طلبت منه الطلاق. الجزء الأول

عملتلك عشا.. غير هدومك عشـان ناكل سوا.

مالك: كلت في الشـغل.. اتعشي أنتي.. تصبحي علي خيـر.

ليلي بحـزن: و أنت من أهل الخير ي مالك..

لميـت السفـرة وقفـلت نور البيت و دخـلت لأوضتـي.. كان نايم و رايح في النـوم..
لميـت شعـري ومسكـت تليفـوني قلبت فيه شويـة عشان أشغـل نفسي عن الزعـل عشـان معيطش..
شديـت الغطـا و نمت في زواية بعيد عنه عشان إحسـاس اني مفروضه عليه بيطـاردني لمجـرد اني اقرب منـه.

تـاني يوم الصبـح جهـزت الفطـار و كالعادة عمل ساندوتش و أخده وهو مـاشي و سابني أفطـر لوحدي..
بقيت أحس اني عايشة في البيـت دا لوحدي..
عمري ما مليت و لا زهقت.. دايما اجهـز الأكل وأروق البيت و أعطـره و ألبس أحسـن ما عندي و استنـاه..
ليلـي: يومك كان عامل ازاي!

مالك: مضغـوط..

ليلي: ربنا يقويك.. جهزت العشـا.. غير هدومك عشـان ناكـل سوا..
مالك: أنـتي عـارفه اني باكـل في الشـركة.. ليه كل يـوم بتعملي عشا..

ليلي بحـزن: عشان الشركه بتخلص الساعه 4 و انت بترجع 11 ي مالك قولت يمكـن جوعت..عمتا تصبـح علي خيـر..

أخدت الأطباق و دخـلتها جوا و مشيت من قدامه. سمعت صوته و هو بيدخـل الأوضة و قفـل الباب وراه بقوة..
خرجت قفلت نور البيت و دخـلت اوضة الأطفال و نمت..
كفاية.. كفاية اوي كدا انا عملت أكتر من طاقتي و اقدم للجوازة دي كتير وفي المقابل صفـر..
صحيـت تاني يوم حضـرتك الفطـار و جهزته علي السفرة و قعدت مستنياه و انا ايدي علي خدي.. خرج بعد شوية و عمل سندوتش كالعاده..

ليلي: عاوزة أطلب منك طلب ي مالك.

مالك: الفلوس جوا في الدرج خدي اللي انتي عاوزاه..

ليلي: لا أنا مش عاوزة فلوس.

مالك: اومال عاوزة اي!

ليلي: عـاوزة أتطلق.

ليلي: عـاوزة أتطلق.
مالك: اي!
ليلي: طـلقني ي مالك.
مالك:………
ليلي: ساكت ليـه! أعتقد أنك عـاوز كدا..
شهـرين ي مالك و أنا عايشـه هنا زي الضيفه و انت مش موجود.. بشوفك دقيقتين الصبح و دقيقتين لما بتيجي و طبعا بمزاجك مش غصب عنك.

وانا عملت كل حاجه اقدر أقدمها لحياتنا سـوا بس أنت مش شايفني أصلا..
ف عشان أحافظ علي اللي باقيلي من كـرامتي.. ي ريت تطـلقني و كـل واحد يشوف حـاله.
مالك: أنا مختارتش الجـوازة دي ي ليلي..ابويا و ابوكي هما اللي أختاروها..

تفتكري بقي أنا هينـفع أطلق بنت عمي بعد شهـرين جواز!
ليلي: بمعني!
مالك: بمعني ان مفيش طـلاق ي ليلي..
ليلي: بس دي مش عيشه!
مالك: أستحـملي زي م انا مستحمل.
ليلي: و أنا اي اللي يجبرني علي كدا..
مالك: مهو ي بنتي لنفس السبب.. اه ي ليلي الجـوازة غصب عني و عنك وانا مش قادر اتقبلها و دا مش عيب فيكي ولا حاجه بس انا مش قادر أدي فرصه زيك..
مش عـارف اعمل ايه!
ليلي: طيب أنا ذنبي اي! حـاول تفهمني شوية ي مالك انا بدأت أكره نفسـي..

طيب بص حتي لو مش هيحصـل طـلاق أنا هروح بيت أهلي و أقعد هنـاك و شوية كدا و نبقي نطـلق..
مالك: هنـرجع لنقطـه الصفـر و الزفت عماد هيستني طلاقك مني و يهد’د ابوكي بالفلوس عشان يتجـوزك و أحنا ما صدقنا حليناها ودي..
اسمعـي.. الحيـاة بينا مفيش منهـا أمل بس نستحـمل شوية و بعدين لما نسد الدين تبقي تطلقي..
ليلي: تمـام ي مالك.
خـرج و سابني لوحـدي.. انا اللي غبيـة و أنا اللي عملت كدا في نفسي و أختارت لنفسي أني احبه و أرضي بكل اللي حصل و ي ريتني ما حبيتـه..

مكنتش أعرف أنه جوازنا بالنسبه ليه كار’ثه اوي كدا.. كنت فاكره هيعتبرها جـوازة مدبرة زي كتير من الجـوازات في مصر بس أنا مش عـارفه هو ليه رافضني اوي كدا مع انه قال بنفسه انه المشكله مش فيا. اومال المشكله فين!!
بـليل دخلت نمت من غيـر ما استنـاه زي كـل يوم.. عملت نفسي نايمه لحد ما حسيت بيـه جاي و بيفتح النـور..
وقف شوية مكنتش عارفه بيعمـل اي و بعدين اخد مخدته و خـرج من الأوضة و سمعت صوت باب اوضه الأطفـال..
و عشـان كدا تاني يوم نقلت كل هدومه لأوضة الأطفـال و طالما هو اختار أننا حتي منشوفش بعض يبقي فعلا منشوفش بعض..

صحيت يومها الصبح و حضرتله سندويتش ع السريع و حطيته في طبق ع السفـرة.. و هكـذا بقيت اعمل في العشـاء و كان بيتعشي يعني المشكله مش في الأكـل المشكله في وجـودي أنا..
اسبوعين اتنين مبنشوفش بعض و احنا عايشيـن في نفس البيت… لحد ما لقيت رقمـه علي تليفـوني.
ليلـي: ألو..
المتصـل: حضـرتك صـاحب التليفـون عمل حادثه وهو دلوقتي في المستشفـي.
ليلي بخـوف: ااااي… مستشفي اي بسـرعه..

نزلت بسـرعه و وقفت تـاكسي وبأقصي سرعه وصلت للمستشفي و انا مش حاسه ب اي حاجه حـواليا.. كنت بجري في الاستقبال زي المجنونه عشان أعرف هو فين و جـراله اي!
ليلي: لو سمحتي في واحد جاي في حادثه من شوية.. اسمه مالك عبد العزيز..
الاستقبال: في العمـليات..
ليلي بخوف: عمليات! هو.. حالته صعبه!
الاستقبال: معنديش فكره الحقيقه تقدري تروحي و تنتظريه..
جريت علي العمليات و فضـلت واقفه و أنا هموت من الرعب عليه و مفيش حـد اسأله..
اتصلت ب بابا و عمي و جم بعد شوية و هو لسه مخرجش من العمليات..

ليلي ببكـاء: جوا ي بابا و محدش بيقـولي اي حـاجه.. مش عـارفه اعمل اي!
محمود: أهدي ي بنتي خـير بإذن الله..
عبد العزيز: ي رب يعديها علي خير..
محمود: متقلقش ي عبد العزيز هيبقي كويس..
عبد العـزيز: ي رب..
بعد شـوية الدكـتور خـرج و بصلنا لفترة و بعدين اتكـلم…….
الدكـتور: متقلقوش ي جمـاعه هو عدي مرحـله الخـطر.. لكن..
عبد العزيز: لكن اي ي دكتور.. لو محتاج يتنقل من المستشفي انقـله..
الدكتـور: للاسف أحنا مضطرين نعمل بتر لرجله الشمـال من بعد الركبه.. الجزء اللي تحتها بس.
ليلي بصدمه: بتر!!……..
طلبت منه الطلاق. الجزء الثاني

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­