.
.
.
.
البارت السادس ” رواية رهف ”
ليلي بجديه : اصل ايه ي رهف
رهف بتوتر : انا كنت بشتغل كذا شغلانه ي ليلو عشان اجمع فلوسها مكنتش بنام خالص
ليلي بشك : بجد
رهف : اه طبعا
ليلي : ماشي ي رهف
“ف الشركه ”
.
.
باسل وعمر بيشتغلو ومندمجين ف الشغل بعد شوية عمر اتكلم
عمر : مالك حاسك مبسوط ؟
باسل بإستغراب : ودي حاجه وحشه؟
عمر : لا بس غربيه من زمان مشوفتكش كده
باسل بفرحه : انا وملك رجعنا لبعض امبارح
.
.
عمر : يعني ايه
باسل : الله يكرمك ركز
.
.
عمر : قصدك اللي ف بالي
باسل : ي اخي يخربيت معرفتك
.
.
عمر بغضب : انت ازاي تعمل كده مش من شوية كنت بتشتكي منها ؟
باسل بعصبيه : عمرررر متنساش نفسك واللي بتكلم عليها دي تبقي مراتي ام ابني
.
.
عمر بهدوء : لا ي صحبي منستش نفسي وربنا يخليلك مراتك وابنك عن اذنك
باسل : عمر …عمر
عمر مشي وباسل قاعد متضايق لانه قال كده لصاحبه شويه ورقم غريب رن عليه بقلمي اميرة محمد محمود
باسل : الو مين معايا
الشخص : مرات حضرتك وابنك عملو حدثه وهما ف مستشفي *****
باسل بخوف : ايييييييه ؟؟؟؟؟؟؟؟؟
باسل مستناش منه رد ونزل جري من الشركه ركب عربيته وطلع ع المستشفي واتصل كتير علي عمر بس مبيردش
عن رهف
العمليه بتاع القلب اللي امها عملتها نجحت ونقلوها اوضة تانية وليلي وعمرو ورهف مستنيين برا لحد م تفوق
______________________
باسل وصل علي المستشفي وطلع عند ملك وحمزة وكانو ف العمليات بعد ساعتين الدكتور اللي كان بيتابع حالة ملك وحمزة خرج وقال ل باسل يحصله علي المكتب
الدكتور : مخبيش عليك الحاله صعبه
باسل بدموع : اتكلم بوضوح ي دكتور لو سمحت
الدكتور بجدية : مرات حضرتك عندها كسور كتير ومن خلال التحاليل عرفنا انها شايله الرحم
باسل : ايوة فعلا شالته من بعد ولادة حمزة
الدكتور : هيه ف العنايه المركزة ومش هتفوق دلوقتي خالص
باسل بدموع : طب وحمزة …حمزة ابني
الدكتور بأسف : حمزة جسمه مش متقبل الحياه يعني اتشل عن الحركه
باسل بعياط : لا ي دكتور ارجوك انقذ ابني
الدكتور : خليك عندك ثقه ف ربنا
باسل : ونعم بالله ب …بس الحل ايه
الدكتور : محتاجين نخاع عظمي
باسل : مش فاهم حضرتك تقصد ايه
الدكتور : محتاجين نخاع عظمي من اخ حمزة او ابن عمه عشان نعمل عمليه غير كده مفيش حلول تاني
الدكتور ساب باسل ف تفكيره : اعمل ايه ؟؟؟ انقذ ابني ازاي وملك مش هينفع تخلف تاني اعمل ايه ياااااااارب ساعدني
قعد علي ركبته يعيط بعدين اتصل علي رهف وطلب منها تقابله بعد نص ساعه ف كافيه جمب المستشفي
عمر كان قاعد ف شقته يفتكر ذكرياته مع خطيبته وامه وابوة لدرجة انو محسش بمكالمات باسل ولا رسايله
عمر بعياط : انا تعبت ي رب حاسس اني مليش طاقه اكمل بيها حياتي ، معنديش اي حاجه اعيش عشانها ، خسرت كل حاجه ، حتي صحبي هخسرة ، لو قولتله علي حقيقة مرااته مش هيصدقني لانو بيحبها ، بس هيه انسانه حقيرة مبتحبوش ولا تستاهله ، مش عارف اعمل ايه ولا اتصرف ازاي
