مقتبسة من قصة “حقيقية ”
حكايتي بدات من اول يوم جواز كل بنت بتتمني انها تكون ليها بيت وحياه خاصه بيها وانا زي اي بنت والحمدلله ربنا رزقني بزوج طيب ويعرف الله في الاول ايام الخطوبه كنا بنخرج سوا وشوفت علامه في ايده بساله عنها قالي انا من سنتين كنت خاطب وهنتجوز وقبل الزواج باسبوع كنا بنجيب العفش للشقه وفي الطريق حصل حادثه وماتت خطيبتي وطول الفتره دي كنت رافض فكره الارتباط نهائي لحد ما شوفتك ‘‘‘‘‘
انا نسمه عمري 28سنه ليا اخ واخت اكبر مني ومتجوزين اتعرفت علي خطيبي عن طريق زوج اختي كنا في فرح وشافني وتمت الخطوبه وبعد 6شهور اتجوزنا طبعا كان عنده العفش بما انه كان خاطب قابلي انا يادوب جبت حاجات بسيطه واتجوزنا ويوم الزواج في البيت دخلت اوضتي لقيت في حاجه قاعده علي السرير فتحت النور ماشوفتش حاجه قولت يمكن عشان الارهاق والتعب الايام اللي فاتت وعدي اسبوعين مافيش اي شئ
وكانت اجازه احمد زوجي خلصت وهينزل شغله هو بيشتغل في مكان ما بيقعد اربع ايام ويجي اجازه يومين ويرجع تاني وطبعا كان رافض اني اقعد لوحدي بس انا قولتله لا انا بحب شقتي وعايزه افضل هنا وبعد كلام كتير وافق وياريت ماكان وافق اول يوم بالليل دخلت عشان انام وكنت متعوده افتح ضوء خفيف لقيت كأن حد قاعد علي السرير اتخضيت وفتحت النور العالي مش لقيت حاجه رجعت وفتحت الخفيف لقيت ظهر الخيال تاني وفجاه اختفي خوفت وجريت استخبي تحت البطانيه شويه وحسيت ان في حد قاعد جانبي معرفش ازاي جالي قلب اني اشوف ايه دا ببص لقيت واحده قاعده ضهرها ليا ولبسه فستان فرح ابيض بس عليه تراب بقولها انتي مين لفت وشها ليا لقيتها عنيها حمرا اوي ونص وشها اليمين كأنها وقعت علي الارض او اتشدت علي الارض فمتعور اوي وفمها بينزل دم ولون بشرتها ابيض شاحب وقالتلي احمد دا ملكي اناااااا وصرخت في وشي
انا اغمي عليا فوقت علي صوت اذان الفجر قولت يمكن كنت بحلم روحت عشان اتوضي واصلي لقيت علي الارض نقط دم مشيت ورا النقط لقيت اخرها عند اوضه الاطفال ولقيتها وقفه عد سرير النونو وبتغني اغنيه مش قادره اسمعها اوي وبصتلي واختفت انا جريت اتصلت باحمد وقولتله الحقني وقفلت ساعه وكان عندي وحكيت اللي حصل لقيته سكت وقالي هي جات ليكي انتي كمان قولتله يعني ايه قالي هحكي ليكي قالي بعد الحادثه بقيت اشوفها في احلامي وكآني متجوزها وبعدها بفتره جات وقالتلي في الحلم انها بتحبني لسه وبقينا زي الازواج انا استغربت ازاي دا بيحصل دا حلم بس الحلم كان عباره زي مسلسل كل يوم في الحلم تكمله ليوم قبله ولما قررت اني اطلع الموضوع دا من دماغي ومابقتش انام بالليل نهائي وكنت مخلي شغلي طول الليل وانام بالنهار وماكنتش بحلم بيها
وبعدها نزلت اجازه وغصب عني نمت جات في الحلم وقالتلي مش هسيبك وهي اللي عورتني كده في ايدي مش الحادثه اللي حصلت ولما صحيت لقيت العلامه دي ومن يومها مش بقيت احلم بيها لحد ما انتي قولتيلي قولتله والحل ايه قالي طيب استني اتصل بصاحبي وقاله هات شيخ وتعالي علي شقتي وفعلا ساعتين وكانوا عندنا وحكينا كل حاجه سمع وسكت وقالنا دا جن عاشق ظهرلك في صوره خطيبتك القديمه المتوفيه عشان مش تخاف منها وانت لما لمستها اتجوزتوا كده وهي حامل منك ساعتها بس دخولها لغرفه الاطفال هنا مالهاش تفسير غير ان الطفل اللي منها مات وهي جايه تاخد ابنك قولتله ازاي انا بقالي 20يوم بس متجوز قال يبقي مراتك حامل قال دلوقتي هحاول ابعد روحها عن البيت وربنا يسهل
.
فضل يقرا قراءن علي مايه ورشها في كل الشقه وقال كل ثلاث ايام تعملي كده وتشغلي سوره البقره وفعلا عملت كده وعرفت اني حامل فعلا وبعد التسع شهور جه وقت الولاده ودخلت المستشفي عشان الحاله مش مستقره والحمدلله ولدت بنوته اموره بس تعبت ودخلت الحضانه ومش بقيت اشوفها وتاني يوم بالليل لقيت حاجه بتتسحب علي الارض براحه جدا قومت اشوف ايه دا لقيت البنت اللي لبسه فستان الفرح شيله بنتي وقالتلي كده مش ليكي حاجه عندي اخد بنتك وانتي اخدي جوزي فضلت اصرخ واغمي عليا وصحيت قالولي ان بنتي اتخطف ومن يومها وانا مش عارفه اوصلها مش عارفه ماتت ولا عايشه ولا اختفت تحت الارض يارب صبرني علي فراقها
عفريتة خطيبتي. “الجزء الثاني”
.
.
.
.
