#البارت_الثامن_عشر
يحيي وهوا قاعد جاله اتصال من استاذ احمد
_الو يا احمد عامل اي
_الحق يا يحيي نور اتخطفت من قدام المدرسه
_اي طيب انا جايلك حالا
يحيي قام بسرعه واتصل على عمه يحيي
_الو يا عمى
_في اي يا يحيي
_احمد لسه مكلمنى وقالى أن نور اتخطفت
_اي طيب انا جايلك…
والله يا نادين لو انتى اللي وراها لهوريكي مين انا بقى
يحيي وصل بسرعه للمدرسه وكانت الحكومة هناك علشان احمد بلغ …
كان احمد واقف مع الظابط بيحكيله اي اللي حصل وأنها وقتها كانت واقفه مع اصحابها قدام المدرسه وهوا كان لسه خارج من الباب وجت عربيه وخدتها ومشيت وهوا معرفش يلحقها
الظابط.طيب يا استاذ احمد معرفتش تاخد نمر العربيه دي
احمد.للاسف مكنش ليها نمر
يحيي.اختى لازم تلاقوها انا مش هقدر ابات النهارده من غير ملاقيها
احمد:أهدى يا يحيي اكيد هيلاقوها بس انت شوف ممكن حد من أعداء الشغل هوا اللى عمل كدا علشان يساومك
يحيي الكبير وصل وجري على يحيي
_ها موصلتش لاي حاجه يا يحيي
_للاسف يا عمى حتى العربيه اللي خطفتها ملهاش نمر انا مش عارف اعمل اي
_متقلقش يا حبيبي هنلاقيها أن شاء الله متقلقش
_يارب انت عارف نور بالنسبه ليا اي
الظابط:طيب كدا احنا لازم نروح القسم علشان نعمل محضر وناخد اقوالكوا علشان لو في حد انتو شاكين فيه نكون احنا على علم بدأ
_تمام حضرتك اتفضل واحنا هتيجي وراك
ومشي الظابط
يحيي:قلبي حاسس ان هي اللي عملتها
يحيي الكبير_لو هى انا تقتلها احسن من اللي بتعمله دا متوصلش للخطف
_انا مش عارف اي اللي بيحصل انا خايف اووي على نور مش متخيل انها تكون مخطوفه كدا وماما اقولها اي
_اهدى يا ابني ولما نشوف اي اللي هيحصل الاول..
في الوقت دا رنت فريده
يحيي أتردد ومش عارف يقولها اي هوا متاكد انها هتساله على أخته علشان اتأخرت
_اقولها اي
_قولها انها معاك وهترجعوا سوا ومتقلقش
_حاضر ربنا يستر
رد عليها
_الو يا يحيي الحقني اختك يا ابني لحد دلوقتي مجتش من المدرسه انا قلبي واجعني عليها
_متقلقيش يا امى نور معايا
فريده بقلق اكترر:معاك بتعمل اي هى فيها حاجه
_لا انتى عارفه بنتك لما يتدلع كلمتني وقالتلي انها عوزا تاكل ماك فانا رحتلها المدرسه وخرجنا سوا وهنرجع سوا
_طيب خليها تكلمني
يحيي بتوتر اكتر:لا مهى دلوقتي في الحمام متقلقيش يا ست الكل هى معايا
_امال تليفونها غير متاح لي
_هنلاقي فصل شحن انتي عارفه انها بتكسل تشحنه
_طيب لما تجيلي علشان تبقى تقلقني عليها كدا
،_ماشي يا امى سلام بقى
_ماشي يا حبيبي خلي بالك منها وبالكوا من نفسك ا علشان انا حاسه ان في حاجه انت مخبيها عليا وقلبي واجعني يارب تكون انت صادق ونور معاك فعلا
_اه والله معايا يا امى بس هى في الحمام
_دا كله يا ابني
_انتي عارفه نور لازم تتأكد من نضافه أيدها قبل الاكل يلا بقى سلام علشان هطلب الاوردر
_ماشي يا ابني ربنا يجيبكوا بالف سلامه ويطمني عليكوا
_تسلمي يا ست الكل
وقفل معاها السكه وتنهد بتعب وكأنه كان في حرب حوار أنه يكدب على أمه دا صعب اووي
_شوفت قلبها حاسس ازاى انا مكنتش عارف اقولها اى ولو روحتلها من غير نور هتعمل اي ولا هواجهها ازاي
_ان شاء الله مش هتروح من غيرها وانا واثق في كدا
يحيي الكبير حاله اتصال
_كنت متاكد ان انتى اللي عملتيها
_معلش يا اخويا دي أوامر وانت عارف انا عبد المأمور
_اخلصى عوزا اي
_انت عارف طلبنا تتنازل عن الصفقه هتلاقى البت عندك غير كدا هنجيبلك البت اه بس في اكياس واحنا مبنهزرش انت عارف
_اه يا *****كنت عارف انك خاينه ودموعك كانت دموع تماسيح واختفاءك كنتي بترتبي لحاجه والله يا نادين لاوريكي بس دلوقتى اهم حاجه عندي نور
_تمام نفذ الطلب وهتلاقيها عندك قدام باب البيت معززه مكرمه
_ماشي
_قدامك نص ساعه وهكلمك تاني سلام
يحيي قفل واتنهد بخنقه وبص ليحيي اللي حط كل جهده وتعبه في المشروع دا ودلوقتي مطلوب منه يتنازل عن كل دا في مقابل إنقاذ أخته
_في اي مالك
_هي اللي طلعت خطفاها وهترجعها بس بشرط
_اننا نتنازل عن المناقصه صح
_للاسف اه
يحيي غمض عيينه بتعب وجز على سنانه بغل
_هم لي بيعملوا معانا كدا ومعايا انا بالذات بيساوموني باختى علشان عارفين هى عندي اي وانى هتنازل في وقتها من غير تفكير
_معلش يا يحيي ربنا يعوضك المره الجايه وتبقى أعلى.
_لا جايه ولا راحه خلاص كدا يلا بينا
_ومش هتكلم الظابط
_بقاش ليه لازمه
_لي يا ابني ماهوا ممكن يساعدنا في حاجه
_هيساعدنا في اي انا مبقتش عارف حاجه انا تعبت والله انا دلوقتي مش عاوز غير اختى اختى وبس
_ماشي والله هنجيبها وهتبات في حضنك بس احنا دخلنا الحكومه من الاول ولازم يكونوا على علم بكل خطوه والا احنا اللى هنقع في مشاكل
_حاضر هنروحله
وبعد نص ساعه
كانو كلموا الظابط واتفقوا معاه وبالفعل اتنازلوا عن المناقصه وكل حاجه بقت تمام
ونادين كلمت يحيي وقالتله أن نور هتبقى عند البيت كمان ربع ساعه .
وراحوا هناك وكان معاهم الظابط بس كان مستخبي هوا والعساكر
يحيي وقف استنى وبسرعه البرق عربيه وقفت على الناحيه التانيه ونزله نور ويحيي واقف محسش بحاجه الا ان أخته واقفه قدامه ومفيهاش حاجه
جري عليها ومش أيدها وكانت تلج حرفيا من الخوف والتوتر
العربيه جريت حتى البوليس معرفش بجيبها
الظابط قرب منهم
_الموضوع مش متعلق بالخطف بس الناس دي خطر جدا على حد الكلام اللي انتوا قولتوه القضيه اكبر من كدا بكتير وهحاول اشتغل عليها بأقصى جهدي لأنها قضيه بتمس الدوله وفي فرع اجنبي في الموضوع
_فعلا واحنا معاكوا لاي معلومات انتو محتاجينها
_اكيد انا محتاج منك انت وأستاذ يحيي معلومات كتير هتفيدني في القضيه دي
_تمام واحنا جاهزين في اي وقت
_تمام عن اذنكوا وحمد الله على سلامتها
نور كانت واقفه بتترعش بس وتعبانه وفجاه وقعت على الأرض
يحيي شالها وجري بيها عالمستشفى وكان معاه يحيي وأحمد اللي كان قلبه بيتقطع عليها وعلى شكلها وهيئاتها
راحت المستشفى والدكتور كشف عليها…
وكانت نورر بتكلم نفسها وهى نايمه
_بابا انت ممتش انت كدبت علينا انك مت وانت خاطفني بابا بابا أنا بحبك …
يحيي سمع الكلام دا وقرب منها وهداها وقرا في ودنها المعوذتين وهديت..
