يحيي الكبير روح البيت علشان ياخد شاور ويلبس علشان عنده اجتماع مع ناس مهمه …
وطبعا كلنا عارفين أنه بيحب فريده لحد دلوقتي وجدا كمان بس برضوا الحاجز اللي منعه علاقته بيحيي انها تدمر دائما بيبقى في موانع كتير في اي علاقه ….
في الوقت دا جاله اتصال من شخص..
_الو
اي نادين نزلت مصر !؟
_طيب اقفل سلام
يحيي اتصدم اي اللي جاب نادين بعد السنين دي كلها وجايه لي ..
نادين دي تبقى اخت يحيي من الاب بس ..سافرت زمان مع والدتها وهوا ميعرفش عنها اي حاجه ولسه واصلها بالظبط من سنتين امها خدت فلوس أبوه وورثه وسافرت ومعاها نادين أخته اللي هوا لحد دلوقتي مشافهاش الا صور بس من الاخبار اللي بتجيله ..
هوا فرح وحزن في نفس الوقت خايف لتكون زي امها وفرحان أنه هيشوف أخته الوحيده احساس وحش اوووي لما تكون عارف انك ليك اخت ومش عارف تشوفها ولا تكلمها حتى ولا عارف تقولها انا اخوكي تعالى في حضني خوفا من حاجات كتير اوووي ممكن تتكسر …
عاوز يشوفها وياخدها في حضنه وحشته اوووي بس مش هيعمل كدا الا لما يشوف هي نزلت مصر لي واي اللي وراها…
هى ملهاش حاجه هنا تخليها تنزل هى حتى تقريبا مش عارفه انها ليها اخ هنا …
_يا تري جيتي لي يا نادين!؟
فاق من شروده على الباب بيخبط..
راح فتح الباب وطبعا كالعاده كان فارس جاي يسلم عليه زي كل يوم هوا متعود ..
يحيي كسبهم كلهم يحيي ونور وفارس كلهم بقوا يعتبروه زي ابوهم ابوهم اللي حرمهم من الإحساس دا جه يحيي وعوضه عرف يكسبهم. ويكسب ثقتهم حتى أسرارهم بيحكوهاله وفي حاجات فريده متعرفهاش هوا عارفها دا بيدل أن الأب مش اسم في شهاده الميلاد ولا حتى في البطاقه الاب هوا اللي يعرف يحمل اللقب دا والشخصيه دي ويحيي فعلا كان جدير بيها، الاب يعني حنيه ويحيي مصدرها ،الاب يعني الامان والدفى ويحيي أولهم ،الاب يعني الثقه وانك متخافش وانت بتقوله انا عملت الغلط دا علشان واثق أنه هيقف جنبك مش هيخذلك يحيي وحسن شخصيتين عكس بعض بس طبعا مش كل اللي احنا بنتمناه ليتحقق..
_عمو يحيي الجامد اوووي
_امممم أنجز عاوزني اقنعهم بايه
_ايوا يا جامد دائما فاهمني انت عارف اني نفسي في عجله بس ابيه يحيي مش راضي يجيبها علشان خايف عليا وانا والله بعرف اسوق
_طيب واللي يقنعه بس توعدني وعد الاول
_انت تؤمر
_متخرجش بيها برا الشارع دا يعني اخرك اول الشارع علشان خيالك ميصورش انك تروح بيها المدرسه..
_طيب بس
_ها موافق ولا لا
_طيب ماشي حاضر اوعدك..
_خلاص اتفقنا بس انا بتكلم مع راجل مش هيخذلني صح
_عيب عليك دانا تربيتك
_مهو دا اللي قالقني..
_المهم انت متشيك كدا ورايح فين هتقابل المزه..
_ههههههه مزه اي يا ابني انت مش شايف الشعر الابيض ولا اي وبعدين تعالى هنا انت جبت الكلمه دي منين
_ها كلمه اي
_يشيخ
_روق كدا وخليك رويح وفوت
يحيي قرب منه ومسكه زي الكتكوت المبلول
_انت عارف لو اتكلمت الكلام دا هعمل فيك اي
_اعتبر أنه حصل يا فندم انا اسف
_ايوا كدا يلا روح شوف مذاكرتك وإلا اعتبر كلامنا محصلش
وفي لحظه كان فارس مختفى من قدامه قبل ميغير رأيه ويحيي فضل مكانه يضحك عليه وعلى الزمن اللي خلاه اب من غير تبني!
دخل كمل لبسه ومشي…
عند المدرسه بتاعت نور وآليا.. ..
كانت نور واليا خارجين وفي شابين اتعرضولهم…
_حلو الزي المدرسي دا هياكل منك حته يا قمر انتى …
آليا ونور مكنوش عارفين يمشوا حتى لأنهم معترضين طريقهم جدا آليا بدأت تعيط ونور فضلت تزعق ليهم..
ولسه الشاب جاي يحط أيده علي آليا..
لقى حد بيمسك أيده وبيلويها ورا ضهره .
_مش عيب شحط زيك انت وهوا يعاكس بنات الناس
_وانت مالك هم يخصوك
_اه انا هوريك بقى يخصونى ازاي ..
وبدأ احمد يضربهم بكل قوته لحد موقعوا على الأرض
وقاموا جريوا…
وفي الوقت دا يحيي جه …
وشاف اللي حصل ونور واليا اللي واقفين يعيطوا ..
يحيي جري عليهم .
_مالكوا اي اللي حصل
نور قربت منه وحضنته وهوا خدها في حضنه يهديها..
واحمد اتكلم
_مفيش حاجه يا يحيي كانو بس شابين كدا بيعاكسوا وانا ضربتهم ومشيوا متخافش..
_شكرا جدا يا احمد مش عارف اقولك اي
_متقولش حاجه احنا اصحاب وغير كدا دول تلامذتى يعني دا واجبي ..
يحيي فضل يهدي في نور وقرب من آليا وقال
_اهدي يا آليا معلش حقكوا عليا انا اللي اتأخرت انا اسف مش هتحصل تاني
آليا مسحت دموعها وكمان نور
آليا:متتاسفش علشان ناس وحشه زي دي انت معملتش حاجه …
يحيي ابتسم ليها وعلى رقتها وجمالها وطيبة قلبها وقال ..
_طيب مش هتاسف بس اهم حاجه انتى متعيطيش ممكن
_حاضر
وركب يحيي ونور واليا وعرض على احمد يوصله وبعد محايلات وافق..
وركب معاهم جنب يحيي..
احمد كان قلبه واجعه طول ماهوا شايف دموع نور اللي هى قلبه متعلق بيها من غير مياخد باله مش عارف بيحبها ولا معجب بيها ولا اي نظامه بس كل اللي هوا عارفه انوا عاوز يشوفها دائما ويشوف ضحكتها وبس …
يحيي وصله وبعدين وصل نور واليا عالبيت وبعدها طلع عالشركه ..
وصل يحيي الشركه ودخل مكتبه علشان يشوف كم الشغل اللي متراكم عليه ..
مش. عارف يواظب بين شغله والكليه ودائما في ضغط من كل حته..
بس رغم دا كلوا مبسوط بوجود عائلته معاه ويحيي واليا وكلهم لأنهم بيمثلوا ليه مصدر قوه وحماس وطاقه..
يحيي وصل الشركه ودخله..
_ورق الثفقه جاهز يا يحيي
_طبعا ..
_طيب يلا علشان في ميتنج مهم بعد نص ساعه
_حاضر اتفضل حضرتك وانا هاجى وراك..
_ماشي..
حسن في الوقت دا كان بيدور على شغل ورجله خدته على مصنع ومكتوب عليه أنه طالب عمال ..
_يارب يقبلوني..
دخل وقابل المهندس الاشرافي ..
_انا جاي اقدم على شغل وانا بشتغل من زمان في الشغل دا
_طيب تمام تقدر من بكرا تستلم الشغل
_مينفعش من دلوقتي
_عادي اتفضل..
ونده على عامل باين عليه كبير في العمر وكمان الخبره
_دا عمى صابر الكبير بتاع العمال وهوا اللي هيقولك هتشتغل اي
_تمام..
صابر:تعالى يا
_حسن اسمي حسن
_تمام يا ابني تعالي اوريك هتشتغل فين..
حسن راح مع صابر ووراله المكان اللي هيشتغل فيه..
وبدأ شغله عادي هوا متعود على الشغل دا..
..
_جاهز يا يحيي
_ايوا طبعا .
بدأوا الاجتماع وخلص..
يحيي الصغير بارهاق:هتروح فين بعدها
_انا هروح المصنع اتطمن على الورديه الجديده وانت شكلك تعبان روح البيت نام شويه وكمان علشان دراستك ..
_حاضر عاوز مني حاجه
_سلامتك خلي بالك من نفسك .
يحيي مشى وحقيقي كان سائق العربية وهوا تعبان جدا .
ويحيي الكبير راح المصنع وبدأ يشوف المكن وبتطمن على العمال لو محتاجين حاجه ..
كان صابر واقف مع حسن
_عامل اي يا عم صابر
_بخير يا ابني
يحيي بص للشخص اللي واقف معاه واتصدم لما شافه..
_حسن!!!
.
.
اسفه جدا على التاخير وان شاء الله مش هتتكرر تاني …
ويحيي الكبير راح المصنع وبدأ يشوف المكن وبتطمن على العمال لو محتاجين حاجه ..
