اريد حلا .. هذه قصة مؤثرة لإحدى السيدات التي ارسلتها على صفحاتنا وتبحث عن حل بعدما ضاقت بها كل السبل..
.
.
.
.
أنا متزوجة عروسة جديدة من سنه و شهر مكنتش اعرف ان جوزي عنده مرض العنه مرض عضوي في الزواج و اخواته كلهم عارفين و اخدته غش و اخوه الكبير راجل علي الستين سنه شربني مايه و قال لي دي مايه زمزم و مكنتش مايه زمزم كان مايه مسحورة علشان اعيش مع زوجي بالغش .
و مش بس كدا جابولي مشايخ في البيت علشان أنا أتوه و الشيخ كل شويه يقولي أنتي لسه متهوتيش و الحمد لله متهوتش لأني بصلي و بقرا قرأن صبرت عليه وكشفت له عند دكاتره ذكوره مفيش فايدة للعلاج طلبت منه حقن مجهري رفضت الدكاتره اللي كان بيتعالج عندهم اتوصالوا معي و قالو لي دا عامل عمليه قبل الزواج و العملية دي مقليش عليها .
أنا عمري ما ظلمت حد وهو غشني و ظلمني و أخد ملابسي و مش بس كدا مش عايز يطلقني بالمعروف بيكدب في المحكمة و بيقول أنه مش امضتي علي القايمه رغم ان هو و اخواته ماضيين.
طيب يا شيخ حاجتي اللي عنده في جهازي متكلفه فوق ال 200 ألف جنيه يعني نفترض إن القاضي وافق علي أن فعلا مش أمضته رغم أنها ورقه رسميه صحيحة نفترض مثلا أكل حقي قابل علي نفسه يأكل مالي و حقي دا ظلم.
معندوش شخصيه أخواته بزوجاتهم متحكمين فيه و في حياتي و خلوه أنه يطردني بدون وجه حق بعد ما كنت في زيارة عند أهلي و مروحة بخبيز العيد أخد مني الخبيز و فضل يخبطه في الأرض و جابلي ورق ابيض كتير و عايزني امضي عليه بس أنا رفضت طردني في رمضان بالليل الساعة 2 بشبشب الحمام رغم أن معملتش حاجه ليه .
.
.
و لما طلبت علي لبسي خارجي و داخلي دا ملوش حق فيه اصلا بتوعي هو مجيبهمش رفض يديني لبسي معيش غير فستان واحد رغم جهازي اللي أهلي مكلفيني ب 200 ألف جنيه مرضيش يديني جهازي ولا يسبني حط قفل كبير علي باب الشقة
رفعت قضيه طلاق للضرر دخل عليا بطريقه غير شرعيه بإصبع يده لا سابني بنت بنوت ولا زوجه يرضي مين دا اعمل ايه علشان استرد حاجتي موقف محامي قصادي ميعرفش ربنا متعلقه بلبسي جامد و مش عارفه اشتري لنفسي لبس بطريقه غبية اكتر من جهازي المتكلف كل الناس بتقولي مش هتقدري تاخدي لبسك تاني انسيه واخلعي بالطلاق و القايمه و خلاص طب ما لبسي دا مش مكتوب في القايمه أصلا
وسألت في دار الإفتاء قالوا من حقي أخد حاجتي كلها كاملة علشان الضرر اللي تعرضت له بس هو بيحاول في المحكمة يسقط القايمه و لا راضي يطلق .
.
.
شاركوا معنا بالتعليقات في حل لهذه المشكلة ..
