عايزة نصيحة بدون تجريح لو سمحتو انا كنت متزوجة وعندى 4اطفال ولدين وبنتين واتطلقت من زوجى لااسباب كتير منها انه كان غير مسؤل وكان مدمن ومكنش ينفع استمر معاه اكتر من كدة المهم اتطلقت واخدت شقة لوحدى وقبل ما امشى من البيت اخدو منى الولدين وفضل معايا البنتين اشتغلت وقولت اربى البنات بس للاسف الوضع كان مؤسف واكيد انتو عارفين نظرة الناس للست المطلقة وانى كنت عايشة لوحدى وللعلم سنى صغير واهلى للاسف كانوا بعيد عنى ومش بيسألوا عليا خالص وفى الفترة دى اتقدملى راجل محترم وشغله مرموق وظروفه الماديه كويسة والاهم من ده انه على خلق وبيعاملنى كويس جدا وكمان البنات كان معتبرهم بناته ورغم انى كان ممكن اتجوز ومعرفش اهلى لانهم مكنوش بيسألوا فيا معملتش كدة واتجوزت بعلمهم وراح لااخواتى طلبنى منهم طبعا كانوا معترضين وحاسسونى انى هعمل جريمة وان دة مش من حقى طبعا بعد ما اهل طليقى عرفو انى اتجوزت عايزنى يدونى الولدين طبعا زوجى اعترض وقالى انا اتجوزتك وانتى بالبنتين وانه مش هيقدر يشيل مسؤليه الاربعه واهلهم موجدين وقالى ممكن ناخدهم يومين فى الاسبوع وباقى الاسبوع يبقوا عند اهل بابهم الكل طبعا هاجمنى وقالولى انتى مش ام علشان طبعا احترمت رأى جوزى والله الولاد صعابنين عليا جدا بس دة كان اختاريهم واختيار اهلم انى اسيبهم ومش عايزة اشيل زوجى اكتر من طاقته خصوصا انه شايلنى انا والبنات فى عينه ومش عايزة حاجه من اهلهم هو متكفل بمصاريفهم وتربيتهم وتعليمهم هل انا كدة غلطانه ومستهلش اكون ام زى ما بيقلوا عليا انا محتارة فعلا يعنى اخرب بيتى واسيب الراجل المحترم اللى سترنى انا وبناتى ولا اخد الاربعة واترمى فى الشارع بيهم خصوصا انى مش هقدر اتحمل مسؤليتهم ولا مصارفيهم ولا تربيتهم لوحدى اهل كلهم ضدى وبيهاجمونى ومحسسنى انى عملت جريمه ياريت تنصحونى انا كدة غلطانة
