انا خلاص مش قادر اقعد تاني عند حماتي الموضوع بقى صعب عليا وعلى مراتي
و هي زيها زي اي ست من حقها يكون ليها شقه لوحدها…..
انت عارف يا علي ان الوقت بيجري وانا لازم الاقي شقه في اسرع وقت
علي…../ياعم ما تخافش ان شاء الله هتلاقي شقه في اقرب وقت و هتكون على قد الفلوس اللي معاك……
احمد…../حبيبي يا علي انا عارف ان انا تعبتك معايا….
علي… تعب ايه يا احمد اللي بتتكلم عليه احنا صحاب ومفيش ما بينا الكلام ده……
احمد……/ سبحان الله بتيجي على السيره اهي بتتصل…..الو.
اسراء…/ ايه يا احمد عملت ايه……
.. النهارده رايح اشوف شقه و لو عجبتني هتصل بيكي انت و مامتك تيجوا تشوفوها….
ماشي يا حبيبي ربنا يقويك يارب…..
علي…../ هااا هنعمل ايه دلوقت….
احمد.. في شقه في عماره جنبنا كنت عارف انها للبيع تعالا نروح نشوفها….
علي…./تمام بس العماره دي فين…
احمد…/عماره اسمها عماره الحجه زينب..
علي…/انت مجنون انت مش عارف ايه اللي حصل في شقه من شقق العماره دي وبعدين العماره دي مفيهاش غير شقه واحده بس هي اللي فاضيه و دي اللي بقولك عليها….
احمد…./هههههه ايوه هي دي وبعدين انا عارف كويس جدا ايه اللي حصل فيها وبعدين دي كانت مجرد حادثه….
علي…../مجرد حادثه ايه يا احمد دي عيله كلها ماتت فيها وبعدين دي اي حد بيسكن الشقه دي بيمشي منها على طول….
احمد…./انا ميهمنيش الكلام دة يا على دي مجرد خيالات لناس مش اكتر وبعدين انا سامع ان الشقه سعرها لقطه…
علي…./انا مش موافق يا احمد على الموضوع ده….
احمد…./جمد قلبك بس و تعالي نروح نشوفها…..
علي…./يا احمد فكر شويه والله القصص اللي سمعتها دي كلها حقيقه…..
احمد…./ماشي يا عم تعالى بس….
ف الطريق للعمارة…..العماره اهي تعالى نطلع نتكلم مع الحاجه زينب….
.
.
علي…./تعالى انت مش هتجيبها البر انا عارف……
بواب العمارة…../بتدور على حد يا بشواات……
احمد…../احنا جايين نقعد مع الحجه زينب و نتفرج على الشقه المعروضه للبيع…..
بواب العمارة…./ احم احم انت تقصد الشقه اللي في الدور الاخير يا باشا….
احمد…./ ايوه لو سمحت ممكن تدي خبر للحجه وتقولها اننا جايين نتفرج على الشقه….
بوااب العمارة…./ بتعجب شديد… حاضر يا باشا اتفضل…
علي……/يا احمد والله انا مش مرتاح للشقه دي انت ما شوفتش حتي بواب العماره وهو بيقولك على الشقه وشو كان عامل ازاي….
.
.
احمد…../بص يا علي انا معنديش استعداد اضيع الشقه دي علشان شويه كلام…….
علي…/اعمل اللي انت عايزه انا زهقت من دماغك الناشفه دي…..
.
.
بواب العمارة…./يا حجه زينب….
الحجة زينب…../ادخل يا عبد الجواد….
بواب العمارة…../يا حجه زينب الاساتذه جايين يشوفو الشقه بتاعت الدور الاخير….
.
.
الحجة زينب…./يا اهلا وسهلا اتفضلوا….
احمد…../ربنا يخليك يا حجه كنت عايز اتفرج على الشقه و اعرف السعر النهائي كام…..
.
.
الحجة زينب…../قبل اي حاجه بوص يا ابني انت شكلك شاب كويس ومحترم واكيد سمعت عن الشقه دي واللي بيحصل فيها و الناس الكتير اللي ساكنو قبلك ومشيو منها…..
احمد…../يا حجه زينب من غير ما تكملي كلامك ده مجرد كلام وخلاص انا مابعترفش بالموضوع ده اصلا و انا لو الشقه عجبتني انا هتصل ب مراتي وحماتي يجو يشوفوها و نخلص فيها….
الحجة زينب …../ في نظرة حيرة … انت متاكد يا ابني من كلامك ده….
احمد…./ايوه يا حاجه وياريت نطلع نشوف الشقه ونتوكل على الله…
الحجة زينب…./ ونعم بالله يلا يابني…
الحجة زينب….واحمد….وعلي..وصلو لباب الشقة….
الحجة زينب …./المفتاح مش راضي يفتح معلش يا ابني حاول انت كده….
احمد…./حاضر….ياااااا ياساتر الباب كانو هو. والحيطة حتة واحدة…..
الحجة زينب……/معلش يا ابني الشقه متفتحتش من فتره من اخر واحد كان فيها…..
علي…../تمام كده خلاص يا احمد نيجي في وقت تاني الباب مش راضي يفتح اهو….
احمد……/مقداميش حل غير اننا نكسر الباب يلا يا علي….
علي…./انا عارف انك مش هتجيبها البر يلا…..
احمد…./يلا واحد اتنين تلاتة…
فجاه صوت عالي من الشقه اللي في وشها….
الجار…../مين دول يا حجه و انتوا بتعملوا ايه….
الحجة زينب……/دول جايين يتفرجوا على الشقه يا استاذ محمود….
الجار.استاذ محمود…./تاني حاجه الشقه طول ما هي مقفوله احنا مرتاحين يا ابني انت عارف موضوع الشقه دي و عارف ايه اللي بيحصل فيها….
احمد…./هو في ايه دي مجرد حادثه ايه اللي حصل لكل دة….
الجار.استاذ محمود…./حادثه اية اللي بتتكلم عليها يا ابني الشقه دي لعنة وصدقنى انت رايح للشر برجليك….
احمد…./هو ايه اللي حصل ولعنة…. ازاي….
الجار.استاذ محمود/هي الحجه مقلتلكش…
الحجة زينب…../والله حاولت افهمو وهو مرضيش يسمعني حتى….
الجار.استاذ محمود…./تعالى يا ابني عندي نشرب الشاي مع بعض و احكيلك حكايه الشقه دي…..يتبع
عمارة الحجة زينب. الجزء الثاني
.
.
.
.
