احمد: علشان انا مش حابب حد يقف ف طاريقنا انا وانتي وعلشان انا بحبك ومش عايز حد يقول عنك حاجه
رحاب: احم احم بتخاف عليا ولا اي
احمد: لا بحبك
سبت احمد ومشيت وانا حاسه اني فرحانه اوي هو دا اللي يتقال عليه الحب ولا ايه والنبي شكلي هحبه رجعت البيت فضلت اتصل ب مي مش بترد ولا رحمه الله الناس دي ماتت ولا ايه
لكن الدكتور فضل يدور ع الاسم لقاه فعلا قالي اه موجود
_ازاي موجود يعني ايه
الدكتور: يعني عنده ايدز من زمان من اربع سنين بياخد العلاج دا
_انت متاكد انت بتقول اي
الدكتور: والله بياخد العلاج دا من زمان بس مش هيصرف العلاج دلوقتي لانه لسه واخده الاسبوع اللى فات بس انتي مين
_انا مراته انا البنت الهبله اللى ضحك عليها واتجوزها وهو عارف انه مريض ايدز عرفت انا مين انا اللى دمر حياتي كلها
_سبت الدكتور ونزلت وانا بعيط بهستريه شديده انا مستهلش منه كدا يامي انا معملتش حاجة انه يعمل معايا كدا ليه دا كان جاي مقرر انه يتجوزني ليه يامي وجعني كدا ليه حرمني من اني اكون ام ليه وفضلت اعيط لكن مي فضلت حضناني جامد اوي قالتلي احنا لازم ننزل للدكتور
الدكتور: لازم تعملي تحليل وتشوفي انتي عندك المرض ولا لا
مي بخوف: يعني ايه يعني ممكن يكون عندها ايدز هي كمان
الدكتور: دا اكيد لان الايدز بينتقل بالعلاقات الزوجيه وهي كانت ع علاقه بيه يعني اكيد هتبقي اتعدت ربنا يستر
_عملت التحاليل والدكتور قال انه مش هيظهر دلوقتي رجعت البيت وانا منهاره كنت حاسه اني بموت انا حاربت كتير علشان اكون بخير واكون عندي بيت وحياه لكن دلوقتي ولا كسبت حربي ولا بقيت بخير جه حاتم من الشغل لقاني مرميه ع الارض مغمي عليا
حاتم بخوف: رحمه مالك ف ايه انتي كويسه فوقي يابنتي انا مقدرش اعيش من غيرك فوقي ياحبيبتي حقك عليا اكيد تعبتي بسببي فوقي طيب
_فوقت لقيت حاتم حاضني جامد لكن زقيته من حضني وانا بعيط جامد ليه ياحاتم؟!
حاتم بتوتر: ليه ايه ياقلبي
_ليه تعمل فيا كده ليه حرام عليك
حاتم بتنهيده: عملت ايه
_ليه اتجوزتني وانت عارف انك مريض ايدز ليه كنت حابب تنهي حياتي معاك اشمعنا انا وانت مكنتش تعرفني ليه متجوزتش واحده غيري ليه خلتني احبك وليه ماقولتش من اول يوم اتقابلنا فيه ليه اخترتني انا بالذات علشان اشيل حاجه زي دي ليه حرام عليكي ليه كنت بتحس ب ايه وانا بعيط قدامك ليل نهار ونفسي ابقي ام كنت بتفرح صح كنت بتقول ايه ف نفسك وانا ف حضنك وموافقه ع وضع مفيش بنت ترضي بيه كنت بتفرح صح كنت بتفرح اول مالكانديوم يتقطع او يسرب مكنتش بتخاف عليا انت اناني اوي ياحاتم انت اناني بجد انا بكرهني اوي علشان صدقت وحبيتك ياريتني ماكنت حبيتك وفوق كل دا تخوني انت عارف المرض دا بينتقل ازاي ولا اعرفك ساكت ليه اتكلم اتكلم متوجعش قلبي اكتر من كدا
_لكن الغريب انه فضل ساكت بيسمعني بس كان بيعيط ع عياطي
بدء يتنهد ويقول
انا عارف انك شيفاني وحش اوي واني مستهلش ابقي ف حياتك وان انا السبب اللى دمر حياتك لكن والله مقصدش منكرش اني كنت عارف اني تعبان وعندي ايدز بس انا مكنتش مخطط عليكي انتي انتي اللى ظهرتي ف وشي مكنش ذنبي والله
_امال ذنب مين انطق ذنب مين وجعي دا كله
حاتم بعياط: ذنب بابا هو اللى قالي عليكي قالي دي بنت مكسوره وكبرت ولسه متجوزتش يعني هتقبل هتقبل من غير تفكير انت اكبر مهندس ف البلد واي بنت تتمني انك تبقي جوزها والله قولتله حرام ندمر حياتك قالي انك تعبانه ف بيت اهلك ومن نظره الناس ليكي انا قولت هتجوزك ومش هقرب منك والله لكن
_قطعت عليه كلامه كله وقولتله انت كنت بتشفق عليا واي خلاك قربت مني
حاتم بنفس صوته المكسور: علشان انا شاب وطبيعي مراتي معايا لازم اقرب منك وانا كنت بدأت احبك والله ومعملتش حاجه غير برضاكي
_رضايا ايه انت فهمتني انه مرض مش معدي وانك بتعمل كده علشان خايف عليا مش اكتر
حاتم: ولسه خايف عليكي انا حبيتك اوي منكرش اني اذيتك بس اديتك مقابل الاذي دا حب واهتمام وحنيه مكنتيش هتلاقي حد يديكي نصها انا والله مش وحش انا مخنتكيش زي م انتي فاهمه
_امال اي كنت بتلعب استغمايا وجالك المرض يعني
.
.
حاتم: لا والله انا كنت افشل وانجح واروع شاب ممكن تقابليه كنت عايز يبقي معايا فلوس كتير واحافظ ع الشركه بتعتي
_تحافظ عليها ازاي بقي احكيلي يمكن تعرف تكفر ذنبك
_بدء يتنهد ويقولي….
بدء يتنهد ويقولي: انا كنت لسه متخرج من كليه الهندسه وبابا كانت الوقت دا الشركه بتخسر الاسهم بتاعتنا وانا كنت عيل طايش ف بدايه عمره لقيت واحده ست كبيره كانت شريكه بابا كان اسمها رشا بتطلب مني اللى عمري ماكنت اتخيله
رشا:علشان امضي الاسهم ماتنزلش اكتر من كدا لازم تيجي تسهر معايا
حاتم:اجي اسهر معاكي ليه بقي
رشا: كدا علشان تنقذ اسهمك
وفعلا روحت سهرت معاها لكني مكنتش معني كلمه عشا عمل كنت صغير وفعلا حصلت بينا علاقه كامله بس انا كنت صغير
رحمه بستحكار:يعني اي كنت صغير مكنتش فاهم يعني اي بيحصل انت بتقول مبرر اوسخ من الذنب نفسه ومن هنا بقي انتقل المرض
حاتم:لا انا لقيتها شغلانه حلوه ف كنت دايما مع رشا دي ولو فيه اي حاجه مش بتتقضي كنت بعمل نفس الحوار دا كنت حبيت الموضوع
رحمه بعياط؛اخرس ياحاتم
حاتم بعصبيه:لا مش هخرس فعلا كنت حبيت الموضوع نقذت شركتي وكنت بعمل كل حاجه بنفس الطريقه حبيتها لحد مافي يوم تعبت جامد كنت ف حضن بنت وكنت بموت تقريبا سابتني مرمي ونزلت من كتر تعبي اتصلت ب بابا وبعد تحاليل وتعب اكتشفت اني عندي الايدز جالي من اي واحده فيهم منيش عارف بس وقتها قررت هنقل المرض لكل بنت كنت معاها
رحمه بعياط؛ طيب ليه اخترتني انا وانا عمري مكنت اعرفك ليه قررت تنهي حياتي معاك
حاتم: انا مكنتش اعرفك والله فيه واحده قالت لبابا انك انتي بنت مكسوره ومالكيش حد وكل الناس بتعايرك بكبر سنك والناس ف البلد بتقولك عانس كنت فاكر انك وحشه او كبيره بقي وباين عليكي سنك كنت بقول اي بنت والسلام اهي بنت تأدي الغرض والناس تقول اني متجوز كنت جاي عندكم وانا كاره نفسي لكنك دخلتي عليا لقيتك قموره وشكلك اصغر من سنك بنوته كيوت ومثقه اول ماتكلمت معاكي حسيت برتياح كنت شافك ملاك قولت لبايا هي القمر دي ليه متجوزتش لحد دلوقتي
رحمه بعياط: ماصعبتش عليك وانت شايفني قدامك مظلومه طول حياتي
حاتم: لا مصعبتيش قولت هعوضك حب وحنان وحنيه قولت هخليكي اسعد واحده ف الدنيا قولت كدا كدا مش هطلقك فهتفضلي ف حياتي
.
.