بس استغرب من كلامها دا ولى قالت بابا …
راح للدكتور
_هى نور مالها يا دكتور
_عندها صدمه عصبيه شكلها اتاذت من حد قريب من قلبها وتقريبا دا ابوها لأنها عماله تردد الاسم دا كتير
يحيي اتخض عليها وكمان يحيي الكبير مش مستوعب الكلام دا
والاتنين بصوا لبعض
_معقول حسن لسه عايش!!!!
#البارت_التاسع_عشر
_هى نور مالها يا دكتور
_عندها صدمه عصبيه شكلها اتاذت من حد قريب من قلبها وتقريبا دا ابوها لأنها عماله تردد الاسم دا كتير
يحيي اتخض عليها وكمان يحيي الكبير مش مستوعب الكلام دا
والاتنين بصوا لبعض
_معقول حسن لسه عايش!!!!
_ازاي احنا شايفينه ميت بعنينا محدش قالنا وكمان الدكتور في المستشفي أكد دا مش معقول يكون كل دا فيك ومقلب أو خطه جديده
_مش عارف حاجه اللي هياكد هوا عايش ولا ميت كلام نور بعد متفوق من الصدمه دي
_انا قلقان اووي عليها حاسس ان في حاجه كبيره اووي انا مش قادر اتحمل اللي هى فيه دا وامى اقولها اي
_فريده لحد دلوقتي متخيله أن نور معاك وانكوا بتتغدوا سوا لو عرفت اللي حصل دا مش هيحصل كويس
_انا هتصل بيها واحاول اقولها
_ماشي
يحيي ملقاش التليفون في جيبه
_اي دا انا مش لاقي تليفوني
_ممكن يكون وقع منك ساعت الحادثه بص روح قولها ولما تكون معاها تهديها افضل
_ربنا يستر انا هروح وهحاول اقولها اللي حصل علشان متفضلش قلقانه كدا خليك مع نور ممكن
_حاضر يا حبيبي متقلقش
_ماشي سلام
يحيي روح البيت وكانت فريده قاعده على اعصابها وقلقانه حاسه ان في حاجه مش طبيعيه وان حد من ولادها جراله حاجه ممكن اللي كان مطمنها أن يحيي كلمها وقال إن نور معاه وكمان فارس في البيت مكنتش عارفه اي اللي بيحصلها دا وكانت مستنيه رجوعهم بفارغ الصبر واللي قلقها اكتر انها بتتصل على تليفوناتهم بتكون غير متاح
_يارب سترك وعفوك احفظلى ولادى يارب ورجعهم سالمين يارب طمني عليهم
.
.
في الوقت دا دخل يحيي وهوا بيجمع الكلام اللي هيقوله مش عارف يقولها اي
فريده استغربت لما لقته لوحده
_اختك فين؟
_احم في في
_فين يا يحيي
_في المستشفى
_اي !!!!بتعمل اي في المستشفى وحصلها اي اتكلم
_ممكن تهدى شويه وتمسكي اعصابك ..
_امسك اعصابي وبنتي في المستشفي ودينى ليها الاول
_حاضر بس ممكن تهدى علشان حالتها مش محتاجه اللي انتى بتعمليه دا أهدى علشان خاطري
_يلا يا يحيي وديني لبنتي مش ههدى الا لما أشوفها
_حاضر
فريده لبست وراحت مع يحيي المستشفى وطول الطريق دموعها منشفتش من على خدها
وصلو المستشفى
ويحيي خدها للاوضه اللي فيها نور واللي كان واقف عندها يحيي
_عوزا ادخل لبنتي أشوفها
_اهدي يا امى مينفعش الدخول دلوقتي وبعدين هى نايمه
_عوزا أشوفها لو حتى من بعيد
_حاضر ثواني
راح استأذن الدكتور ..
_خمس دقائق بس يا يحيي
_حاضر
ودخلها وقربت منها وحسست على شعرها
_كنت حاسه انك جرالك حاجه قلبي طول عمره صادق مكدبش عليا جرالك اي يا بنتي واي اللي عمل فيكي كدا أن شاء الله انا وانتى لا
_اهدي يا امى انا عارف انك زعلانه بس والله انا كنت خايف عليكي
_من غير متقولى انا كنت عارفه بس انت اللي طمنتني وقولت انها معاك وقلبي برضو كان واجعني وحاسس
_ان شاء الله هتقوم بالسلامه
فريده باستها من راسها وخرجت
_احكيلي بقى اي حصل
يحيي حكالها كل حاجه واللي وصل بيه لهنا وكمان الكلام اللي قالته نور وأنه شاكك أن حسن يكون عايش وكل دا بيخدعهم
_ياااه كل دا حصل وانا معرفش حاجه وانا قاعده في البيت ومفكره انها معاك كنت هتواجهني ازاي لو مكنتش رجعتها
_انا كنت واثق انها هترجع لانهم كانو خطفينها لغرض واحنا نفذنا طلبهم وعمى يحيي ساعدني في دا بس القضيه دلوقتي الحاله اللي هي فيها نور اهم عندى من اي حاجه
_ان شآء الله هتبقى كويسه وهنعرف مين اللي وراها واي السبب
_انا واثق في دا وحااسس أن اللعبه دي قربت تنتهى وعلى ايدي أن شاء الله..
يحيي الكبير:ناوي على اي يا ابني
_مش هم اختاروا اللعب معايا انا بقى هوريهم اللعب مع يحيي هيبقى عامل ازاي وانت عارف الا امى واخواتي عندى ممكن احرق بلد كامله
_طيب رسيني
_بعدين لما اتطمن على نور الاول واتأكد من شكوكى
،_ماشي اللي تشوفه انا معاك في اي حاجه
_تسلملي يا بابا
فارس كان قاعد في البيت بيذاكر وسمع صوت دربكه جايه من اوضه يحيي
فارس من طبعه مش بيخاف قام وانسحب ودخل المطبخ ومسك ايد المقشه
واتصل علي يحيي ولقاه غير متاح اتوتر ففكر واتصل على أمه سمع صوت التليفون في البيت واتخض وقفل بسرعه وعرف أن الحرامي هيحاول يخرج من الأوضه ..فاتصل على يحيي الكبير ودي كانت اخر محاوله ليه وتوتره زاد لما سمع باب الاوضه بيتفتح ..
يحيي رد على التليفون بس للاسف فارس من التوتر معرفش يرد وكمان مش عاوز الحرامي يخرج من البيت..
خرج من باب المطبخ وكان الحرامي واقف على السجاده وبيفكر وعينيه يمين وشمال
فارس فكر في فكر (طبعا كلنا عارفينها???)
وهوب قام شد السجاده من تحته وكان الحرامي مرمي على الأرض
_انت مفكر نفسك تهرب
ونزل عليه ضرب بالمقشه..
وعلى الناحيه التانيه يحيي سمع كل دا ونزل جري من غير ميقول ليحيي حاجه …
وكان سائق بسرعه جدا علشان يوصل
فارس عدمه العافيه
_انت مفكرني صغير ولا اي يا مجرم انا هكون ظابط وتقبض عليك يا حرامي وبدأ الضرب فيه تاني.
وبعدين وصل يحيي وطلع جري وسمع صوت فارس وهوا بيضربه
ابتسم ورن الجرس
_اوعى تتحرك يا حرامي جايلك
فتح الباب
_الحقني يا ابيه يحيي فى حرامي
_اهدي يا حبيبي يا بطل انت
_شوفت بقى اني هبقى ظابط شاطر وهقبض عالمجرمين
_اها
يحيي قرب من الحرامي اللي كان على الأرض مش قادر يقوم نزل على ركبته وشال الماسك من على وشه
واتفاجئ
_انت؟؟؟؟
#البارت_العشرون
.
.
يحيي قرب من الحرامي اللي كان على الأرض مش قادر يقوم نزل على ركبته وشال الماسك من على وشه
واتفاجئ
_انت؟؟؟؟
انت تاني يا حسن انت مش هتحرم هوا انا مش قولتلك قبل كدا ابعد بقى عاوز اي تاني عملت تمثليه انك موت وصدقوك وخلاص كانوا قربوا ينسوك عاوز اي تاني منهم حرام عليك
.
.
كل دا وفارس واقف مش فاهم اي حاجه
يحيي بصله
_ادخل يا حبيبي متخافش انا هاخد الحرامي هوديه السچن وانت ادخل كمل مذاكره ماشي يا بطل
_ماشي يا اونكل يحيي خليه معاك واوعى يهرب منك عقبال ما يحيي اخويا يچي وشوف اي الحكايه علشان قولتله عالحرامي دا قبل كدا مصدقنيش
_لا يا حبيبي متقولوش حاجه علشان نور في المستشفى تعبانه زي مانت عارف وهوا قلقان ومش محتاج قلق اكتر ماشي
_حاضر اللي تشوفه يا عمو بس اهم حاجه الحرامي دا ميمشيش من ايدك
_عنيا
ويحيي خد حسن وخرجوا من البيت وراحوا مكان اول مره نشوفه …
_انت كنت جاى لي يا حسن وجاي تدور على اي هوا مش اللي انت طلبته خدته
_هوا انت مفكر اني هديلك مراتى وعيالي كدا بالساهل ومفكر أن شويه الفلوس اللي ادتهوملى دول هيقضوا
_عاوز اي تاني على فكره اللي مصبرني عليك اني مقتلكش العيش والملح اللي كان بينا لكن انت زودتها اووووي وكمان خطفت بنتك انت اي يا اخى بتجري ورا اي فلوس سواء مني أو من نادين اهم حاجه مصلحتك بس فين عيالك من حياتك دي بتساومني على عيالك بدل متروح تاخدهم في حضنك وتروح تدور على بنتك اللي لسه متمتش العشر سنين دي ومرميه في الشوارع انت اب انت
_ملكش دعوة ومتلكش كتير هتجيب فلوس ولا اروح اقول ليحيي عالاتفاق اللي بينا
_عادي مش فارقه انا كدا كدا كنت هقوله سواء بيك أو من غيرك مش هينفع أخبي عليه اكتر من كدا ولازم انت تظهر علشان نور تخف انت اتسببتلها في صدمه عصبيه كبيره وشكلها مش هتقوم منها بسبب الملاك اللي هي مصوراك فيه وانت للاسف*******
_حيلك حيلك انت مالك انت انا حابب اللعبه اللطيفه دي مهو انت يا تديني فلوس يا اروح لنادين ونشوف هنعمل اي سوا وشوف اللعبه هنخرب فوق دماغك ازاي وانت اللي نتطلع خسران يا يحيي …
وقرب من ودنه
_هتخسر حبيبه القلب فريده اللي يا عيني حياتك مش بتكمل الا بيها معرفش اني كنت معزبك كدا عارف لو كنت اعرف بالعزاب اللي انت كنت بتمر بيه مكنتش طلقتها
_يااااااه للدرجه دي انت جدع اووي يا يا صاحبي اكتر واحد مكنتش اتخيل منك كل دا
_معلش حب الفلوس بيعمل اكتر من كدا لما تكبر شويه هتلاقي نفسك بتحب الفلوس اكتر من نفسك
_قصدك أن دا طبع وطمع انت فيك طبع الدناءه وحب المال وواطي اوووي كنت مفكر ان عيالك هيطلعوا شبهك بس الحمد لله مفيش ولا واحد فيهم طلع شبهك كانت الدنيا هتخرب
_انت بتهري كتير لي متخلص هتديني فلوس ولا اروح لنادين اشوف معاها مصلحه وممكن المره الجايه تبقى قتل يحيي !؟
_اي !؟
بتقول اي
_اه والله انا سمعتها بتقول كدا انها عوزا تنهى اللعبه دي بموت واحد فيكوا علشان التاني ينكسر وميكملش واختارت يحيي علشان هوا الصغير وممكن يقف تاني ويكبر في السوق ودا هيبقى مستحيل معاك لانك من غيره ولا حاجه
_انتو اي انتو اي شياطين انا هحبسكوا والله مش ههدى الا لما احبسكوا يا هقتلكوا وهبقى وقتها ريحت البشريه منكوا انتوا اي بتحاربوا واحد لسه في بدايه حياته وطريقه دا كلو علشان المناقصه اللي نجح وخدها من أكبر شركه اللي هي تبعكوا عاوزين انتوا اللي تاكلوا السوق اي حرام انتوا قتالين قتله كل لما حد يقف قدامكوا بتموتوه
_بص بلاش هري ولكلك هتجيب ولا
_عاوز زفت كام
_١٠٠الف
_اي كتير كدا
_عادي عندي اللي يدفع اكتر بس انا بحبك انت يا يحيي حبيب قلبي
_ماشي هكتبلك شيك
وكتبله شيك ورماه في وشه ومشي وقبل ميركب العربيه بصله بكل شر
_ابقى اشوف طيفك حواليهم تاني انا حذرتك…
وركب العربيه ومشي ووصل للمستشفى
وكان يحيي واقف مبسوط
_نور فاقت ولا لسه
_الحمد لله فاقت وابتدت تتكلم وشويه والدكاتره هيطمنونا
_يارب تقوم بالسلامه يارب_
_يارب…
.
