قصة ماتت فرحتي الجزء الثاني

منار:هاا طمني يادكتور
الدكتور :جالها إنهيار عصبي بس متقلقيش اديتها شوية مهدئات بس للأسف “مش هتقدر تفوق قبل بكره ”
ودي كانت حركة مقصودة من الدكتور علشان يداري الموضوع زي ما خطط هو والدكتور
الدكتور يكمل كلامه:فيه حد من أهلها يستلم الطفلة أو حضرتك اللي هتستلميها
منار بذهول :هه لاء دا أنا حتي معرفش المدافن بتاعت أهلها وببابا مرضيش يجي يستلمها
الدكتور :تمام حضرتك هتمضي لنا علي إقرار واحنا هندفنها ف المدافن الخيرية تبع المستشفى
منار:تمام حاضر
“وبكدا تكون تمت خططهم ”
منار : حمدالله على سلامتك يا مها عاملة إيه دلوقتي

مهابتعب: بنتي…..
مها مقاطعة:هششش متتعبيش نفسك دفنها في المدافن الخيرية ولما تشدي حيلك هنروح نقرالها الفاتحه الصبح إن شاء الله ياحبيبتي بس أنت ارتاحي دلوقت
مها بحزن :بنتي اتدفنت ف المدافن الخيرية طيب أنا عاوزة ارحلها عاوزة أروح دلوقت
منار: إحنا بالليل وأنتي لسه تعبانة
مها بعياط :لاء أنا عاوزة أروح دلوقت قولتلك
منار:طيب أهدي أنا هنادي علي حد يروح معانا علشان يعرفنا مكنها
منار ومعاها الدكتور :يالا تعالي

مها :سبوني مع بنتي شوية لوحدنا
منار : أنا والدكتور هنستناكي بره ولو إحتجتي أي حاجة نادي عليا ومتتحركيش ف المكان لوحدك علشان الضلمه أول ما تخلصي نادي عليا وأنا هجي علي طول
مها ودمعها مالية وشها :بتسبيني ليه وبباكي كمان سبني وأهلي كمان سبوني بابا وماما وأخواتي الأربعة ليه مخدتونيش معاكم سيبيني ليه ف الدنيا الوحشة دي سبتوني اتعذب لوحدي ليه يارب خدي يارب
مها وقعت عينها علي نور جاي من بعيد وكل شوية يقرب
مها بصوت خافت :منار…. أنتي …..منار
وبدأت تدور علي تليفونها علشان تنور بيه والنور بيقرب اكتر بتدور بسرعة وهو يقرب منها اكتر
مها مرعوبة:منار مناااار

لقيت التليفون ونورت ف وشه وشافت قدامها الراجل اللي جالها المستشفى بس المرة دي مكنش لوحده وهنا كانت الصدمة
وفجأة مها شافت قصادها الراجل اللي كانت شفتو في المستشفى اللي هي كانت أول مرة تشوفه ومن يومها اختفي بس كان شايل حاجة علي راعه
مها بخوف: أنت مين وعرفت إني هنا إزاي وعرفت الكلام اللي بعتو ل منار في الرسالة دا إزاي وايه اللي أنت شايلو دا ومن يومها مشفتكش تاني ليه وأنت…..

الراجل الغامض بمقاطعة:هششش وحدة وحدة وأنا هفهمك كل حاجة بس ف الأول قومي معايا وامسحي دموعك دي
منار:علي فين أنا معرفكش علشان أروح معاك ومنار مستنياني بره
الراجل:إحنا مش هنتأخر ومتخفيش مني أنا مش هأذيكي

مها قامت ومشيت مع الراجل لحد ما وصلو لبيت مهجور والبيت كان ف حته مقطوعة مها كانت خايفة جداً بس كان فضولها اكتر كنت عاوزة تعرف مين دا بس للأسف كانت تعبانة قوي وماشية بالعافية متنسوش إنها لسه والدة امبارح واتعرضت لشد عصبي كبير وصلو لحد البيت ومها وقعت من طولها
الراجل الغامض:مهاا … مها فوقي
مها بفزع: أناا فين أاانت جبتني هنااا ليه أنت عرفت إسمي إزاي أنت منين
الراجل جري ووقف عند الباب وقالها :متخفيش لو عاوزاني أمشي همشي
مها بدأت تطمن :لاء خليك بس قولي إيه حكايتك

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
الراجل: أحب أعرفك بنفسي أنا عادل وعندي ٢٧سنة
مها:دا نفس سنني
عادل : أنا عارف عنك كل حاجة عارف كل تفاصيل حياتك
مها: إزاي
عادل: أنا كنت زميل ليكي من أيام الإعدادية وأنا بحبك أنتي كل حياتي
مها باضطراب: أنت بتقول إيه أنا ست متجوزة ….قصدي كنت متجوزة

والدموع ملت عينيها
عادل: أرجوكي متعيطيش دموعك بتحرق قلبي . مسحت مها دموعها وقالتلو :كمل ……يتبع…
الجزء الثالث من هناااااااااا

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .