بعد موت جوزي وبعدها موت بابا الجزء الخامس والأخير

.
.
❤الجزء الاخير ❤
مرت الايام و هو مش مدينى فرصة عشان افكر و اخد قرارى كل يوم يجيب معاه حجات حلوه ليا انا و بنتى .. مرة ورد مرة عصاير و حلويات و مرة شكولاتات و يديها لبنتى و يقولها دى عشانك يا جنى.. قوليلى بابا يا جنى .. انتى حبيبتى يا جنى و يبوسها و يقولها ربنا يهديكى عليا يا جنى و يبصلى و انا عاملة نفسى مش فاهمة ..
كذا مرة اتصل بيا و قالى متعمليش اكل النهارضة انا عازمك برة و نقضى اليوم كلو برة و لما نروح بيتنا يقوم يحضن جنى و يقولها خلى بالك من ماما يا جنى و يدخل اوضة
مرة صحيت باليل متاخر عشان اشرب و كنت لابسه هدوم خفيفة بتاعت النوم ومكنتش متوقعة انى القاه في المطبخ
خضنى ..
قالى : ايه مالك شوفتى عفريت ..
قلت : لا مش متوقعة انك تكون هنا
قالى : عطشت و قومت اشرب
سكت و اتكسفت عشان لبسي

قالى : مكسوفة ليه دلوقتى دانا مش غريب داانا حتى جوزك و قرب منى جدا زقيته و جريت
حماتى عزمتنا فى يوم عندها و هوه كان معانا اتغدا و قال عندى شغل مهم لازم امشي و قالى متروحيش من غيرى استنينى .. استنيته كتير و الوقت اتاخر و البنت نامت
لقيته اتصل بيقولى يالا البسي .. قلتلو البنت نامت انت اتاخرت كتير .. قالى معلش الشغل و اذا كان على البنت سبيها نايمة عند ماما و اجبهالك بعدين المهم انتى البسي
و بعد شويه لقيه جه قالى يالا و مدنيش فرصة اتكلم

مشينا بيتنا و عند الباب قالى غمضى عينك .. ضحكت و قلت لا .. قالى عشان خطرى غمضى .. غمض.. دخلنا الشقة قالى لسه اوعى تفتحى بعد دقايق قالى خلاص فتحى .. فتحت ملقوتهوش جمبى ..
بس لقيت البيت مليان بلالين و ورود فى كل حته و دبدوب كبير فى و شي عليه كرت مكتوب عليه بحبك يا عمرى و سهم بالورد بيودى على اوضة النوم..
دخلت الاوضة لقيتها منورة بالشموع و البلالين فى كل حته و ورود على السرير و بوكس هدايا كبييير و عليه كرت مكتوب فيه
افتحى يالا البوكس فتحتو لقيت فستان فرح ابيض و تاج و كرت مكتوب فيه احلى فستان لاحلى عروسة .. يالا بسرعة البسى عايز اشوفك بيه ..
لبست الفستان و حطيت التاج و سيبت شعرى جمب و ببص على نفسي فى المرايا لقيت التسريحة مليانة ميك اب كتيير و ورود ..

حطيت ميك اب خفيف .. و بصيت لنفسى .. كنت طايرة من الفرحة مكنتش اتوقع ان ربنا هيعوضنى خير كتيير اوى كده الحمد لله يارب
سمعت ميوزك .. فتحت الباب لقيته قدامى قالى تسمحيلى بالرقصة دى .. و كانت اغنيه يارا .. عم اعشق انا عم اخلق من اول و جديد على اسمك انا عم البس خاتم عمرى بالايد
.. وطلع من جيبه خاتم جميل جدا و قالى .. انتى كدة خلاص بقيتى مراتى حبيبتى بتاعتى انا و بس ❤?
النهايه …

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .