حور متقدملك عريس
_ماما مش هيوافق ع شروطي و هيطفش زي ال30 اللي قبلوا.
خلاص بقا عشان خاطري قومي اجهزي.
قومت و سمعت كلام ماما جهزت و صليت عشان كنت متوتره، الجرس رن عرفت انهم وصلوا. قعدوا يتكلموا شويه و بعدين ماما جدت خدتني.
_اهلا اهلا بعروستنا
_اهلا بيكي ي طنط
.
.
.
.
قاعدوا يتكلموا ف حاجات كتيره وانا كنت ببص للارض.
فجأة سمعت ماما بتقول لمامت العريس.
_تعالي افرجك ع الشقه و نسيب العرسان مع بعض.
مشيوا و مفضلش غيري انا و هو.
_اسمي يحي وانتي.؟
_حور.
_عايزة تسالي عن حاجه.؟
_اه، بتصلي.؟ بتحفظ قرأن.؟
_اهه الحمدلله
_انا عندي طلب عايزة الخطوبه تكون شرعيه اللي هو طول مااحنا مخطوبين مالكش الحق انك تقولي بحبك او تلمس ايدي او نخرج مع بعض منغير ما يكون معايا صحبتي او ماما و لو هترن يبقا بترن عشان تطمن وبس.
_لقيته قام ووقف و قالي هبعتلك ردي مع ماما و نده لمامته.
اليوم خلص و ماما طبعا قاعدة تزن عليا عشان اوافق.
عدا اسبوع و لقيت ماما بتقولي اصحي ي حور، عشان نحدد معاد الخطوبه، طبعا مش هقدر اوصف فرحت ماما.
صحيت وصليت و فطرت و كالعاده ع الشغل.
ماما كلمت مامته و قالتلها ع معاد الخطوبه يوم الجمعه و هتبقا ع الدايق احنا و هما بس.
جهه يوم الجمعه، طبعا ست الحسن و الجمال اكيد هتعمل حمله نضافه ع البيت قبل ما العريس يجي هو ومامته، خلصنا تنضيف البيت و عملنا الاكل و العريس و مامته وصلوا، جهه معاد تلبيس الدبل، كان بيمد ايدوا عشان يلبسني الدبله، بصتله و اعتقد هو فهم بصيتي جدا ساب الدبله و انا لبستها لوحدي، كنا
محددين الخطوبه سنه و نص ع ميجهز الشقه و انا اجهز حاجتي و اهي تكون فتره نعرف بعض فيها كويس.
عدا اسبوع بعد الخطوبه كان بيكلمني كل يوم يطمن عليا و ع ماما المكالمه مبنا مكنتش بتعدي ال 5 دقايق.
.
عدا شهر ونص و كان جاي يتغداء عندنا هو و مامته، اتغدينا و قاعدنا و فجأة بدون مقدمات بيقولي
_انا مش هقدر اكمل، انا مش حاسس اني مخطوب، مينفعش حتا اقولك بحبك مينفعش المس ايدك، ابسط حقوقي مش عارف اخدها.
_لحظه هو انت جوزي عشان يبقالك حقوق.
_كنت هبقا جوزك ي حور
قومت منغير ولا كلمه جبت الدهب و الكام هديه اللي كان جبهم.
ادتلوا الحاجه و مشي هو و مامته.
لقيت ماما بتحضني و كانه بتعتذرلي ع كل اللي حصل.
عدا اليوم بكل حاجه فيه.
.
.
.
صحيت تاني يوم صليت و فطرت و نزلت ع الشغل.
مكنتش متاثره، كان عندي اقتناع ان ربنا هيعوضني خير و ان اكيد يحي مكنش خير ليا.
عدا وقت طويل و مكنتش بوافق ع اي عريس مش عشان خايفه ليحصل نفس اللي حصل لا كنت بصلي استخاره و مكنتش ببقا مرتاحه. الوقت عدا وبقا عندي 29 سنه و كنت دايما بسمع ماما تقولي
_يبنتي عايزة افرح بيكي، عايزة اشوف عيالك، ف عريس هيتقدملك النهارده وافقي عشان خاطري.
_إن شاء الله ي ماما
سبتها و نزلت روحت شغلي.
.
سبتها و نزلت شغلي.
وصلت الشغل و مكنتش عارفه اركز استاذنت من الشغل و فضلت ماشيه ف الشارع شويه بفكر ف كلام ماما
_”انتي كبرتي و مش هينفع متتجوزيش، استحملي بقا و تعالى ع نفسك ”
كنت بعيط مش عارفه خايفه مش عايزة اتجوز بس ماما.
وصلت البيت ع الساعه 6 ونص
_انتي جيتي ي حبيبتي.
.
.
.
_ايوه ي ماما هدخل اصلي و هنام شويه
_لا صلي و اجهزي عشان العريس جاي هو و اهله.
سبتها و دخلت اوضتي.
اتوضيت و صليت كنت بعيط و انا بصلي خايفة مش مطمنه خلصت صلاه و قرأت قرآنلبست دريس سماوي و في ورد بينك فاتح ع خمار بينك فاتح
.
.
_حور ي حور تعالي ي حبيبتي.
_حاضر ي ماما جايه اهو
طلعت و كان هو و اهله قدمت العصير و قاعدة جنب ماما و انا ببص للارض.
كانوا بيتكلموا ف حاجات كتيره كالعاده
وسمعت مامته و هي بتقول
_سيبوا العرسان مع بعض شويه
طلعوا كلهم و مفضلش غيري انا و هو
_احم، احم
بصتله وبس
_اسمي يونس
_بصتله و بس
.
.
_حور بكلمك وبعدين ده وقت الرؤيه الشرعية
كشفت النقاب وفضلت ساكته مكنتش عايزة اتكلم
_طب انتي ساكته لي ي حور
_مافيش حاجه ي استاذ يونس
ماما جات و اهله و انا قومت و ماما قالتلهم هنرد عليكم كمان يومين.
دخلت صليت و قاعدة افكر لحد ما غلبني النوم.
صحيت الصبح كان يوم الجمعه
اتوضيت و صليت و طلعت قاعدة مع ماما
_فكرتي ي حور ولا لسه
.
.
_هوافق ي ماما خلاص
لمحته فرحه ف عنيه وقامت حضنتني.
هقوم اعمل الفطار و اكلم حماتك نعرفها.
بصتلها و سكت
قومت فطرت مع ماما و نزلت جبت طلبات للبيت عشان الغداء و كده.
_هتعملي غداء اي النهارده ي ماما
_بطاطس بالفراخ عشان فرحانه اخيرا هشوفك عروسه.
وقفت ساعدتها و عملنا الغداء و اتغدينا
_حور
_ايو ي ماما
.
_جهزي نفسك عشان تنزلي تجيبي فستان الخطوبه
_حاضر ي ماما هدخل انام، تصبحي علي خير.
دخلت قرأت جزء من القرآن.
صباح يوم جديد و باحداث جديدة
_صباح الخير ي ماما
_صباح الفل ي روح قلب ماما
قومت صليت و طلعت عشان افطر مع ماما
_بفكر اعزم خطيبك و حماته النهارده.!
_لا بلاش عشان هكون جايه تعبانه و مش هقدر اقعد معاهم.
دخلت و جهزت نفسي و نزلت عشان اشتري فستان الفرح.
نزلت دورت ع ما لقيت حاجه لطيفه.
خلصت و نزلت اشتريت ايس كريم تقريبا هو صديقي الوحيد و دايما معايا فكل احزاني.
اتمشيت شويه و بعدين ماما رنت عليا
.
.
_حور
_ايوه ي ماما ف حاجه، انتِ كويسه.؟!
_اهه بس تعالي بسرعه عشان الغداء.
وصلت البيت و دخلت صليت كل فروضي و طلعت قاعدة مع ماما.
_مكلمتيش يونس لي ي حور؟
_عادي ي ماما و بعدين انا مش عارفه، مش لازم اصلا.
كملت اكل و قومت، جبت روايه لطيفه “اكتشفت زوجي في الأتوبيس” كانت تتحدث عن الحب الحلال، كم تمنيت ان اجد حب حلال.
.
الليل جهه و طلعت اقراء قران ف البلكونه كان الجو نوعا ما برد شويه.
لقيت فوني بيرن برقم يونس
_الو
_ايو ي يونس
_عامله ايه
_الحمدلله بخير و انت
_الحمدلله بخير، ممكن بس تفتحي الباب هتلاقي كيس في شبسي و ايس كريم و حاجات كتيره.
روحت جري افتح الباب زي الطفله، فرحت جدا.
_شكرا جدا ي يونس بجد فرحت، ربنا يخليك.
_يلا تصبحي علي خير.
.
عدا اليومين و حصل الخطوبه زي ماانا عايزة، يمكن ارتحت شويه.
كنا متفقين ع خطوبه لمده سنه.
كل الايام كانت بتدعي و يونس كان بيحاول يحببني فيه بطريقة لطيفه جدا، مكنش بيتجاوز معايا بالكلام، مكنتش بشوفه غير كل شهر مره تقريبا.
_الو
_ايوه ي يونس
_حور ممكن نقدم معاد الجواز عشان عايزة اسافر انا و انتى وكده، عارف انه طلب رخم بس حولي.
_هفكر و هرد عليك ي يونس.
نزلت جبت ايس كريم و مصاصات ماهو الواحد لازم يفكر بروقان، قومت صليت استخاره و كنت مرتاحه. رنيت تاني يوم عرفته انه مفيش مشكله.
“فاضل ع الفرح اسبوع”
_حور انا مش عايز اعمل فرح.
_لي حصل حاجه.؟
_لا، بس فكرت و قولت اروح انا ونتي نعمل عمرة.
_بجد ي يونس
_بجد ي حور
طلعت وانا هطير من الفرحة،
_ماما، ماما، ماما، ماما
_ف اي ي يبنتي.؟!
_هروح عمرة، انا و يونس و مش هنعمل فرح
ماما فرحت لفرحتي و بدات اجهز نفسي للسفر مع يونس
عدا الاسبوع و كتبنا الكتاب و سافرنا، و حقيقي انا يبختي ب يونس.
_تعلق قلبي بيكِ بشده ي اميرتي.
“مش اول شخص يجي يتقدم هيبقا مناسب، لازم تفكري قبل ما تختاري، وبلاش نخلي حد ياخد قرارتنا، محدش هيشيل نتيجه القرار غيرك ف اختار كويس جداً، اتمنى الروايه تكونوا عجبتكم”
سلام❤❤❤❤❤❤?.
