رواية عذراء ولا ادري 1 & 2

انتهت مراسم الزفاف وصلت شوق وعصام الي عشهما الصغير ليكملا مع بعضهما البعض قصة حب جميلة انتهت بالزواج رفض ان تدخل علي قدميها فحملها علي يدية ودخل بها الي غرفة النوم تمني ان تبقي هكذا ولكن طلبت منه ان ينزلها علي الارض قالت له .. بحبك وهفضل احبك لحد اخر لحظة في عمري .. قبل يديها قائلا .. وانا عمري ما اتمنيت غيرك يا اجمل حلم حلمته .. دمعت عيناها ووضعت رأسها علي صدرة وقالت له .. انت اول حب في حياتي صحيح بس كان نفسي تكون اول راجل يلمسني كان نفسي عذريتي تضيع علي ايديك انت بجد

انا ندمانه اني مقابلتكش من زمان .فرفع راسها ومسح دموعها برفق خشية ان تجرح اصابعه خدها الرقيق وهمس في اذنها قائلا .. وايه يعني انا برضوا الكسبان .. اللي قابلي اخدوا حاجة عاديه متعة للحظة وبتنتهي لكن انا اخدت قلبك اللي هيفضل يحبني ويمتعني طول عمره ودا المهم عندي وظلت تداعبه ويداعبها وبعدها كانت المفاجأة ..قال لها في دهشه شديدة .. ايه ده ؟!! انتي لسة عذراء ؟!! فقالت له في
تعجب وحيرة .. عذراء ؟!! طب ازاي ؟!!

عصام .. ازاي يا شوق انتي متجوزة مرتين قبلي ولسة عذراء ؟!!
شوق.. صدقني بجد مش عرفة يا عصام !! انا متلخبطة بجد
عصام .. يعني ايه يا شوق انتي قلتي انك مش عذراء معني كلامك ان كانت في معاشرة بينك وبين ازواجك اللي قبلي
شوق .. صدقني يا عصام مش عرفة انا متلخبطة بجد .. بس انا متأكدة اني مش عذراء ..

عصام.. اوعي تكوني خبيتي عليا عشان تعملهالي مفاجأة ؟!! انتي عرفة انا ميفرقش معايا الموضوع ده خالص انا واخدك وعارف انك متجوزة قبلي مرتين
شوق .. لا يا عصام مش مفاجأة انا كان في معاشرة جنسية بيني وبين الزوجين اللي قبلك
عصام .. ازاي وانتي لسة عذراء ؟!!

شوق .. ما هو ده اللي هيجنني !!! انا ازاي عذراء وانا كنت متجوزة قبل كدا!!!
عصام .. شوق في سؤال انا محبتش اسألة قبل كدا لكن معلش لازم اسألة
شوق .. قول يا حبيبي
عصام .. هو انتي اتطلقتي لية مرتين؟

شوق .. ايه .. طب انت ليه بتسأل السؤال ده دلوقتي ؟!!
عصام .. سؤال عادي جه في دماغي
شوق .. بس احنا خلاص اتجوزنا وانت وعدتني مش هتسألني عن الماضي
وفجأة يرن محمول عصام

عصام .. الو
المتصل .. هههههههه .. الف مبروك يا عريس شربت العروسة خلاص
عصام .. مين معايا ؟!!
المتصل .. مش مهم تعرف انا مين .. بس اللي عاوزك تعرفة انك بقيت المغفل رقم ٣

عصام .. انت بتقول ايه ؟!! انت مين ؟!!
المتصل .. اسأل مراتك مخبية عنك ايه .. وان مقلتلكش اسأل حماتك .. الا قلي هو انت فرحان ان شوق طلعت لسة عذراء مع انها متجوزة مرتين قبل كدا ولا زعلت … هههههههه
ثم يغلق الخط

شوق .. مين كان بيكلمك يا عصام

عصام غاضب بعد تلك المكالمة التليفونيه من شخص مجهول
شوق .. بقلك مين يا عصام كان بيكلمك ؟!! ومالك وشك اتغير ليه بعد المكالمة ؟!!
عصام .. دا واحد بيقلي انك شربت العروسة وبقيت المغفل رقم تلاتة وهل انا مبسوط او لاء لانك كنتي عذراء .. مين دا شوق ؟!!
شوق .. وانا اعرف منين !!!

عصام .. بس دا واحد عارف انك كنتي عذراء !!! احتمال يكون زوج من ازواجك السابقين
شوق .. معرفش
عصام .. وايه حكاية شربت العروسة واني بقيت المغفل رقم ٣ ؟!!
شوق .. معرفش كنت سألته!!

عصام ..سألته وقالي اسأل مراتك ولو مجاوبتش اسال حماتك.. ايه الحكاية بالظبط يا شوق ؟!! ايه اللي مخبياه عني ؟!!
شوق .. مش مخبيه عنك حاجة انا حكتلك علي كل حاجة ولما حبيت احكيلك عن جوزاتي السابقة انت اللي رفضت تعرف وقلتلي ميهمنيش اللي فات احنا ولاد انهاردة مش دا كلامك ؟!!
عصام .. ايوة بس انتي خبيتي عني انك عذراء .. ومين البني آدم اللي كلمني دلوقتي ويقصد من كلامة ايه بالظبط ؟!!

شوق .. قلتلك معرفش مين دا .. وبالنسبة لموضوع اني ما زلت عذراء انا معرفش ازاي دا حصل انا عرفة كويس ان كان في علاقة حميمية ببني وبين ازواجي اللي فاتوا واني مبقتش عذراء
عصام .. يعني ايه يا شوق ؟؟! رجعتي عذراء مع نفسك كدا .. دا كلام منطقي ؟!!
شوق .. صدقني يا عصام مش فاهمة ايه اللي حصل .. انا اتفاجأت زيك بالظبط ومس فاهمة ايه الحكاية

عصام .. طب انتي اتطلقتي ليه مرتين ؟!!
شوق .. قلتلي قبل الجواز ميهمنيش اعرف السبب فملوش لزوم تعرف بعد الجواز حاسبني من لحظة ما بقيت مراتك
عصام .. بس انا لازم اعرف ايه الحكاية بالظبط في لغز في الموضوع
شوق .. للأسف معنديش اجابة للغز اللي محيرك

عصام .. بقي كدا ؟!! ماشي يا شوق حاضر
ثم يتركها وينصرف وشوق في حيرة من امرها وتحادث نفسها قائلة .. وبعدين بقي دا اللي كنت خايفة منه .. منك لله يا عاطف ثم ترفع شوق سماعة التليفون الارضي وتطلب امها
ام شوق .. خير يا شوق تمت الدخلة علي خير ؟!!

شوق .. الحمد لله يا ماما .. بس في مصيبة حصلت
ام شوق .. خير يا بنتي مصيبة ايه بعد الشر
شوق .. حمدي عرف اني انا عذراء .. ودلوقتي بيقلي انتي كدبتي عليا وعايز يعرف ايه الحكاية وبعدين جاله تليفون تقريبا من حمدي الزفت
جوزي اللي قبله وقاله كلام ضايقة .. ودلوقت حاسس اني انا مخبية عنه حاجة

ام شوق .. انا قلتلك يا بنتي قليلة الحقيقة لانه هيضايق لما يعرف وبعدين جوزك اللي قابلة نفذ تهديدة واهو قاله اهو .. كويس كدا ؟!!
شوق .. هو انتي عاوزاني اقله ازاي اني عذراء وانا مش عذراء ؟!! ازاي اكدب عليه ؟!!
ام شوق .. تاني يا بنتي !!! يا بنتي انتي عذراء واديكي شفتي بنفسك مش عايزة تصدقي ليه بس ؟!!
شوق .. ما هو دا اللي محيرني ازاي انا عذراء وانا كنت متجوزة من اتنين قبله!!! وكانوا عندهم شراهة جنسية كمان دول كانوا بيغتصبوني يا ماما

ام شوق .. هترجعي يا بنتي تقولي الكلام دا تاني ؟!!
شوق .. مش دا اللي حصل ؟!!
ام شوق .. لا .. دا حصل في دماغك انتي وبس
شوق .. يعني ايه ؟!!

ام شوق .. يعني ربنا يستر وميعرفش الحقيقة .. ساعديني يا بنتي ارجوكي وطلعي الحكايات دي من دماغك ارجوكي لجوزك يعرف الحقيقة وبالتأكيد هيطلقك
شوق .. قصدك يعرف اني …. لا ياماما اوعي تقوليله انا بحب عصام ومقدرش ابعد عنه .. دا انا هموت لو بعد عني لحظة.
ام شوق .. ربنا يستر يا بنتي ويجيب العواقب سليمة ..

شوق تغلق الخط وتفكر لبرهه وفجاة يدخل عصام وقد استمع الي الحوار من سماعة تليفون غرفة النوم
عصام .. انا سمعت كل كلمة
شوق مرتبكة .. ايه !!!!
شوق .. انت سمعت ايه بالظبط ؟!!

عصام .. انا سمعت كل كلمة قولتيها .. انتي فعلا مخبية عني حاجة !!! انتي بتكدبي عليا يا شوق ؟!! يبقي الراجل اللي كلمني من شوية مش كداب وانتي في سر كبير في حياتك وانا فعلا المغفل رقم ٣ زي ما قال
شوق .. لا انا مخبتش عنك حاجة انت اللي طلبت متعرفش الماضي ولو كنت سألتني انا كنت هجاوبك علي كل حاجة .. اقسملك بالله مافي اي سر في حياتي ابدا

عصام .. امال كلامك انتي وامك دا ايه ؟!! وامك خايفة اني اعرف ايه بالظبط ؟!! وايه هو الشئ اللي انا لو عرفته عنك هطلقك ؟!! قولي يا شهد ايه الحكاية ومين حمدي ده وكان بيهددك بإيه وليه ؟!!
شوق .. بص انا هقلك علي كل حاجة .. انا جوزي الاولاني كان اسمه علاء كان وحش في صورة انسان وانا كنت زي اي بنت خايفة عادي من موضوع الدخلة وكدا يعني وبدال ما يعاملني برقة ويصبر عليا جه بعد يومين من الجواز قام مكتفني بحبل وفضل يغتصبني ولا كأني مراتي

حاجة تقرف الحواز عنده سرير وبس كرهته وطلبت منه الطلاق وبعد ما اتطلقت كرهت حاجة اسمها جواز لحد ماجه حمدي ده بعدها بسنة وماما وبابا غصبوا عليا اتحوزه لانهم شايفين ان هو العريس المناسب وفعلا اتجوزته وطلع وحش تاني كان بيضربني كل يوم بدون سبب وكان بيطلب مني حاجات فظيعة خلتني اكره نفسي قبل ما اكرهه وطلبت الطلاق وطلقني بالعذاب وقالي لو اتجوزتي بعدي هفضحك وهقول كلام
مش فيكي وافضل ورا جوزك لحد ما يطلقك .. اوعي تسمع كلامه يا عصام اوعي تصدقه في حاجة انا بحبك ومقدرش اعيش من غيرك ثم

تبكي

عصام يمسح دمع عينيها وفي دهشة شديدة مما تقصه عليه احس بأن هناك شئ ما خطأ
عصام .. بس ازاي الكلام اللي بتقليه دا حصل .. وانتي لسة عذراء ؟!!
شوق .. يوه بقي انت مش عاوز تصدقني ليه ؟؟! انت ليه زيهم ؟!! انتوا كلكم مكدبيني ليه ؟!! ليه محسيسني اني انا الغلط وانتوا الصح ؟!! علي العموم انت قلتك الحقيقة وتصدق متصدقش انت حر يا عصام

شوق تتركه وتنصرف عصام بدأ يدرك ان هناك شئ ما خطأ فقام بالاتصال علي امها
ام شوق .. ايوه يا عصام خير
عصام .. انا عاوز اعرف ايه الحكاية بالظبط ؟؟ فيه ايه مخبينوا عني ؟!!
ام شوق .. مفيش يا بني

عصام .. انا سمعت كلامك مع شوق من شوية .. فبلاش تنكري احسن
ام شوق .. لا حول ولا قوة الا بالله .. انا جايالك يابني وهقلك علي كل حاجة وانت صاحب القرار.. بعد قليل اخر جزء مش هنزل بيه غير
حضرت ام شوق وجلست مع عصام سويا في حجرة الصالون
عصام .. قوليلي بقي ايه السر اللي انتوا مخبينوا عني

ام شوق .. بص يا بني انت من حقك تعرف كل حاجة وكان المغروض نقلك قبل الجواز بس لما لقينا شوق بتحبك وروحها وان هي بقت احسن بكتير علي ايديك زائد اصرارها اننا منقلكش عشان متسيبهاش قلنا نخبي عليك حالتها بس والله شوق بقت زي الفل والفضل يرجع ليك انت
عصام متعجب .. شوق مالها يا حماتي ؟!!
ام شوق .. بصراحة شوق عندها حاجة بيسموها كدا فصام ذهاني دايما بيتهيئلها حاجات مبتحصلش وكمان بتشك في كل اللي حواليها