بعد شوية قام غسل وشه ومسك تليفونه لقي باسل متصل بيه اكتر من عشر مرات وباعتله رسايل كتير بيقول فيها ان ملك وحمزة عملو حادثه وبعتله عنوان المستشفي
خد تليفونه بسرعه ونزل جري علي المستشفي وبعد ربع ساعه وصل وهوة داخل خبط ف بنت لابسه كاب علي شعرها ولبسها شبابي وكوتش كمان شبابي والبنت دي كانت ليلي بقلمي اميرة محمد محمود
ليلي بغضب : مش تفتح ي بغل انت ؟
عمر بسخرية : اسف ي صحبي مخدتش بالي
ليلي بعصبيه : صحبك مين انت عندك عمي ولا ايه ؟
عمر ببرود : اي دا انتي بنت سوري مخدتش بالي
ليلي بغضب : ابقي خد بالك بعد كدا ي خفيف
عمر بيجز علي اسنانه : احترمي نفسك بقي انا ساكتلك من الصبح
ليلي بغضب انا محترمة غصب عنك ي بني ادم انت
عمر بصلها من تحت لفوق وبعدين مشي
ليلي بغضب: مستفز …
عمر سأل علي ملك وحمزة وعرف اوضتهم ورحلهم شاف باسم ماشي عليه
عمر حضنه : ان شاء الله هيبقي بخير ي صحبي
باسل بدموع : يارب ي عمر
عمر : اجمد اومال هما محتاجينك
باسل طلع من حضنه : خلي بالك منهم رايح مشوار مهم وراجع
عمر بهدوء : رايح فين
باسل وهوة ماشي : راجع تاني
رهف : خير ي باسل بيه ايه اللي حصل ؟
باسل مش عارف يرد عليها يقولها ايه
باسل بتوتر : مش كنتي عايزة تسدي الدين اللي عليكي
رهف بخوف : بس …بس انا مش معايا فلوس دلوقتي
باسل : وانا مش عايز فلوس
رهف بتوتر : اوماال عايز ايه
باسل بجمود : تتجوزيني ……
رهف بصدمه : ايييييه ؟؟؟
باسل بهدوء : ت ت ج و ز ي ن ي
رهف بعصبيه : انت اتجننت ازاي تطلب مني طلب زي ده انت ناسي انك متجوز وعندك طفل انا مستحيل اوافق
باسل بغضب : اياكي صوتك يعلي تاني واقعدي عشان تسمعي مببرراتي منا اكيد مش عايز اتجوزك عشان سواد عيونك يعني
رهف بغضب : مهما كانت مببرراتك برضو مش موافقه
باسل اتعصب منها جه ماسك ايديها وخدها قعدها وسكتها خالص ومتتكلمش لحد م يخلص كلامه
باسل بدموع ورهف لاحظتها : بصي انا هحكيلك وانتي تقدري تقرري هتجوزيني ولا لا
وفعلا باسل حكالها كل حاجه من بداية الحادثه لحد اللي قاله الدكتور
رهف بدموع : ط…طب حمزة ….حمزة عامل ايه دلوقتي
باسل : حالته زي م هيه مفيهاش اي تحسن
رهف :….
باسل : هااا قولتي ايه ؟
رهف : اشمعنا انا اللي اخترتني
باسل بغضب : هوة دا وقته
رهف بغضب: وانا لازم اعرف كل حاجه
باسل بعصبيه : بصي بقي انتي هتوافقي غصب عنك انا مش مستعد اخسر ابني الوحيد وإلا ….
رهف : وإلا اييييه ؟
باسل بخبث : هقدم فيكي بلاغ بالفلوس اللي عليكي والشرطه بقي هتيجي علي بيتكم والحاجه الوالده تتعب زياده واحتمال تروح فيها
رهف بدموع : حرام عليك ليه بتعمل معايا كده
باسل ببرود : معنديش اي خيار تاني
رهف بجمود : موفقة بس ليا شرطين
باسل بإستغراب شرطين ايه ؟؟
رهف بجديه : تيجي تطلبني من ماما رسمي
باسل ببرود : و التاني ؟
رهف : مش هتلمسني
باسل بصدمه : نعم يختي ؟؟؟؟؟؟
رهف ببرود : غير كده مش هوافق
باسل بصدمه : انتي مجنونه يبنتي مش هلمسك ازاي اومال انا هتجوزك ليه اصلا ؟!
رهف بغضب : مليش فيه اتصرف انت بقي
باسل بغضب : ايوة يعني هنخلف بالبلوتوث ولا ايه
رهف بعصبيه : احترم نفسك
باسل بهدوء : بصي ي رهف انا هتجوزك عشان ابني حمزة ولازم اتم جوازنا ي ريت تفهميني
رهف بعياط : وانا فين من دا كله انت شخص اناني ليه عمري م هسامحك علي بتعمله فيا ده …حسبي الله ونعم الوكيل فيك
وطلعت من المكان وهيه بتعيط
باسل لنفسه : انا اسف ي رهف بس غصب عني مضطر اكون اناني بقلمي اميرة محمد محمود
______________________________?
• رهف روحت البيت وقعدت تعيط كتير ومش قادرة تصدق انها تتجوز بالطريقه دي وخايفه مامتها تعرف ان باسل متجوز وعندو ولد قعدت تفكر كتير لحد م نامت
• باسل طلع ع المستشفي يطمن علي مراته وابنه اول م وصل هناك لقي عمر مستنيه
عمر بخوف : كنت فين ي صحبي قلقتني عليك
باسل حضنه : انا اسف ي عمر علي الكلام اللي قولتهولك واحنا ف المكتب
عمر : متقولش كده ي باسل احنا اخوات والاخوات مش بيقفو لبعض علي كل كلمة
باسل بحب : من يومك شهم ي عمر
عمر : طمني الدكتور قال ايه ؟؟؟؟
باسل اتنهد بحزن وحكاله كل اللي حصل
عمر بخوف : طب وهتعمل ايه ؟؟
باسل بجمود : هتجوز
عمر بصدمه : ايييييييييييه ؟؟؟؟؟؟؟؟؟
باسل بجديه : معنديش اي حل غير كده
عمر : ايوة ي باسل بس مين دي اللي هتوافق عليك وانت متجوز وكمان تقبل بحاجه زي كده
باسل : رهف
عمر بصدمه : ر…رهف مين
باسل بضيق : رهف ي عمر هي في غيرها
عمر : وهيه وافقت ولا لسه
باسل بخبث : كلمتها ووافقت
عمر مردش عليه وقاعد مصدوم ازاي رهف وافقت وايه السبب ي تري ؟؟؟؟؟
وباسل قاعد وعارف صحبه بيفكر ف ايه بس ميقدرش يحكيله الحقيقه بقلمي اميرة محمد محمود
_____________
ام رهف خرجت من المستشفى من يومين وباسل اتصل علي رهف وبلغها ان هوة طلب ايدها من امها زي م شرطت و النهارده هييجي يتقدملها
رهف اوضتها ليلي بتجهزها وعمر هوة واوالدته قاعد مع باسل وعمر برة
ليلي بحب : طالعه زي القمر ي حبيبتي
رهف بإبتسامه مصطنعه : ربنا يخليكي ليا ي احلي اخت ف العالم
ليلي : ويخليكي ليا ي رهفي يلا بقي العريس قاعد برة
رهف بخوف : حاضر
ليلي ورهف خرجو ف الصالون
ليلي بصدمه : انت ؟؟؟؟؟؟
عمر رفع وشه ليها : انتي ؟؟؟؟
ليلي بغضب : ايه اللي جابك هنا ي مستفز ؟
عمر بغضب : وانتي مالك خليكي ف حالك
ليلي : دا بيتنا علي فكرة
عمر : وانا ضيف وواجبك تحترميني
ليلي : انت ….
باسل قاطعها : ايه ي جماعه انتو تعرفو بعض ولا ايه ؟
ليلي وعمر بصو لبعض بغضب وسكتوا متكلموش
فوزيه بمرح : قلبك ابيض ي ليلو
عمر بسخرية : ليلو ؟؟؟
ليلي بغضب : عندك اعتراض
فوزيه : طيب ي ليلي تعالي معايا وانت كمان ي
عمر يلا ونسيبهم يقعدو شوية مع بعض
• خرجو كلهم وسابوهم لوحدهم
يتبع ……?