كان صابر واقف مع حسن
_عامل اي يا عم صابر
_بخير يا ابني
يحيي بص للشخص اللي واقف معاه واتصدم لما شافه..
_حسن!!!
حسن اتصدم لما شافه شاف صاحبه اللي خدعه وخانه زمان قدامه وهوا شغال عنده للدرجادي الدنيا ضيقه كدا ..
_يحيي…
يحيي قرب عليه وقاله
_حسن انت جيت هنا امتى وبتشتغل هنا من امتى
_انا انا النهارده اول يوم ليا..
_طيب شغلك اللي في مصر
حسن خفض رأسه في الأرض ومتكلمش..
_لو سمحت يا يحيي مش عاوز اتكلم في اللي فات..
يحيي عذره وهوا عارف اساسا كل اللي حصله لانه كان متابع أخباره دائما هوا لسه بيعتبره صاحبه بس ممكن الزمن يرجعهم تاني …
_سيبتهم لي يا حسن !؟
لقى نفسه بيسألوا السؤال دا من غير تفكير عنده فضول يعرف لي ساب فريده وولاده لي …
حسن بصله بحزن والم
_انا اسف يا يحيي اسف على كل اللي عملته فيك زمان عن خيانتي وعن حبي لنفسي وعن كل حاجه عملتها وعن الشغل اللي خدته منك وعن فريده كمان انا كان كل همى انى اخد الحاجه اللي انت بتحبها وبس ومكنش هاممني انا بحبها ولا لا بس فريده لو كانت معاك كان هيبقى الوضع احسن دلوقتي انا بجد اسف جرحتك وجرحتها وولادي جرحتهم وابني اتولد بعيد عني واول لما شافني افتكرني حرامي نا اسف ..
وبدأ يعيط ودي كانت أول مره يحيي يشوف حسن بيعيط فيها قرب منه وطبطب على كتفه .
_الاسف مش هيفيد بحاجه دلوقتي يا حسن اللي هيفيد بجد انك تكون فعلا اتغيرت وتعرف ترجع ولادك لحضنك وفريده تسامحك عن الجرح اللي سببتهولها..
_والله انا هعمل كدا وهبذل كل طاقتي في أنهم يسامحوني انا بجد تعبان اوووي ومراتي التانيه اللي اديتها كل حاجه خدت فلوسي وسابتني واتجوزت واحد تاني انا بجد كل لما افتكر اني سبت فريده وعيالي علشانها بستحقر نفسي اوووي ..
_بص يا حسن كلنا بنغلط بس اهم حاجه لما نفوق نعرف نصلح الغلط دا يا صاحبي اهم حاجه انك تعرف ترجعهم ليك…
حسن لما مسح دموعه سأله..
_انت عرفت كل دا منين..
_يحيي ابتسم وقاله اصل انا ويحيي ابنك شركا هنا وغير كدا أن شقتي قدامهم من ساعت مارجعوا وانت سبتهم ..
فارس ابنك مولود على ايدي .ويحيي اشتغل معايا وكبر نفسه بنفسه ودلوقتي في كليه هندسه ..ونور القمر بتاعتنا في تانيه ثانوى ..وغير كدا فريده اللي بتدعم ولادها دائما وحقيقي تستحق لقب الام المثاليه..
_شكرا يا يحيي انت عملت اللي انا معرفتش اعمله كسبتهم وحببتهم فيك ووقفت جنبهم وجنب يحيي انا بجد مش عارف اقولك اي .
_يحيي اللي صمم يصرف على اخواته وأمه موافقش أنها تشتغل اشتغل هوا واتكفل بمصاريفهم وفعلا كان راجل وقد المسئوليه صعب ان الواحد يلاقي طفل في سنه بيفكر كدا حقيقي ذكى وشاطر في الشغل والدراسه..
_ربنا يحميه ويحفظه ..
يحيي جاله تليفون من رقم غريب..
_الو ايوا انا ..
اي!؟
يحيي في المستشفي عامل حادثه..
حسن اول مره يحس بقبضه في قلبه وخوف مش عارف اي مصدره يحيي طلع يجري وحسن وراه حاسس ان الدنيا بتلف بيه ابنه عمل حادثه قبل ميشوفه ويسامحه..
يحيي وصل المستشفي وهوا قلبه بيدق بخوف شديد …
سال عن الأوضه اللي يحيي فيها وعرف المكان وراح جري ..
دخل الأوضه كان الدكتور بيخيطله جرح في رأسه وأيده كان فيها جبس ..
قرب منه بقلق وهوا خايف عليه وحسن كان واقف مذهول من يحيي وهيئته وأنه باين عليه فعلا أنه راجل وملو هدومه..
_يحيي حبيبي انت كويس..
