وسالى قالت لدينا ان الشاب ده هتلبسه فى علا سلفتها ودينا قالت لسالى انا معاكى فى كل حاجه المهم ننتقم وسالى قفلت مع دينا الفون وخرجت من المطبخ ولقت ثروت على آخره وقالت يا ثروت وبكل خباثه قالت ثروت انت زعلان علشان طنط عملت ليه عمل علشان تفرق
ما بينا وثروت رد عليها وقال اه اكيد خايف على حبنا بس مضايق ان امى اللى حجه بيت ربنا تعمل كده انا تعبت ومش قادر خلاص وغير حكايه ولاء وعثمان وطفله تموت ظلم وكمان مروة مرات اخويا اللى تعمل كده بس سالى قالت فى سرها زعلان عليهم اوى كده ومش زعلان على ولادك اه ما انت من دمهم
ثروت : ايه ده انتى بتكلمى نفسك
سالى : لا ي حبيبى انا مضايقه على فرقه العيله ربنا يستر
وهما بيتكلموا علا وعبده دخلوا عليهم
علا: ايه اللى حصل مروة
عبده : متكلميش يا علا اسكتى.. ايه اللى حصل يا ثروت محمود ومروة كلمونا وقالوا انهم مشيوا وفى مصيبه حصلت
ثروت : بعدين يا عبده بس المهم الشركه والشغل دلوقتى
عبده : حاضر بس انا جعان اوى هى فين ماما
ثروت : فوق كانت تعبانه النهارده الضغط كان عالى
عبده : علا تعالى نطلع نشوفها
وفعلا عبده خد علا مراته وطلع يشوف امه
سالى : هما كانوا فين اصلا
ثروت : مش عارف بس اكيد عبده ومراته عند حماه
وسالى قالت فى سرها لازم تكتيك وترتيب وازاى الواد ده يدخل هنا وكمان تكون متلبسه لازم اخلص منكم واعيش انا وجوزى فى امان وأخلف ياااه نفسى فى طفل يقولى يا ماما
ثروت : انا طالع ابقى طلعيلى الاكل فوق
وفعلا وثروت طلع على اوضته وزعلان على حالهم اللى اتبدل
وسالى مسكت الفون وكلمت دينا واتفقت معاها ان الشاب ده لازم تشوفوا علشان تتفق معاه وقالت لها هى هتروحلها ويقابلوه مع بعض
وقفلت مع دينا وحطت آكل لثروت وخدت الصنيه وطلعت على فوق وهى طالعه قابلت سحر فى وشها
سحر : سالى كنت عاوزه اتكلم معاكى
سالى : حاضر بس مش دلوقتى علشان دماغى فيها ميت حاجه
سحر : ارجوكى انا مش عاوزه خالتى وصباح يمشوا من هنا ارجوكى كلمى ثروت
سالى : انتى عارفه ثروت صعيدى ودماغه حجر
سحر : شكرا
وسحر نزلت المطبخ تحضر اكل لخالتها واختها
وسالى طلعت الاوضه ملقتش ثروت موجود وقالت هو راح فين وسابت الصنيه وخرجت تشوفوا لقيته قاعد مع عبده وقالت فى سرها لما اروح اشوف علا بتعمل ايه وفعلا راحت لحد اوضتها وقالت دى مش موجوده سبحان الله انا اول مره اخد بالى من كل ده بس مش هسيب حق ولادى يا عيله رمه
علا : سالى منوره اوضتى
سالى : ده نورك يا حبيبتى مش ناوين تاكلوا معانا ولا ايه
علا : انا اكلت عند ماما انا وعبده
وسمعوا صوت دربكه بره والاتنين خرجوا وبصوا وتنحوا وشافوا حماتهم واخده صباح وماشيه وسحر واقفه تعيط
علا : رايحه فين يا ماما فى ايه
صباح : ماشين من هنا خالص هنروح البلد
وصباح خدت خالتها وخرجوا لان العربيه مستنايهم قدام الڤيلا
ودقت الساعه 8 بالليل والڤيلا ساكته وسالى قاعده تفكر هتتخلص ازاى من علا وعبده وقالت حماتى العقربه مشيت والبيت بقى هادى ورايق وكمان علشان اروق لموضوع علا وتكتك بضمير ودخلت اوضتها ولقت ثروت نايم ومأكلش وقالت ثروت انت مأكلتش
ثروت : ماما صعبانه عليه
سالى : حبيبى نام دلوقتى يومين وانا هكلمها ترجع ?
ثروت : انتى بنت أصول فعلا على الأصل دور ♥️ بحبك اوى
سالى قالت فى سرها اه بنت أصول علشان ارجع امك العقربه لو كانت امى إللى عملت فيك كده كنت قلبت الدنيا على دماغى
.
.
وثروت نام وسالى قامت اتسحبت ونزلت تحت وخدت الفون اللى دينا كانت مشترياه ليها وقالت لازم اشتغل على علا بس لازم اغير الخط عموما انا هكلم دينا تخلى الواد ده يرن عليها طول الليل لازم عبده يشك فيها وفعلا كلمت دينا وطلبت منها ان الشاب يكلم علا ويرن عليها بس ولو رددت ميردش عليها وفعلا حصل وكلمت دينا وكمان دينا خدت رقم علا وادته للشاب والواد ابتدى يشتغل ولما الساعه عدت 12 بالليل بقى يرن عليها وفى مره عبده رد عليه والشاب قال الو وقفل
وسالى طلعت تنام وسمعت عبده بيتخانق مع علا وقالت دى ولعت على الأخر عقبال ما تغورى من هنا انتى كمان
ودخلت سالى تنام ولما دخلت ونامت قامت الفجر تشرب سمعت سحر بتكلم اختها صباح فالفون وقالت دول ملهمش لازمه لما انام احسن وفعلا نامت وفى صباح اليوم التالى اول لما سالى صحيت استأذنت من ثروت وقالت إنها هتخرج تروح لدينا وثروت وافق وفعل راحت لدينا البيت وخدتها ونزلت واتفقت مع الشاب وكان اسمه عصام على كل حاجه وطلب فلوس مقابل العمليه دى وقامت سالى راحت الڤيلا وعملت الخطه مع عصام ودينا على علا واول ما دخلت الڤيلا لقت سحر بتتكلم مع ثروت وبتعتذر على موضوع صباح مع سالى
بس سالى مشغوله ب علا وطلعت على اوضتها ومتفقه على الخطه ومستنيه اللحظه الحاسمه
ودقت الساعه 9 بالليل وثروت من نفسيته المدمره بقى ينام بدرى
ثروت : انا هنام انا حاسس ان اليوم روتين واحد انا زهقان
سالى : اطلع نام انا قاعده
وفضلت سالى قاعده ومسكت بطنها وقالت اه بطنى بتتقطع انا بموت وعلا وثروت وسحر وعبده نزلوا
علا : مالك يا سالى خير يا حبيبتى
ثروت : مالك يا حبيبتى
سالى : شويه مغص ربنا ما يحرمنى منكم
سالى : انا طالعه انام وثروت طلع معاها وهما طالعين عبده قال انا خارج
ثروت : دلوقتى رايح فين
عبده :لما ارجع هقولك
وسالى قالت كويس بس لازم اخلى علا تطلع من الاوضه وقالت ثروت حبيبى انا هروح اققعد مع علا شويه وفعلا راحت تقعد مع علا فى اوضتها
علا : لسه عندك مغص
سالى: شويه
علا : هنزل اعملك نعناع
سالى : ياريت
وفعلا نزلت وسالى قامت اتأكدت انها نزلت وقامت فتحت دولاب علا وخدت قميص نوم ورمته من الشباك…
وسالى رمت القميص من الشباك وقعدت مكانها ومسكت بطنها وعلا عملت النعناع ودخلت على سالى الاوضه وقدمت النعناع ليها بس سالى قاعده قلقانه عاوزه تنزل الجنينه تجيب القميص علشان محدش يشوفوا وفضلت تقول اه يا بطنى
.
.
علا : لسه تعبانه يا حبيبتى
سالى : الحمد لله
علا : ممكن تكونى حامل خلى بالك
سالى : ههه انا خلاص مش قادره احمل وأخلف تانى علشان يموتوا
علا : متقوليش كده دى حكمت ربنا
سالى قالت فى سرها كله بسببكم ربنا ينتقم منكم كلكم
سالى : انا هقوم بقى
وفعلا سالى قامت وفتحت الباب وبصت وراها وقالت انتى هتنامى امتى يا علا بس علا قالت انا سهرانه شويه وسالى قالت ماشى لو بقيت كويسه يمكن اجى اققعد معاكى شويه
علا : تنورى
وسالى نزلت جرى على الجنينه واتصلت بعصام وقالت له نفذ الخطه اللى قولتلك عليها دلوقتى لان فعلا الوقت مناسب وعبده مش موجود وسالى فضلت واقفه فالجنينه مستنيه عصام وفعلا عصام متأخرش وسالى خرجت فتحت بوابه الڤيلا ودخلت عصام الڤيلا ومن ضمن الخطه ان عصام هيجيب برشام هلوسه لسالى وطبعا لأنه شاب ومش سهل وفاهم فالحاجات دى وقال لسالى تاخد البرشام تحطه فى اى مشروب وسالى معاها قميص نوم علا
.
.
سالى : بقولك استنى هنا ولما اققولك تطلع تنجز وانا سايبه باب الڤيلا موارب ادخل على طول واطلع على السلم اللى يقابلك الاوضه التالته والباب لونه اسود تمام
عصام : اه فهمت زى الڤيديو اللى فيه شرح الڤيلا
سالى : اه زى الڤيديو اللى قولتلك عليه يوم ما شرحتلك الخطه
سالى : امسك قميص النوم ده وهات برفانك
وفعلا عصام طلع البرفان بتاعه وطبعا سالى اللى منفذه الخطه كلها وقايله يشترى برفان
عصام : البرفان اهو
وسالى قالت لعصام خد قميص النوم ده وغرقه برفان
وفعلا عصام غرق القميص برفان والخطه ماشيه مظبوطه
وسالى دخلت الڤيلا وجريت على المطبخ وقالت هى بتحب الليمون فريش انا هعمله واطلع اسهر معاها وفعلا سالى عملت الليمون وحطت فى برشام الهلوسه لعلا وطلعت على اوضتها ولقت علا بتكلم عبده وعرفت انه جاى فالطريق وقالت فى سرها انا لازم أنجز يأما انكشف
علا : سالى تعالى
سالى : انا عملت ليمون فريش اللى بتحبيه
علا : حبيبتى كتر الف خيرك تسلمى شكلك بقيتى كويسه
سالى : الحمد لله خودى اشربى
.
.
وعلا خدت الكوباية وشربت الليمون وفضلت تتكلم مع سالى لحد ما اعصابها سابت وطبعا عبده فالطريق راجع وعلا ابتدت تخرف فالكلام
وسالى اتصلت بعصام يطلع وفعلا عصام دخل الڤيلا ولقى الباب موارب وفى ايده قميص علا وبينفذ خطه سالى ومن ناحيه تانيه سحر كانت قاعده فى اوضه خالتها ومضايقه علشانهم وقالت انا هقوم اكلم ثروت تانى ومن ناحيه تانيه علا مع سالى وعلا خلاص راحت منها وسالى زى الشيطان وفرحانه لان خلاص الشيطان سيطر عليها وسحر خرجت من اوضه خالتها شافت باب اوضه علا مفتوح وقالت
غريبه وقربت من الباب وكان فى نفس الوقت عصام طالع على السلم وفى ايده قميص علا اوبااا اااا سحر خبطت فيه وقالت انت مين ومسكته وقالت الحقونى حرامى حرامى وهنا بقى حصلت المصيبه سالى خرجت وثروت قام مفزوع يجرى ويشوف فى ايه وسالى اتسمرت مكانها وشافت عصام سحر مسكاه والبواب كمان طلع ومسكوه ومقدرش يفلت منهم
.
.
ثروت : ايه ده انت مين
عصام : انا انا مش حرامى وربنا
ثروت : انطق ايه اللى جابك
سالى : انت مين يا جدع انت
عصام : انا مين يا سالى انا عصام ولا نسيتى
وعبده وصل والدنيا خربت
عبده : ايه ده فى ايه انت مين
سالى : معرفوش
عصام : كذابه انا هقول على كل حاجه وابتدى يحكى عرف سالى ازاى وطلع الڤيديو اللى سالى مصوراه بنفسها وبتشرح بصوتها الڤيلا واوضه عبده فين
علا : انتوا مين ????
عبده : مالك يا علا
عصام : هى واخده برشام هلوسه حضرتك سالى حطته ليها علشان تلهوث وانا ادخلها الاوضه
ثروت عرف مؤامره سالى على عبده وعلا وقال لعصام يلا أمشى غور من هنا وعصام ساب القميص من ايده وجرى وطبعا ثروت مش مصدق وقال انتى يا سالى تعملى كده انا مرضتش احبس الواد خوفا عليكى
سالى : اه انا عاوز تعرف حاجه تانى
علا : ثروت تعالى يا حبيبى
عبده : اسكتى
ثروت : غصب عنها
وثروت قال لعبده ارجوك خد علا اغسلها وشها وفوقها وهتبقى كويسه
عبده : انتى يا سالى حسبى الله ونعم الوكيل عاوزه تتهمى مراتى فى شرفها علشان اققتلها ونروح فى داهيه ونمشى من هنا زى اخواتى محمود وعثمان منك لله منك لله
ثروت قولتلك خد علا دلوقتى
وفعلا عبده خد علا وغسل وشها وطلع على اوضتهم
ثروت : انتى تعملى كده
سالى: اعمل ايه انا يوم ما لبست فستان فرحى لبست كفن ولادى ليه نصيبى كده ? حتى يوم دخلتى اكيد انت فاكر لما حماتى أمرت تنام لوحدك بعيد عنى فى اكتر ليله البنت بتقعد فيها مع حبيبها واجمل ليله فى حياتها واستحملت وغير ولادى اللى اتقتلوا
ثروت : اتقتلوا انتى مجنونه اسكتى دى حكمه ربنا
سالى : حكمه ربنا مش هنا فى بيت غير ده
بس ثروت رد عليها وقال يعنى ايه
سالى : عارف انا شوفت بعينى مروة بترمى چنه فالبسين ? ملحقتهاش بس فضحتها قدامكم كلكم اللى ترمى طفله ممكن تقتل ولادى وبعدين ولاء دى خانت جوزها اوعى تفتكر انه عادى كان لازم تتفضح واخوك عثمان حرامى وسرقكم وربنا اللى عمل فيهم كده علشان كدابين وبيقتلوا العيال منهم لله محدش بريئ هنا
ثروت : بقولك اسكتى
سالى : انت جبان واكيد زيهم ما انت من دمهم ما هما اهلك
ثروت مسك سالى وقالها انتى كده ظالمه
سالى : انا مش ظالمه ده قلبى اللى دلنى صدقنى يا ثروت ولادك اتقتلوا البيت ده كله ظلم انا مظلمتش حد انا بس كشفتهم
ثروت : انا ندمان على كل لحظه عشتها معاكى حتى لو هما قتلوا سبيهم لربنا هو هياخد حقهم ربك يمهل ولا يهمل يا سالى يا حبيبتى ?
سالى : اه وحقى وحتى مامتك بتعملى عمل
ثروت : يا بنت الناس خلصت لحد كده انت انتقمتى بنفسك وانا مش هعيش مع واحده بتحب الانتقام ربنا مقالش كده انت طالق طالق
سالى : ???????
ثروت مسك سالى من ايدها ورماها بره الڤيلا وسالى وهى خارجه مكنش على لسانها غير كلمه واحده ولادى اتقتلوا انا مش كذابه ولادى اتقتلوا
وخرجت سالى من البيت وثروت قفل باب الڤيلا والمره دى سالى اتهزمت وسحر قالت لثروت ما قولتلك من زمان دى مش هتنفعك بس ثروت طلع على اوضته وقعد على السرير وفضل يعيط على ولاده وعلى خداع سالى لى وصوت سالى فى ودانه ولادى اتقتلوا فالبيت ده وثروت قال اتقتلوا معقول لا لا دى انسانه كذابه عاوزه تشككنى فى أهلى بس غصب عنه مسك الفون واتصل بدكتوره تشريح مرات صاحبه وقالها هو انا ممكن اعرف ان ابنى اتقتل ولا
ميت موته طبيعيه بس قالت لازم تصريح من النيابه وبلاغ الأول انك بتشكك فى موت ولادك وانا هتصرف……
رواية جوازه مش طبيعية. الجزء الخامس الأخير
.
.
.
.
