#مشكلة_عضوة
لو سمحتوا ياجماعة.
جوزي اتصل عليا الصبح لما نزل وهو ف طريقو للشغل قالي جوز اختي هيعدي عليكي يمضيكي ويبصمك ع ورق. اقرار الذمة المالية بتاع جوزي
قولتلو طب وانا امضي ليه وهو اقرار بتاعك انت قالي مش انتي مراتي لازم تمضي.
.
.
.
.
والمفروض كنت اجيبلك الورق دا من اسبوع بس عشان كنت واخد اجازة وكدا. وولقيت جوز اختو جايبلي ٤ ورقات بيض فلوسكاب وقالي اكتبي اسمك وامضي وابصمي واكتبي رقمك القومي
ف انا قلقت اتصلت ب بابا وحكيتلو قالي ممنوع تحطي القلم ف الورق دا. مفيش حد عاقل يمضي ع ورق ابيض
وبابا اتصل ع جوزي قالو ورق ايه اللي انت بتمضيها عليه قالو دا اقرار ذمة مالية طالبينو ف الشغل
قالو وانت كل سنة لما بتعمل الاقرار دا بتمضيها عليه قالو لا قالو يعني معني كدا انك بتمضي مكانها قالو اه.
انا مضيت وبصمت من قبل مااكلم بابا وبابا زعقلي قالي ازاي تعملي كدا وهزقني. ووجوزي لما جه من الشغل قالي.انتي بتكلمي ابوكي تساليه هو انتي مش واثقة فيا. بس انا بصراحة مش بثق فيه لانو كتير هددني يتجوز عليا ف بصراحة خوفت يكون دا..
يتجوز عليا ف بصراحة خوفت يكون دا بيمضيني اني موافقة ع جوازو او اي حاجة. فيدوني لو سمحتوا وياريت ياادمن تنزلي البوست لان بقالي فترة بكتب منشوارات ومبتنزلش. بالله عليكي ياادمن نزليها قبل ماجوزي يرجع م الشغل عشان اعرف اردت عليه اقولوا ايه
تعدييييل
لما جه م الشغل جاب الورق معاه وقالي مش دا الورق اللي مضيتي عليه اهو وقطعو وعملها حكاية بقا وانتي مش واثقة فيا وامي جت وقالتلو
انت ازاي تمضيها علي ورق ابيض انت ترضي حد يعمل معاك حركة زي دي. انا بابايا ياجماعة كان علي استعداد يدخل جوزي السجن ف الحركة دي تعديييل كمان. بابا النهاردة اتصل ع جوز اختو اللي جه مضاني ع الورق وقالو انت ازاي تعمل كدا قالو انا غلطان قالو لو طلبتك تشهد ف اي وقت انك مضيتها بطلب من جوزها هتيجي
.
.
قالو طبعا هاجي. وبابا راح هيئة البريد النهاردة وسال عن اقرار الزمة المالية قالولوا احنا مطلبناش منو حاجة والزوجة ملهاش دعوة باقرار الزمة المالية بتاعة الزوج. قالهم جوزها ممضيها ع ٤ ورقات بيضة قالولوا لا طبعا مينفعش الكلام دا ودي مسؤلية عليه. وقالولوا لو في اي حاجة تعالي عرفنا. ابويا الحمد لله متعلم ومدير شؤن الطلبة ف الادارة التعليمية وكان مدرس تاريخ والحمد لله راجل فاهم ربنا سترها معايا
