قصة حقيقية من أغرب ماستقرأ
انا (نيفين) عمري 40 سنة تزوجت من رجل أعمال عربى عشت معاه سنين طويلة بس سعادتي ماكملتش ومات و تركلي ثروة كبيرة انا مليش حد فى الدنيا غير اختى (نجوى) وصديقة عمري (فريدة) و كانت صحبتى من أيام المدرسة
وكانت اقرب ليا من اختى بكتير ، نجوى كنت بشوفها كل فين وفين بس كانت دايماً بنتها (دينا) بتزورنى ،
الثروة التى تركها لي زوجي كانت عبارة عن مصنع وشقة كبيرة و سيارة كنت انا التى تدير كل الأعمال بعد وفاته
ربنا ما كرمنيش بأطفال وانا خلاص وصلت للأربعين وفقدت الأمل والتى كانت بتعوضنى عن هذا إبنتى (دينا) هي بنت اختى في الحقيقة كانت حنينة كثير علي وكانت بتعاملنى كامها او من غير مبالغة أفضل من أمها
عدت شهور كتير وناس نصحتنى ان اتجوز لإن مش هقدر ادير المصنع لوحدى وان لازم اعيش حياه جديده والكلام ده بس انا كنت برفض وشايفة ان خلاص نصيبى كده لغاية ما غيرت رأيى ،
وده بعد ما اشتغل فى المصنع شاب جديد اسمه (هانى) كان شاب وسيم وطموح كان عنده 25 سنه من غير مبالغة كان شايل المصنع كان بيعجبنى شغله أوى
مع الوقت كان بيتقرب منى بس من غير تجاوز طبعاً مره فمره حصل اعجاب بيننا ، وطبعاً حكيت ده لصاحبتى (فريدة) وكانت أول واحدة شجعتنى وقالت لى لازم تعيشى حياتك انتى لسه صغيرة ومش عجوزة وأى حد يتمناكى.
فكرت فى كلام صاحبتى ومرت الأيام وانا وهانى بنقرب أكتر من بعض وصارحنى بحبه ومن غير الدخول فى تفاصيل اتفقنا على الزواج كانت صاحبتى فرحانة كثير عكس أختى (نجوى) اللى كانت رافضة هذا تماماً بس انا خلصت اخدت قرار واتفقنا على الزواج وعملنا فرح كبير وكان اجمل يوم فى حياتى وكإنى أتزوج من أول وجديد وقضينا اسبوع العسل فى شرم الشيخ وكانوا أجمل أيام فى حياتى
هانى لأن ظروفه ماتسمحش انه يجيب شقة قعدنا فى شقتي مؤقتاً على ما يجيب شقة مستقلة انا كنت فى الأول رافضة هذا وشايفة اننا واحد بس (هانى) صمم على رأيه وقال انا مش رح أعيش فى شقة مراتى ولازم اجيبلك شقة تليق بيك ، بصراحة احترمته أكتر وقولتله: خلاص يا حبيبى اللى تشوفه أيريحك
عشنا اجمل أيام وهانى مسك المصنع وبقى مسئول عنه كان محترم وحنين أوى و كنت سعيدة ان اختيارى طلع صح ، أختى (نجوى) كانت متغيرة معايا من ساعة ما اتزوجت وانا رغم هذا كنت بكلمها وطبعاً (دينا) ماكانتش بتسيبنى وكانت بتكلمنى دايماً فعلاً انا بعتبرها بنتى التى ماجبتهاش ونجوى رغم هذا ما كانتش تغضب منها رغم تغيرها معايا ، أما (فريدة) التى كانت معايا دايماً وعمرها ما تركتنى ولا اتخلت عنى (فريدة) فعلاً كانت اكتر من أخت ليا وهي كان ليها الفضل بعد ربنا فى السعادة اللى انا فيها بعد ما صرفت نظر عن الزواج والارتباط ثانى لكن (هانى) غير الفكرة هاذي خالص من دماغى ، بس طبعاً زى ما معروف تأتى الرياح بما لا تشتهى السفن وبدأت رحلة العذاب
البداية كنت فى البيت نايمة جنب (هانى) وقلقت من النوم وخرجت فى الصالة لكي ادخل المطبخ
بس لمحت شي كالخيال حاجة بتجري على أربع رجلين بسرعة على المطبخ ،
بصراحة جسمى أقشعر وخفت لكن حاولت أن اطمن نفسى بان هذه تهيؤات وممكن هذا بسبب التعب
لأني لسه صاحية من النوم ومش مركزة قربت على المطبخ وولعت النور
ومالقتش حاجة واتأكدت ان دي كانت تهيؤات ودخلت نمت جنب (هانى) واليوم مر عادي
.
.
تانى يوم حصل نفس الموقف قمت من النوم و نفس الشي لمحت الخيال اللى بيجرى ده لكن هذه المرة على غرفة النوم قلقت وجريت على الغرفة وولعت النور بسرعة لقيت (هانى) قلق وقال لي خير يا (نيفين) ايه اللى مصحيك لغاية هذه الساعة…..!!!! ؟
شفت معاه وانا مستغربة وقولت له : ماحستش بحاجة..؟!!…….. .. (يتبع)
قصة نيفين والعمل السفلي. الجزء الثاني
.
.
.
.