رحمه: وماصعبتش عليك وانا بتعذب قدامك ونفسي ابقي ام زي باقي الناس نفسي اسمع كلمه ماما نفسي اخدها ف حضني واشوفهم قدامي بيكبروا ويروحوا المدرسه نفسي انا اتعب الاقي ايد ولادي بطبطب عليا انت وسخ اوي ياحاتم
حاتم: ياست مايمكن يكون مش عندك المرض
_كنت لسه مخلصناش كلامنا ولقيت الباب بيرن حاتم حاول يلم شتاته ويرجع طبيعي ويفتح الباب لقيتها مي صاحبتي
مي بعياط وخضه خدتني ف حضنها: التحاليل ظهرت وانتي طلع عندك المرض
_فضلت باصه ل مي وانا مصدومه
مي باحتواء:ماخفيش والله هتخفي هتاخدي علاج وهتبقي كويسه
_كويسه بعد اي كويسه وانا بدمر
حاتم بعياط:انا اسف ليكي يارحمه حقك عليا
_تعرف انا لو قبلت اعتذارك دا ابقي انا قليله قيمه ماهو مينفعش ترشق سكينه ف قلبي وتقولي اسف اسف ع ايه ولمين اسف ع كدبك ولا ع حياتي اللى دمرتها اسف ع ايه خد اسفك واطلع بره ياحاتم سيبني لوحدي ولا اقولك خليك دا بيتك انت اولي بيه انا هنزل اقعد عن ماما
حاتم بخضه:هتروحي فين ابوس ايدك خليكي انا ماليش غيرك خليكي والنبي انا بحبك انا معترف بغلطي انا عمري ماعرفت اخلي حد يحبني ويفضل فى حياتي انا فاشل جدا ف كدا معاده انتي انتي كنتي سندي وبيتي
_بصتله كدا وقلت؛…
.
.
______
احمد:وبنت قلبي سرحانه ف ايه
رحاب بضحكه؛انت هنا من امتي
احمد:انا هنا من اول مابدأتي تضحكي لنفسك
رحاب بتوتر:كنت بفتكر حاجه علشان كدا ضحكت
احمد:انا جاي اقولك حاجه مهمه اوي بالنسبالي
رحاب:قول ياعم
احمد:انا عايز رقم بابا عايز اتقدملك
رحاب بفرحه:نعم انت قولت اي
احمد:قولت عايز اتقدملك اتجوزك يعني يابت
_طيب طيب ممكن تقعد مع اختي الاول تتعرف عليها هي مش اختي هي صحبت اختي وبحبها اوي
احمد:ماشي ياست البنات خديلي منها معاد هي الاول
تعرفي يارحاب
_٠قول
احمد:انا بحبك اوي كتت حاسس ان كل اللى فات من عمري كان انتظار ليكي
_ايه ياعم الكلام الجامد دا
احمد:الكلام الجامد دا مش بيطلع غير ليكي
_لسه قاعد وهرد عليه لقيت فوني بيرن مي بتتصل
رحاب: اهي اختي اللى كنت بكلمك عليها بتتصل
احمد:هو دا وقته برضو مترديش
رحاب:لا طبعا هتقلق دا يمكن تكون عند رحمه اختي
_الو ايوه يامي عامله ايه
.
.
مي:الو يارحاب انتي عامله اية كنت عايزه اقولك حاجه مهمه
رحاب:وانا كنت عايزه اقولك حاجه اهم انا فرحانه اوي يامي فرحانه بغباء انا.اخيرا قلبي دق بصي لا اخيرا حبيت بجد
مي بعياط:وانا عايزه اقولك ان رحمه تعبانه اوي
رحاب بخضه:تعبانه ازاي انتي بتقولي اي انتي فين يامي انطقي
مي:احنا عند رحمه ف البيت تعالي حالا
_طيب سلام سلام دقيقه وهبقي عندك
وبالفعل قفلت مع مي لكن احمد اثر انه يوصلني لاني كنت منهاره عياط ع اختي هي رحمه مش بس اختي دي سندي وضهري دي امي وصاحبتي دي كل دنيتي
احمد: قولي العنوان بسرعه
رحاب:خلاص انا هركب التاكس وهوصل امشي انت
احمد: لا طبعا امشي واسيبك ازاي
رحاب: انا خايفه اوي يااحمد
احمد: متخفيش ياقلبي
وبالفعل احمد وصلني لحد البيت ولسه طالعين انا واحمد عند مي ورحمه برن الجرس لقينا صدمه مكنتش متوقعه انها تحصل…
#قدري_الاسود
#بقلم_غاده_رجب
رواية قدري الأسود. الجزء الثامن
.
.
.
.
.
.
