا انا بدات احسب خطواتي كويس جدا واعرف هدفي عشان اوصل بيه كويس ووثقت علاقتي بيه اوي ولما نزل هو مصر كنت بتصل بيه لعند ما نزلت انا كمان مصر وكان لازم ابدا في خطه الانتقا. م
واتعرفت علي اهله واقنعته اني بدور علي عروسه ولما شوفتك انتي وبنتك عرفت انك الهدف المنشود ليا
وكان لازم ادخل العيله عشان اقدر ادمركم واتقدمت لبنتك
وكنت بوافق علي كل طلباتكم انا منكرش اني حبيت شمس وكنت رافض انها تخلف ولما كنت احس اني بحبها اوي كنت بروح المكتب اطلع السلسله دي والصورة دي ابص ليهم عشان منساش اللي انا لازم اعمله
وعملت عمل للسلسه وعشان تفضل قدامي ومنساش الانتقام وتفضل نار قلبي مولعه
روحت لجواهرجي قلتله انا هاجي اخدها تاني منك بس لمعها وظبطها واشتريتها قدام بنتك عاااادي خالص ولبستهالها
وبدات تشوف زي ما اختي اميره كانت بتشوف ودخلتها المستشفي بس هناك هي اللي خلصت علي نفسها منكرش اني كنت حزين علي بنتي اووووي اللي في بطنها
بس اهلي راحوا بسببك ومكنش في اي حاجه هاتمنعني اني انتقم منك يا حماتي انتي وولادك كلهم
اما باسل ابنك بقي ده موضوووعه كان سهل جدا وبسيط
.
.
انا اللي دخلت الشك في قلبه من ناحيه مراته نيروزا واقنعته انه يركب كاميرات وانا مهندس اليكترونيات وجه في ملعبي وعشان احبك اللعبه عليه صح
روحت البيت لمراته وفي الاسانسير غيرت لبسي واتعمدت اني اظهر للكاميرا بضهري عشان يبان انه في شقته واحد فعلا وعملت نفسي بقع لما هي فتحت الشقه
واترميت عليها وهي مسكتني قبل ما اقع والكاميرات انا كنت متعمد اجيبها صورة بس من غير تسجيل صوت هههههههههههه مهندس بقي وكنت رايح اقولها اني محتاجها تنزل تشتري هديه معايا لشمس
.
.
عشان عيد ميلادها حجه باهته بس مقنعه
وخليته يتاكد ان في حد في الشقه فعلا ونزلت من قدام البواب اللي اتصل بيه ان في حد غريب سال عنه
وطلع شقته فوق
وبكم الف البواب غير شهادته وقال انه اتصل بيه عشان فلوس الاسانسير
وانا بلعبه بسيطه غيرت الفيديو في الكاميرات وخليت مراته ممعهاش حد ومابنش في الكاميرات الا وهو بيدخل يقتلها بس
.
.
اما في السجن بقي كان سهل جدا ادخله جرعه مخدرات واخلي حد يديهاله ويموته في السجن
عرفتي ان السن بالسن والعين بالعين والبادي اظلم
زي ما قضيتي علي عيلتي اللي هي اغلي حاجه عندي كان لازم اقضي علي غيلتك هي كمان ومفيش اي حاجه هاتمنعني من اني اوصل لهدفي
.
.
بصيت لحماتي لقيتها بتزووووووووم عايزة تقرب مني
قلتلها متحاوليش انا فاهم انتي عاوزة تقولي ايه
اني شيطان ايوة شيطان انتي اللي خليتيني شيطان عشان اقدر اقضي عليكي كان لازم ابقي زيك وانتقم منك
14سنه بفكر وبخطط ازاي انتقم منك 14سنه وانا مابنامش وﻻ باكل وﻻ بشرب كل يوم بحلم اني اخلص عليكي
انتي بقي عقابك تعيشي كل لحظه الم وندم علي اهلك زي ما عيشتها انا كمان
كان لازم تشربي من نفس الكاس وبنفس الطريقه
وانا اهو هاروح اقري الفاتحه علي روح اهلي
وانتي هاتعيشي هنا وتموتي هنا
سلام يا حماتي
وشديت منها الصورة وسيبت السلسه معاها عشان تفضل تتحسر كل اما تبص ليها
تمت بحمد الله
اقرأ أيضاً…. َ. قصة صفقة العمر. الجزء الأول
.
.
.
.
