بعد ما اتجوزت شمس اللي كانت جميله جدا كنت كل اما للاقي نفسي بميل ليها
وهانسي القضيه اللي المفروض اني موجود هنا عشانها هنا ادخل للمكتب واطلع منه ظرف افضل ابص فيه شويه وبعدها احس ان جسمي فيه نار لو طلعت برا مني هاتحرق العالم كله كله وده كان لازم عشان افضل فاكرهم
المهم انا مكنتش عاوز وﻻد من شمس كنت رافض الفكرة دي خاااالص مش عاوز وﻻد منها مش كرة فيها لا عشان مفيش حاجه تمنعني من هدفي اللي بنام وبصحي بخلم انه يخلص
وكنت ليلاتي بعملها كنت بعملها كوبايه عصير وفي العصير ده كنت بحطلها حبايه منع الحمل بس انشغلت فتره اسبوعين ورا بعض بس كنت بعمل اللي بعمله كل يوم وفي يوم شمس لبست لبس نوم قصير وجت قعدت قدامي وقالتلي انت نفسك في بنت وﻻ ولد قلتلها ايه لازمه السؤال ده
قالت عشان انا حامل قلتلها نعم يعني ايه قالت مالك يا امير اتنفضت ليه كده هو انت مش بتحبني وعاوز تخلف مني وﻻد قلتلها ايوة بس انا مطنتش عامل حسابي ان يبقي عندنا بيبي بدري كده زعلت وعيطت وقالت يعني ايه مش عامل حسابك انا عارفه انك مابتحبنيش وﻻ عاوز تخلف مني
سيبتها ودخلت المكتب وطلعت الظرف وفضلت ابص فيه والدموع كانت بتقتلني مش عارف ايه الورطه السوده دي والحمل ده جه منين وﻻ حصل امته وازاي ياااااربي اعمل ايه بس دبرني ياربي ومن التعب نمت مكاني علي المكتب وشوفتها ايوه شوفتها طبعا بتسالوا شوفت مين هاتعرفوا اسمها بعدين المهم لقيتها قدامي بتقولي لو عاوز تنساني انساني انا مش هازعل انا عاوزاك انت تبقي مبسوط وعندك اوﻻد
قلتلها لا مفيش اي حاجه هاتخليني انسي الهدف بتاعي اللي انا موجود وكرست نفسي في الحياه عشانه مش ممكن انساكي وﻻ انسي ايه اللي حصل
صحيت وانا بدور عليها بس مالقيتهاش خرحت لاوضتنا لقيت شمس نايمه حضنتها وبوستها وقلتلها ماتزعليش انا هاعنل اللازم عشان البيبي بتاعنا يبقي مبسوط ردت عليا
وقالتي انا بحبك اوي يا امير اي حد مكاني كان هايحن لما يسمع الكلام ده بس قلبي خلاص مات
بقي عباره عن ماكينه لضخ الدم بس عشان الجسم يبقي عايش وخلاص
بس انا لا انا بقيت جماد معنديش مشاعر كل اللي بفكر فيه هو اﻻنتقام وبسسسس
تاني يوم جيبت عربيه وكان فيها كل مستلزمات البيبي من كل حاجه وجت نيروزا تتفرج علي الاوضه
.
.
وكانت مبسوطه جدا وفرحانه اوي عشان انا مبسوط وجه معاها جوزها اللي هو اسمه باسل
وقعدت معاه وقلتله نيروزا بتحبك اوي
قالي انا مش عارف قلتله ليه ياراجل دي هاتموت عليك قالي بص يا امير انا حاسس ان نيروزا متغيره من ناحيتي الفتره اللي فاتت دي قلتله ليه وازاي قالي حاسس انها بتخوني مع حد تاني
ههههههه ياراجل عيب عليك بقولك ي بتحبك قالي صدقني انا بس ناقص اني اتاكد فكرت للحظه وقلت الله الخطه ماشيه زي ما رسمتلها تمااااام
طب بص يا باسل انا عندي فكرة هاتريح قلبك من الظن والشك ده
قالي الحقني بيها انت متعرفش انا بتعذب كل يوم ازاي وببقي تعبان اواي لما ببصلها وهي جمبي وشاكك فيها انها بتخوني
قلتله سهله جدا انا هاركب ليك كاميرات واي حد هايطلع البيت او يدخله انت هاتعرف كان مرحب بالفكرة اوي اوي وفرحان انه لقي ضالته عندي
خرجنا واشتريت الكاميرات وركبتها ووصلتها عنده علي الفون بتاعه عشان يشوف البيت في اي وقت وبلغ البواب ان اي حد يطلع عنده يبلغه فورا وكانت الحجه ضعيفه شويه بس مقنعه
.
.
قلت للبواب انه عنده في بيته ورق مهم خايف عليه من السرقه وناولت البواب 100جنيه
قال حاضر يابيه و نزلنا تحت البيت ورجعنا علي الفيلا عندي وهو اخد مراته وروح
.
.
وانا وشمس قعدنا نتكلم ونلعب لعند ما نمنا بليل
صحيت علي صراخ من شمس قلتلها في ليه مالك قالت وعي بتشاور لحاجه بيني وبينها اهووو في ايه يا بنتي قالت بعد ما هديت انها حست ان في حد بيلمسها من ضهرها وهي نايمه
وفكرتني انا بس دي مش اول مره وبدات تعيط تاني……
.
.
وتحكي عن انها بتشوف حاجات في الشقه غريبه وبالذات في الحمام
كانت في مرة بتاخد دش وهي في الحمام وقفت قدام المرايه تبص لنفسها لقت في حد شكله وحش اوووي واقف وراها بيبصلها انلفت وراها بسرعه عشان تتاكد وتشوف مين اللي وراها مالقيتش حد
بس الغريبه ان الخيال بتاع الراجل ده كان موجود لسه في المرايه وماسكها من راسها بيغرقها في الحوض هي جريت برا الحمام وخافت تدخل تاني
.
.
ومرة تانيه كانت بتعمل تواليت لقت في ايد بتطلع من الحمام بتلمسها قامت تجري والباب اتقفل وهي فضلت تصرخ تصرخ ووقعت في الحمام وفاقت بعدها بشويه لقت نفسها في الصاله علي الكنبه
قلتلها مفيش انتي بس بتحلمي بكوابيس وهي اللي مخلياكي تفكري في كده
طبعا اقنعتها انها تهدي وتنام بس فين وفيت ده حصل بعد الفجر
خرجت من الاوضه للمكتب طلعت كتاب وجيبت طبق وفضلت اقري وابص في الطبق لعند الشمس ما طلعت دخلت علي صرخت شمس….
قصة أنا و حماتي. الجزء الثالث
.
.
.
.