.
يحيي قرب ناحيه فريده ..
فريده كنت عاوزك في حاجه ..
يحيي الصغير استغرب عمه يحيي عاوز اي من أمه عمرهم مكان ليهم كلام مع بعض!؟
_في حاجه يا عمو يحيي
_لا يحبيبي بس عاوز ماما في موضوع متقلقش
_تمام طيب قولها قدامي في مانع
_لا انا عاوز اقولها هى ومتخافش. انت خايف على امك منى!؟
_لا بس
_مبسش خمس دقائق وتكون عندك …
وبص لفريده
_ممكن اتفضلي خمس دقائق بس
بصت ليحيي اللي هز رأسه بماشي
وراحت معاه
_اتفضل يا استاذ يحيي في اي
_انا كنت عاوز اقولك ان حسن لسه بيحوم حوالينا برضو وكل شويه يطلب فلوس وبقى بيهددنى انو يقول ليحيي الحوار اللي احنا عملناه علشان تبعديه عنهم وكمان مكتفاش بكدا طلع هوا اللي خطف نور وعمل فيها كدا وطلب فلوس تاني واديته
_طيب انت ناوي على اي
_انا لحد دلوقتي مش قادر امسكله حاجه اسلمه بيها للبوليس ولا هوا ولا نادين بجد هم لو فضلوا كدا كل حاجه عملناها وهنعملها هتبوظ بيحاربونا من كل الجهات
_انا تعبت انا مش هقدر اخسر حد من ولادي بسببه دانا اموت فيها
يحيي بلهفه استغربت منها فريده_بعد الشر عنك أن شاء الله هم بصي سيبي الموضوع دا عليا وانا هشوف اتصرف ازاي
_وانا معاك برضو لو احتاجت حاجه
_ماشي…
فريده مشيت راحت ليحيي اللي كانت دماغه بتودي وتجيب عاوز يعرف بيتكلموا في اي واي اللي بينهم ومن امتى في مواضيع بينهم
فاق على صوت أمه_ها يا حبيبي الدكتور خرج طمنك على اختك
_,لا لسه
_يارب قومها بالسلامه..
في مكان ما
_بت يا غرام
_نعم يابا
_تعالى يا مقصوفه الرقبه قوليلي بعتي قد اي مناديل النهارده انا حاسس انك عايشه كدا ببلاش ولا شغله ولا مشغله
_بعت ب ٢٠جنيه
_بس يا روح امك عامله زي امك الله يرحمها ولا يجحمها كانت عاله علينا …
وبص الناحيه التانيه …
وانتى يا اختى انتى التانيه اهو دا اللي فالحه فيه العياط ونهنهه وتروحي وترجعى من غير ولا شلن هوا انا جايبكوا هنا اصرف عليكوا ولا اي لا فوقي يا اختى انتى وهي انا عاوز شغل من حديد كدا وكمان عاوز اعلمكوا صنعه كدا تاكلوا بيها عيش
_هي اي دي
.
.
_ههههه صنعه شريفه وعفيفه النشل يا روح امك
هههههههههههههههه
يلا يبت انجري روحي خدي ازفته دي وروحوا ناموا علشان من بكرا هنبدا دروس الصنعه
_حاضر..
وفي الوقت دا جاله تليفون…
_الو يا ست هانم انتى جيبالي بت خام اوووي قاعده تعيط بس انا هعمل بيها اي دي
_هوا انا اللي هقولك برضوا امال انت شغلتك اي
_تمام فهمتك عنيا الجوز
_تسلم يا معلم
قفل معاها
*الظاهر أن المصلحه دي لوز اللوز وهنطلع منها بمعلوم حلو يلا اهو نكسب من البت دي وكمان الفلوس اللي هتديهالنا ست نادين هانم!!!!؟
رواية النصيب. الجزء العاشر
.
.
.
.
