انتى عارفه يعنى ايه النهارده فرحى على أرملة أخويا انا مش مصدق لحد دلوقتى
قالها حمزه بغضب وعصبيه
هدير بغضب مماثل : انت عارف ان مغصوبه على الجوازه دى زي زيك يعنى متجيش تلومنى انا
حمزه بغضب : انتى كمان بجحه والله كنتى تقدرى ترفضى بس ازاى الهانم ماصدقت بقا واحد مات تاخد غيره هما مش عيله واحده وكلهم أغنيه
هدير انجرحت من كلامه بس اتكلمت بعصبيه : انا مسمحش أنك تكلمنى بالاسلوب ده ابدا انت عارف كويس أن أنا مكنتش موافقه ادخل العيله دى أصلا والظروف ال أجبرتنى متجيش انت بعد ده كله تعاملنى بالاسلوب ده انا كرامتى اهم من اى حد فى الدنيا وانا ال بقولك جوازنا ده غير معترف بيه كل واحد فينا فى مكان ولا أنا عليا واجبات ولا انت ليك حقوق لحد لما نطلق بالذوق
أنهت كلامها بعصبيه ودخلت الأوضه ورزعت الباب بغضب
وهو كان واقف مصدوم من قوتها فى الكلام واتوعد ليها بالشر
هدير دخلت الأوضاه وكان وشها احمر من العصبيه قالت بغضب : انسان معندهوش قلب ولا مشاعر وانا هخليه يندم أن وافق عليا
وفجأه دموعها نزلت على حالها ونامت على السرير وافتكرت عمر اخو حمزه
.
.
عمر بسخريه : ادخلى هو انتى هتعملى فيها عروسه يعنى دخلت هدير وكانت حابسه دموعها من الحزن
عمر بحده : اسمعى بقا انتى عارفه أن وجودك هنا مش هيكون ليه لازمه خالص وهو وقت وهرميكى يعنى ملكيش دعوه بحياتى رايح فين جاي منين ميخصكيش فاااااهمه
هدير اتهزت من صوته وقالت : ف فاهمه
عمر بسخريه : وياريت مشوفش وشك فى البيت كمان عشان مش طايقك
قال كلامه ودخل الأوضه بغضب وهى كان قلبها اتك”سر مليون حته من كلامه
.
.
رجعت من تفكيرها وهى دموعها نازله وقالت : الله يسامحك يابابا رمتنى مرتين فى نفس النار
بس مسحت دموعها وقالت بإصرار : بس لاء انا مش هعيش نفس العذاب ال فات مش هخلى حد يتحكم فيا تانى
.
.
ناديه : انت متأكد بامحمود من ال احنا عملناه ده
محمود بتنهيده : معرفش والله ياحاجه انا قولت يمكن هى دى ال ترجع حمزه من تانى وكمان هو يعوضها عن ال عمر الله يرحمه ويسامحه
.
.
ناديه بحزن : البنت دى صعبانه عليا اووى وأبوها ده منه لله هو السبب فى كل حاجه
محمود : إن شاء الله ربنا هيعوضها خير
.
.
ناديه برجاء : يارب
تانى يوم
حمزه صحى من نومه وافتكر ال حصل امبارح واتعصب قام من مكانه ودخل الحمام اخد شاور واتوضى وپعدين خرج أدى الفرض وخرج بره الأوضه وشافها قاعده فى الصاله ببرود
حمزه بضيق : فين الفطار
هدير ببرود : فى المطبخ بس ده باقى منى معملتش ليك مخصوص
حمزه بغضب : هاتى اي حاجه وخلاص
قامت هدير دخلت المطبخ وهو استغرب أنها مبتعاندش معاه بس فجأه سمع صراخها من المطبخ دخل يجرى على المطبخ واتصدم من ال شافه
#هاجر_العفيفى
رواية معاناة أخرى. الجزء الثاني
.
.
.
.