_ايوا يا عمو يحيي والله كويس انا بس ايدي انكسرت وغرزتين في دماغي متقلقش ابنك بطل ..
_بطل اي بس بلا نيله انت متشلفت خالص انا قلبي هيقف من الخضه
_اهم حاجه متقولش لماما اصلك عارفها ممكن تقع من طولها فيها وهتفضل تعيط جنبي .
_لا طبعا مش هقولها دلوقتي..لما تروح انت اللي هتقولها علشان تتعامل..
وضحكوا سوا ..
كل دا وحسن واقف واتمني انوا يكون مكان يحيي وابنه يكون بيحبه كدا بس اساسا ابنه كارهه..
يحيي ابنه بص عليه واتصدم لما شافه والدموع اتجمعت في عينيه وكل الذكريات اتجمعت في دماغه ..
ونطق كلمه واحده
.
.
_بابا….
حسن بصله بدموع وكسره ووجع..
يحيي ضغط على أيده بعصبيه وضغط على سنانه واعصابه أنشدت واحمر..
وتتكلم بعصبيه وصوت مبوح وعينيه حمرا .
_انت اي الي جابك هنا جيت لى جاي لي جاي بعد عشر سنين تعمل اي وبتعمل اي هنا انا مش عاوزك …
حسن الدموع اتجمعت في عينيه وبصله..
_يا ابني..
_انا مش ابنك متنطقهاش..انا مش ابنك ولا انت ابويا انت رميتنا زمان وجاي تقولى يا ابني ابنك اي انت تعرف معنى الكلمه دي اصلا …اللى يعرف معناها فعلا واقف قدامك اهو هوا دا حقيقي اللي يعرف معناها عرفت مين يستحقها ..
اتفضل روح مكان ما جيت ومتتعشمش أننا ممكن تسامحك لانى عمري مهسامحك يا بابا عمري…اتفضل..
يحيي زعق وسكته..
_يحيي متنساش ان دا ابوك ربنا قالك تعلي صوتك على ابوك فين القران اللي انت حافظه .
_وهوا فين من كل دا هوا فين هوا مين اصلا انت مش زيه لي قولى هوا كل الابهات بترمي عيالها كدا معتقدش يا عمو يحيي ..
يحيي سكت مش عارف يرد كلامه كلو صح ..
حسن خد بعضه ومشي بكل هدوء ..
ويحيي حس انو زودها معاه وبعد لوم يحي ليه عرف أنه غلطان وأنه مهما عمل راجع وندمان كان لازم عالاقل يسمعه …!؟
يحيي خلص .وروح البيت وجت المواجهه التانيه بينه وبين أمه اللي هتشوفه بالوضع دا وغير كدا هيقولها ازاي أنه شاف أبوه بعد عشر سنين …وأنه راجع وعاوزهم يسامحوووه…
.
.
يحيي دخل البيت ..
فريده كانت في صراع غريب بينها وبين نفسها بتفكر فاللي حصل وحسن وكلامه وكل حاجه وبتفكر برضو هتقول ليحيي ازاي .!؟؟
اول لما يحيي دخل عليها قامت مخضوضه وفضلت تعيط لما شافته كدا ..
وهوا فضل يهدي فيها لحد ما هديت ..
_انت كويس اي اللي حصلك دا ومن اي فيك حاجه تانيه يا عمري من اي دا كله ..
_يا ست الكل انا كويس والله بس حادثه خفيفه كدا
_ازاي
_,كنت بقالي يومين مطبق ومش شايف قدامي ركبت العربيه وعيني زغللت فدخلت في الرصيف وانا مش واخد بالي بس..
_طيب بص بقى مفيش حكايه تطبق دي تاني ولما تلاقي نفسك تعبان مش قادر تسوق تعالى مواصلات الا مش هخرجك من البيت خالص
_لا وعلى اي انتي تؤمري يا ست الكل ..
_تسلملي يا عمري ..
.
.
_انا هدخل اغير علشان ريحتي كلها بنج ..
_ماشي وانا هحضرلك الغدا ..
_ماشي..
فريده دخلت تحضر الغدا وهي بتفكر هتقوله ازاي .
وهوا كذالك كانت بيلبس وبيفكر هيقولها ازاي ….
….
عند حسن ..
بعد لما خرج من المستشفى..
حس بتعب وان عياله مستحيل يتقبلوه وحس أن الدنيا بتلف بيه..
ووصل المكان اللي عايش فيه ..
وقعد على القهوه وطلب شاي..
وكان قاعد باصص في الفراغ وتعبان ..
وفجاه سمع التليفزيون بيعرض اخبار عن جر*يمه ق*تل في القاهره في الحي اللي كان عايش فيه والفضول خلاه يبص واتصدم من اللي شافه..!؟
_معقول ….
رواية النصيب. الجزء السادس
.
.
.
.
