شريف .. انا هقلك علي كل حاجة ..
انتي عرفة طبعا ان اشرف من عيلة غنية .. زمان من خمسة وتلاتين سنة لما ماما جت تولدني انا واشرف مكنش في ايامها سونار والكلام ده عشان تعرف ان اللي في بطنها ولد او بنت او واحد او اكتر فدخلت المستشفي عشان تولد زي اي ست
في نفس التوقيت كان في واحدة ست جوزها صاحب ورشة ميكانيكا سيارات ولدت قبل كدا اربع بنات ودخلت تولد الخامس وجوزها حلف عليها لو مجابتش الولد المرة دي هتكون طالق وولدت وجابت ولد بس للأسف مات بعدها بلحظات مكنتش عرفة تعمل ايه بعدها بلحظات ولدت امي وجابتني انا واشرف ولأن الممرضه كانت مش كويسة وفي نفس الوقت كانت معرفة للست دي مرات
الميكانيكي اقترحت عليها انها تاخدني انا وتديني ليها وفي نفس الوقت تقول لأمي الحقيقية ان واحد من اولادها مات وبكدا تبقي اتحلت المشكلة وفعلا اخدتني الست دي علي اني ابنها وكبرت في بيت مش بيتي وسط ناس مش اهلي ابويا بدال ما يعلمني اقرا واكتب علمني ازاي اصلح عربية وفي نفس الوقت كان اشرف اخويا بيتعلم لغات لحد ما بقي مهندس اد الدنيا وانا زي ما انا حتة ميكانيكي في ورشة ابوة .. هو اتمتع بحنان ابوه وامه وانا عمري ما حسيت بأي حب ناحية الناس اللي خطفوني دايما حاسس بالغربة وسطهم لحد ما جه اليوم اللي امي هتقابل فيه وجه كريم وحبت تخلص ذمتها قدام ربنا فقالتلي علي الحقيقة . طرت من الفرحة زي ما اكون بدور علي شئ ولقيته
(تحياتي المؤلف والسينارييت محمد مالك)
ايوة كنت بدور علي نفسي ولقيتها بعد خمسة وتلاتين سنة غربة وسط اب وام مذيفين وجريت علي بيت ابويا وشفت العز اللي هما عايشين فيه بس للأسف كان ابويا وامي ماتوا ولقيت اشرف مصدقتش اني اخيرا اجتمعت بأخويا التوأم نفس الشكل نفس الصوت نفس الحركة طرت عشان احضنه رفض يحضني استغربت بعد ما لقيته كمان مش مبسوط انه شافني وانه كمان مش مصدق حكايتي اللي قلتهاله حسيت ساعتها انه رافض يسمعني او بمعني اصح مس عاوز يعرفني اتنرفزت وقلتله انا اخوك غصب عنك وليا زي ما ليك ساعتها حب يطردني وقالي انا فرحي انهارده ومش فاضيلك وكلمه منه علي كلمة مني مسكنا في بعض مسبتوش غير لما لقيته غرقان في دمه معرفتش اتصرف ازاي سعتها دفنته بسرعة في جنينة الفيلا وجريت ادور في مكتبه
لحد مالقيت كراسة فيها مذكراته كاتب فيها كل حاجة عن حياته وعن علاقته بيكي مش سايب حاجة الا لما كتبها عنك حتي الهمسة واللمسة والتنهيدة كان كاتبها قررت ساعتها اني ابقي اشرف واعوض كل حاجة اتحرمت منها كل حاجة لازم تبقي ملكي حتي انتي كنتي لازم تبقي ملكي ذاكرت الكراسة كويس اوي عشان خاطر متعرفيش الحقيقة واني انا مش اشرف بس للأسف مقدرتش اوصلك نفس الاحساس اللي كنتي حساه ناحية اشرف
لمياء .. عارف ليه ؟!! عشان انت قدرت تملك جسمي لكن معرفتش توصل لقلبي لأن مفتاحة كان مع اشرف اللي انت قتلته بدم بارد .. انت ازاي تعمل كدا ؟!!ازاي تعيش معايا علي انك اشرف ؟!! ازاي تخليني اجيب منك عيال وانت اصلا مش جوزي ؟!! ازاي تعيشني معاك عشر سنين كدب وخداع ؟!! انا طول العشر سنين حاسة بحاجة غلط حاسة ان انت مش هو الانسان اللي كنت اعرفه بس خدعني الشبة الكبير اللي بينكم انت نسيت تقري اول سطر في مذكرات حبنا انا واشرف
شريف .. ايه هو؟!!
لمياء .. ان اللي يفرق بيني وبين اشرف تكون جزاته ال.م.وت ..
شريف .. يعني ايه ؟!!
لمياء .. يعني غور في ستين داهية لانك مش جوزي
ثم تشعل عود الثقاب وتلقيه علي الارض ثم تخرج وشريف يستغيث وهو يحترق وهي لا تبالي ثم تمسك
بصورة لزوجها اشرف وتقبلها والدمع من عينيها يتساقط وهي تقول .. انا اسفة بجد بس مش ذنب والله سامحني يا حبيبي …. تمت
اقرأ أيضا…. قصة زوجتي من القاصرات. الجزء الأول
.
.
.
.
