[sc name=”ad1″ ][/sc]
.
.
.
.
[sc name=”ad2″ ][/sc]
بعد موت جوزي وبعدها موت بابا اللي مكنش ليا غيره لقيت والدة جوزي الله يرحمه بتقولي أنها عاوزة تجوزني ابنها الصغير.. هو اكبر مني بسنتين وانا لسة 24 وهي قالت انها مش عاوزة البنت تتربي بعيد قولتلها انا ممكن اعيش معاكو وبنتي تتربي وسطكو من غير جواز قالت لا لازم تتجوزي ا مش هتقعدي عمرك كله كده انتي لسة صغيرة حلفتلها اني
والله مش هتجوز وهعيش لبنتي وبس وهي مصرة تجوزني ابنها وهو اصلا بيحب بنت وناوي يتجوزها اتكلمنا مع بعض قالي هما كل اللي خايفين منه انك تتجوزي خلاص خلينا نريحهم نفسيا ونتجوز ويبقي مجرد جواز ع ورق وقالي افهم البنت اللي بيحبها الوضع وهو عادي يجهز نفسه ويتجوزها زي
ماكان عاوز.اترددت ف الأول انا ليه احبس نفسي الحبسة دي بس انا كنت لوحدي ومحتاجة جدا لسند وعيلة وحد ياخد باله من بنتي
. فضلت انا بالنسباله مرات اخوه وهو اخويا لكن حبيبته دايما كانت بتعمل مشاكل وبتغير وكان يخليني اكلمها عشان ابررها وهي معاها حق تضايق وخاصة انه بيصرف علينا مع اني
بشتغل وبرفض دايما أنه يديني فلوس وهو بيروح يشتري حاجات كل أسبوع ويدي للبنت فلوس ف السر وبعمل معاه خناقات كتير لانه بحاجة لكل قرش عشان جوازه وهو يقول انا بصرف ع بنت اخويا انتي ملكيش دعوة. كنت بحس بالذنب جدا ناحيته واني معطلة جوازتهم وبعدين مع الوقت
علاقته بيها بدأت تتعقد ولما بسأله عنها يقولي انا مليت منها خليها تغور حاولت اقنعه انه يصالحها وان هي معاها حق مش اهتم بكلامي وبقا يسألني عن علاقتي باخوه الله يرحمه وقالي اخويا كان محظوظ جدا انك ف حياته انتي ضحكتك لوحديها بتدي طاقة ايجابية وتخلي الواحد ينسي كل
همومه.. اخدت الكلام انه عادي جدا بس مع الوقت بدأت احس انه مش عادي اهتمامه بقا زيادة عن اللزوم نظراته مبقتش زي الأول بس كنت بكدب نفسي لغاية ماتفاجئت بيه وهو بيقولي زي الأول بس كنت بكدب نفسي لغاية ماتفاجئت بيه وهو بيقولي
هو احنا ليه مينفعش يبقي جوازنا طبيعي ؟! قولتله طبيعي ازاي يعني قرب مني وقال طبيعي يعني زي اي اتنين متجوزين وبقا يحاول يلمسني أنا زقيته وقولتله ده مش اتفاقنا وعكيت وقولت أنه عاوز يقضي معايا وقت وخلاص جوازة سهلة ليه ميستغلش ده قولت كلام غبي
وهو قال انا مش عارف نظرتك ليا ولا دي نظرتك لنفسك انك مينفعش تتحبي واخرك يتقضي معاكي وقت وخلاص.. ومشي ومشوفتش وشه من أسبوع..
انا مكنتش عاوزة ده يحصل احساسي ناحيته انه اخو جوزي متغيرش ازاي ابقا ف حضن واحد مش عارفة اشوفه غير اخويا !!.. الوضع بقا غلط وعاوزة اطلق بس مش هيسيبولي البنت لأني لوحدي فكرت ف الهروب بس خوفت علي بنتي فكرت لازم القي حل ومكنش قدامي غير ناهد حبيبته هي اللي اكيد هلقي حل عندها بس كنت بفكر هفتح معاها الموضوع ازاي
.
.
لقيته الباب بيتفتح ولقيته هو مكنتش طاايقه ابص ف وشه بس الغريب ودخل اوضه الاطفال وقفل الباب عليه استغربت بس قولت كدا احسن وقعدنا فتره علي نفس الوضع بس معرفش ليه كنت حاسه بملل مكنتش فاهمه سببه ولقيت ف يوم بعد ما اخو جوزي نزل الشغل لقيت
الباب بيخبط واستغربت من اللي جالي.
.[sc name=”ad3″ ][/sc]