وصعب تطمن لحد بس والله خفت وانت ساعدتها كتير بطيبة قلبك وحنيتك عليها واهتمامك بيها
عصام .. هو ده السبب اللي خلاها تطلق مرتين ؟!!
ام شوق .. صدقني احنا مكناش نعرف غير لما اتجوزت جوزها الاولاني ولقيناه بيتصل ليلة الدخلة وبيقول انه لما حاول يقرب منها لقيها اتشنجت وقعدت تصرخ وتقول عاوز تغتصبني ليه .. فكرها بتمثل عليه او بتدلع عليه واحنا تصورنا كدا وقلناله سيبها براحتها لحد ما تتعود عليك

ولكن هو مقدرش موقفها او مكنش فاهم حالتها زينا فجاب حبل وكتف ايديها ورجليها وكان عاوز حقة منها بالعافية وفضلت تصرخ لحد ما اتلموا الجيران وروحنا ولقيناها بالمنظر البشع ده وكأنه رابك بهيمة مش بني آدم ابوها اتضايق وهي مرديتش تقعد لحظة واحدة معاه وطلبت الطلاق وبالفعل اتطلقت فضلت معقدة بعدها كرهت الجواز وسيرته لحد ماجه حمدي اللي كلمك جوزها التاني وساعتها احنا اللي جوزناها بالعافية وكررت نفس الموقف ورفضت يلمسها وقعدت تبكي وتصرخ وهو بدال ما يطبطب عليها فضل يضربها وحاول يعتدي عليها بالعافية فقطعت وشه

بضوافرها وفتحت الباب وجريت علي بيت ابوها ساعتها اتأكدنا ان في مشكلة حقيقية وديناها لدكتور نفسي فقال ان عندها رهاب وفصام ذهاني كانت تصحي من عز النوم وتصرخ وتقول علاء وحمدي اغتصبوني الحقيني يا ماما وفضلت ماشية علي العلاج لحد ما انت ظهرت في حياتها بدأت تحبك وبدات تنسي العلاج شوية بشوية لحد ما اتجوزتوا ولما كلمتها قالت ان الدخلة تمت علي خير ساعتها عرفت انها تفريبا خفت لأنها قبلت انك تلمسها بس لما عادت قصة اغتصبوني وانها مش عذراء بدأت اقلق تاني واحس ان هي لسة مخفتش بس صدقني يا

عصام بنتي خفت علي ايدك وشفاها بالكامل علي ايديك انت
عصام .. طب ليه مقولتليش انها عذراء ؟!!
ام شوق .. ازاي اقلك انها وهي بتقول انها مش عذراء هتقول ايه ساعتها ؟!! اكيد هتشك .. صدقني يابني بنتي لو مجنونة مش هجوزهالك بس من فينا يضمن صحته ؟!! بس والله خفت عن الاول بكتير وكفاية انها بتحبك والدليل انها خلتك تقرب منها وبعدك عنها هيكون نهايتها بجد

.. احنا غلطنا اننا خبينا عليك بس متعالجش الغلط بغلط اكبر اصبر عليها ولو مخفتش طلقها وانت صاحب القرار .. الام تبكي ثم تنصرف
عصام يفكر قليلا ثم يدخل علي شوق غرفة النوم وشوق في حالة من القلق والخوف والترقب الشديد
شوق .. ايه خلاص عرفت الحقيقة ؟!! هتعمل فيا ايه ؟!! هتكتفني وتعذبني زيهم ولا هتقتلني يا عصام ؟!!
عصام يمسح بيده علي وجهها برفق وحنية شديدة وشوق تستمتع بملمس يده الناعم ثم يقبلها في جبينها ويبتسم قائلا

عصام .. انا قلتلك قبل كدا انك حلم عمري اللي ياما حلمت بيه عايزاني بعد ما يصبح حقيقة والاقيكي جمبي في حضن قلبي عاوزاني اسيبك بسهولة!!!
شوق .. يعني مش هتطلقني يا عصام ؟!!
عصام .. لا يا شوق معاكي لاخر العمر

شوق .. يا حبيبي يا عصام وتحضنن بشدة ثم تقول .. يعني مش زعلان اني طلعت مش عذراء
عصام ..تاني يا شوق!!!!
انتهت

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .