رجعت البيت انتظر يوم يومين شهر شهرين أربع ست شهور ولا حد سأل..
جاني فضول احب اعرف وش فيها
وصيت اختي تسال عنها قالت اختي لنا فتره نتصل جوالها مفصول مدري وش علومها
احترت قلت غريبه حتى عيالها ما سالت عنهم واعيالي اذوني يبون امهم
رحت لبيت اهلها طلع اخوها الصغير سألته مارد علي دخل وقفل الباب بوجهي ودقيت على جوال ابوها مارد وقفل جواله زادت حيرتي كيف اعرف علومها
دقيت على اخوها الكبير رد قال هلا قلت اخبارك قال وش تبي قلت بسأل عن ام اعيالي
قال طيب تعال عندي بعد المغرب في البيت
قلت تم وقفلت
بعد المغرب رحت عند اخوها من شفت وجهه ماتطمنت قلت لي فتره اسال ماحد رد علي منكم قال اخوها وش تبي الحين قلت برجعها
قال طيب تعال معي ورحنا المستشفى قلت له وش صاير قال بتشوف
دخلنا غرفه انصدمت من المنظر اللي شفته كان المنظر مريع طلعت ما تحملت وانا ابكي
قال اخوها باقي في كلام يجرح ونسيت تقوله وجاي ترجعها تقوله
وانا ابكي واقوله وش فيها وش صار لها
قال من طلعت من بيت اهلك جات عند بيت ابوي بتكسي وصلت وهي منهاره وتبكي وتصارخ تقول قتلني بكلامه
وتعبت علينا ونقلناها المستشفى وزادت حالتها خطوره
تحاليل فحوصات طلع عندها سرطان
الغريب انو يقولون الدكاترة ان السرطان في بدايته استغربوا كيف كل يوم ينتشر بسرعه وتمكن منها وهاذي حالتها من خمس شهور في تدهور حتى الكيماوي ما يفيد لها
وانا ابكي وابكي من حالها
راح اخوها ثم رجع قالي حسبي الله عليك قتلت اختي زهره ودفنتها حيه
هذا انا حقدت عليها لانها افضل مني
واليوم هي بين الحياه والموت بسبتي
اتمنى ان تحللني لاني ندمان كثير
رفقا بالقوارير
.
.
.
.
