.
.
.
.
.
بقيت مستغرب وهتجنن قلت لهم إزاي أنا قربت أتجنن
قلت لهم طب فين سمر قالولي إحنا لسه بنعمل تحريات وأكيد هنوصل ليها إديت ليهم كل معلومه
وكل خيط يقدر يوصلهم لسمر دي ..
بعد يومين طلبوني في النيابه بلليل روحت ليهم .لقيت وكيل النيابه بيديني صورة وبيقولي هي دي سمر
إللي كانت شغاله عند أختك صح ..
.
.
مسكت الصورة وإستغربت قلت له أيوه هي دي فعلاً سمر
لقيت وكيل النيابه بيقولي سمر دي ميته مقتوله من سنه
.
.
طبعا أنا مبقتش عارف أنطق من الصدمه بعد ساعه من التحقيق مشيت و وكيل النيابه قالي
تعالي بكره بردو نكمل التحقيق
.
.
أنا بقيت مندهش ومش عارف إيه إللي بيحصل ده
وياتري التحقيقات آخرتها إيه ربنا يستر
.
.
ركبت عربيتي ومشيت وأنا عمال أفكر في إللي بيحصل ده وفجأه سمعت صوت في الكرسي إللي ورايا بيقولي ..
.
.
ياتري هترجع البيت تاني وتشوف مراتك ”
ضربت فرمله العربية جامد وبصيت في الإزاز إللي أدامي لقيت سمر قاعده في الكرسي إللي ورايا …
ياتري هترجع البيت تاني وتشوف مراتك ”
ضربت فرمله العربية جامد وبصيت في الإزاز إللي أدامي لقيت سمر قاعده في الكرسي إللي ورايا ..منظرها دموي بشع خوفت ونزلت من العربيه وبعدت شويه
بس جمعت اعصابي وقولت ارجع العربيه اشوف في ايه
راجع خطوه بخطوه وعيني علي ازاز العربيه الخلفي وقربت من العربيه وفتحت الباب بسرعه مش لاقي اي حاجه ومفيش اي أثر لحد موجود معايا في العربيه قولت اكيد دي تهيؤات .
طلعت الموبايل واتصلت علي مراتي اطمن عليها
الو حبيبتي انتي كويسه.قالتلي انا بخير الحمدلله العشا جاهز يلا متتاخرش لسه هقولها مش هتاخر السكه قطعت
اتصلت تاني غير متاح اتصلت تالت جرس ومحدش بيرد القلق والتوتر زاد عندي.
ركبت العربيه بتاعتي وجريت بيها بسرعه وانا في السكه بحاول اتصل علي مراتي لحد مافتحت عليا اخيرا قولتلها في ايه قالتلي بصوت واطي انا خايفه اوي قولتلها في ايه قالتلي حد خبط عالباب بفتح ملقتش حد قفلت بسرعه ورجعت علي جوه لاقيت علي مرايا الصاله دمي في رقبتكم……وصوره المرحومه اختك جنب الكلام
جريت علي اوضه النوم وقفلت علي نفسي قولتلها خليكي زي مانتي انا داخل عالعماره جريت خبط فتحتلي واترمت في حضني من الخوف طمنتها وقولتلها متخافيش انا جنبك قالتلي مش هقدر اعيش دقيقه واحده وديني عند ماما هديتها وقولتلها حاضر هبعتك يومين اعصابك تهدي فيهم تعالي وريني فين الكلام ده
قالتلي تعالي ولسه بتشاور مفيش اثر لاي حاجه قالتلي والله العظيم الكتابه كانت هنا……
قولتلها حضري نفسك بكره هنروح لماما …..
صحينا الصبح وجهزنا كل حاجه ونزلنا من العماره ولسه بركب العربيه لاقيت حد بينادي عليا من فوق من شقتي برفع راسي لاقيت صوره سمر الخدامه ومعاها شاب بيحاول يقتلها وشوفت مشهد القتل في البلكونه من تحت شقتي في الدور التاني كل حاجه كانت واضحه…
مراتي قالتلي في حاجه قولتلها ها…..لا لا مفيش يلا نمشي…..هنا تيقنت ان اختي ومن قبلها سمر ماتوا مقتولين والقاتل واحد
بعد اسبوع جالي اتصال من وكيل النيابه بيقول انهم لقوا القاتل وهو ابن الست سمر قتلها بدافع السرقه وللاسف كان هربان لما تابعنا الحساب البنكي للست سمر اتضح ان تم تحويل مبلغ مالي كبير من حسابها لحساب تاني وبتتبع المعلومات قدرنا نوصله وتم توجيه تهمه القتل ليه واعترف بده واما سبب قتل اختك والبواب فهو مبلغ مالي كان القاتل مخبيه تحت بلاط الشقه ورجع بليل عشان ياخده ومكنش يعرف ان في حد في الشقه لما اختك شافته كان لازم يتخلص منها وكذلك البواب لما شافه وهو نازل اضطر يقتله عشان يمحي اي دليل ادانه عليه…
شكرت وكيل النيابه وروحت لقبر اختي ووقتها عملنا العزا لان حسيت ان سمر واختي ارتاحوا لما القاتل اخد اعدام……
