السلام عليكم ورحمة الله وبركاته انا متزوجه جوزي من حوالي ١٧ سنه المهم هو اول جوازنا مكنش بيسافر بدا يسافر بعدزواحنا بسنه يعني مسافر ليه ١٦ سنه انا عاوزه اقولكم حرفيا جوزي معملش اي حاجه من سفره نهائيا لاولاده !!! هتقولولي ازاي ؟ هقولكم اهله رقم واحد في حياته واخواته.
انما ولاده ومراته ولا ليهم لازمه في حياته المهم طول غربته ابعت فلوس احنا محتاجين فلوس ويبعت ويجوز بنات ويجوز صبيان واحنا عينيه مش شايفانا في حياته. لو جيت طلبت حاجه لبيتي وشقتي محتاجاها مفيش عنده غير ربنا يسهل ومش بيعمل حاجه اخواته قاعدين في مصر مستقطعينه وفاكرين ماله حق مكتسب ليهم اللي عليها فلوس يدفعها واللي عندها مشكله هو اللي محطوط فيها عامل فيها الكبير.
وللاسف هو مش عارف انهم مستغلينه وضاحكين عليه وهو مش شايف في حياته غيرهم. انا عندي منه ٦ اطفال ومنهم طفل ربنا يتولاه. ومش عمل حاجه للزمن وكل ماجي اقوله نجهز البنات يقول ربنا يسهل طب اعمل اي حاجه ميردش ويطنش وللعلم احنا قاعدين في شقه في بيت عيله . كان بيصرف علي البيت كله واحنا مستقلين في شقتنا طب تصرف ليه يقول ملكيش دعوه. ابوه وامه توفاهم الله. من فتره هاخد رايكم هنا يبقي من حقه يبعت لاخواته الموجودين ومتزوحين وشغالين وعايشين كويس من حقه يبعت ليهم راتب شهري ؟ بالله عليكم انا استحملت كتير جدا جدا.
فوق طاقتي قًولولي اعمل ايه. هل من حق اخواته الفلوس دي ومش محتاجين وولادي محتاجين الجنيه دايما يبديهم عننا في كل شي. وللعلم كان نفسي اعيش حياتي معاه ولو حتي يجبر خاطري وياخذني زياره انا وولادي. معملش كده. ده ينفع اعمل ايه معاه. لسه باقي التفاصيل كتيره جدا. بس انا طولت عليكم. لنا لقاء اخر. استودعكم الله. الذي لاتضيع ودائعه وشكرا
.
.
.
.
