قصة ما . تت فرحتي الجزء الثاني

عادل: أرجوكي متعيطيش دموعك بتحرق قلبي
مسحت مها دموعها وقالتلو :كمل
___________________________
عادل:كنت بحبك بجنون وكنت بخاف أتكلم معاكي أحسن حد يشوفنا ويفهم غلط كنت براقبك من بعيد وكنت عارف كل تحركاتك حتي لما كنتي بتروحي المصيف مع أهلك كنت بروح وراكي وكنت مسنتي الوقت المناسب اللي اجي أطلب إيدك بس حصلت حادثة فظيعة شقلبت حياتي أخر مرة كنا ف المصيف كنت مقرر إني أول مارجع هروح أطلب إيدك ولما نزلت ووصلت لحد بيتنا لقيت صويت ولما وناس كتير ودخان والمطافي والدنيا مقلوبة الناس بيقولولي البقاء لله كنت هتجنن

عادل بيعيط ومها كمان بتسمع وهي بتعيط
عادل يكمل: لقيت قصادي البواب إيه اللي بيحصل يا عمي حسين فين أهلي هما مش جوه صح
حسين البواب: البقاء لله يابني أنا كنت نايم بره علي البوابة علشان عارفك راجع النهارده وفجأة سمعت صوت صويت حاولت أدخل معرفتش النار كانت جامدة ومليه المكان جريت واتصلت علي المطافي والناس اتلمت بس للأسف فات الأوان والعيلة كلها كانت جوه مسنتينك علشان يحتفلو بعيد ميلادك شد حيلك يابني

عادل: أنا انهرت ودخلت المستشفى وفضلت ف المستشفى أربع شهور ولما خرجت عرفت أنك اتخطبتي وهتتجوزي كمان شهر
فقدت الأمل في كل شئ ورحت لأونكل جمال ساعدني

سفرت وكملت تعليمي وبقيت دكتور قد الدنيا وعرفت وأنا هناك حادثة أهلك ولما رجعت فضلت أسأل عليكي لحد ماعرفت أنك في المستشفى بتولدي رحت وشفت هناك اتنين تقريباً جوزك ومامتو وكانوا بيتكلمو عنك كلام متخلف وبيقولو إنك لو جبتي بنت هيرموكي أنت و هي في الشارع وستحملتش وكنت هتهور عليهم بس مسكت نفسي لحد ماولدتي ووقفت عند الباب وسمعت كل حوارهم معاكي ولما شفتك بتعيطي مستحملتش وجريت عليكي أواسيكي ولما نمتي جتلك رسالة علي التليفون تقريباً من جوزك بيقولك أنتي طالق مسحتها خوفت تشوفيها وأنتي تعبانة يحصلك حاجة ورحت دفعت مصاريف المستشفى وأنا راجع شفت حاجة غريبة جداً
خلتني أعمل حاجة أنا آسف بجد إني عملت كدا بس ياريت تسمحيني

__________________
مها بتعاطف:ياااااه أنت عملت علشاني كل دا كل دا علشاني أنا …. أنا اللي اتجوزت مصطفي وفي الاخر عمل فيا كدا ايوه إحنا مخدناش بعض عن حب واتجوزنا جواز صالونات و فترة الخطوبة مكنتش طويلة بس كان كويس في الأول ومامتو كنت بعتبرها ماما وفي الاخر يعملو كدا حسبي الله ونعم الوكيل ربنا ينتقم منهم موتو فرحتي منهم لله ماتت فرحتي بسببهم
مها بدأت تبكي وتقول :اااااه يابنتي موتي ليه وسبتيني
عادل:مها متعيطيش أرجوكي ربنا يعينك علي صدمتك فيهم وأنا هقف جنبك ومش هسيبك أما من نحيت بنتك فيه حاجة عاوز اقولك عليها الحاجة اللي أنا كنت شايلها دي تبقي..

_______________
طلع صوت من الاوضة التانية يقطع كلام عادل:واااااااء واااااااء واااااااء
مها:دا صوت طفل هو فيه حد هنا غيرنا بدأت تدور وتمشي ورا الصوت
وفجأة لقيت ……يتبع…
الجزء الثالث والاخير من هنااااااااااااااا

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .