.
.
.
.
عملت ايميل عالفيسبوك باسم بنت متدينة الجزء الأول
عملت اميل علي الفيس بوك بإسم بنت متدينه ووضعت الصوره لبنت منقبه وبعد يومين فضلت اقبل الطلابات من البنات بس فضلت اكتب منشورات دينيه ورمنسيه ومتنوع المنشورات الموجوده على الصفحات للبنات .. وفي يوم من الايام قبلت طلب من بنت وكانت بتحب المنشورات وتتفاعل معاها وبعد يومين كلمتني على الخاص
وتعرفنا علي بعض وحكينا كتير لحد ما بقيت افتح عشان اتكلم معاها وحكت على خطيبها واصحابها واهل بيتها وانا الفت كمان وقولت لها اني انا مخطوبه واللفت قصه عن خطيبي وفضلنا نتكلم كده لا هي فكرت اني ولد ولا لمحت انا بكده وكانت تبعتلي صورها وانا ابعت صور مزيفه علي اساس اني بنت زيها وكل منشور انزلو اشوفها كاتبه تعليق حسيت اني حبيتها من كلامها معايا
وكذا مره عايز اقولها اني ولد لكن كنت بخاف انها لو عرفت اني ولد هتعمل حظر ومش هكلمها تاني وكنت اجيب الصور بتعتها وافضل ابص فيها بتمعن واقول خسارة الجمال ده والله يكون لغيري وفضلت على الحال ده ياجي شهرين بين اني اقلها اني ولد او مقولش طيب قولت لنفسي هقولها واللي يحصل يحصل وفكرت في فكره اني اطلب منها رقم التليفون عشان لو زعلت مني وعملت حظر اكلمها على الفون واطلب منها انها تسامحني .
وفتحت وكلمتها وقت كبير وقولت لها انا عايزه اكلمك فون رفضت وقالت انها مرتاحه كده من غير فون وعلي الخاص افضل ( مسنجر) فقولت لها انتي مش واثقه فيا ولا ايه قالت لا واثقه بس اهو احنا بنتكلم اهو ومش لازم الفون .. فقولت طيب خلاص فقالت لي انتي زعلتي فقولت لا انا مزعلتش ولا حاجه بس كان نفسى اكون عندك زي ما انتي عندى فقالت لي ازاي يعني .
يعني تكوني اختي اللي حبيتها وعايزه اشوفها واطمن عليها لو حصل حاجه ومفتحتيش يوم واحد واتطمنت عليكي اتجنن ضحكت وقاااالت يااااااه للدرجه دي . قولت لها واكتر انتي متعرفيش انتي بالنسبالي ايه ..فقالت انا بالنسبالك ايه فقولت تؤم روحي وربنا يعلم فقالت وانتي والله بس انا مش عارفه طيب بصى يومين كده وهرد عليكي بس من غير زعل فرحت وقولت مااااشي وفضلنا نحكي وطلبت منها تكلمني كام رفضت طيب ابعتي رساله صوتيه او اسمع صوتك رفضت وفضلت مصبر نفسي بعد يومين هكلمها بس بعد ما اخد رقم الفون بتاعها هقولها اني ولد لو عملت حظر او زعلت هكلمها على الفون .
وكنت ابعت صوري ليها علي اساس اني ده خطيبي وهيا تقول لي روعه وشكله حلو وكنت افرح بكلمها ده واقول يارب تحبني زي ما هيا بتقول على صورى ومعجبه بيها وعدو اليومين وكنت كل يوم اكلمها بردو وهيا لو لقيتني فاتح تكلمني لو مش فاتح تكتب رساله وحشتيني يا مجنونه . وانا كذلك ..
فتحت ولقيتها كاتبه الرقم وكاتبه رساله …. ..يتبع
.
.
