زوجي الدجال دمر حياتي الجزء الثاني

دخلنا خلوة الشيخ وكان ببصلي بنظرات مريبه بعدها قلي ممكن تسبينا انا وامك لوحدنا
خرجت برة قعدت بالكنبه فجاءة حسيت ان في حد قاعد جنبي وشعرت بانفاسه اتلفت ورايا شفت كائن غريب اسود صرخت باعلى صوتي وغميت

صحيت على اصوات زغروته امي اول مقمت قلتلي مبروك يا حبيبتي جالك عريس واخيرآ مش قلتلك هيحصل خير
قلتلها هو انا فين؟
قلتلي مش انتي يختي شفتي عفريت واغمى عليكي انتي بخلوة الشيخ مهران زوجك المستقبلي
قلتلها ايه الشيخ مهران

فرحت اوي ومكنتش مصدقة اني هتجوز الشيخ مهران هو صحيح راجل كبير وشكله وحش بس امي علمتني ان الراجل ضهر وسند بغض النظر عن عمره او شكله وانا من نوع البنات الغلبانه الي معندهاش نظرة تعالي على العرسان الي بتقدمولها يعني ممكن تقولو بنت من الزمن الجميل

اتجوزت الشيخ مهران وانتقلت للعيش معاه هو عايش لوحده في الخلوة ومعاه السكرتيرة الي بتنظم دخول الزباين

اكتر حاجة حيرتني في بيته هي ان مفيش فرش للصلاة او كتاب قران ولما سالته قلي اسمعي كلامي ده كويس يا احلام من النهاردة مش عايزك تصلي انسيها خالص ولا تقري قران كمان انتي فاهمة
قلتله امرك يا جوزي
قلي انا محظوظ جدآ انك مراتي من يوم متجوزتك مبتقوليش غير حاضر ونعم عايزك كدة على طول

الصبح امي وجارتنا سمر زاروني جابولي شوية حاجات وملابس سمر قلتلي والنبي تتوسطيلي لجوزك عندي مشكلة كبيرة اوي
امي قلتلي جوزها عاوز يتجوز عليها لانها مبتخلفش جبتها هنا قلت يمكن يحصل نصيب وتتعالج
قلتلهم حاضر من عنيا هروح اكلمو يدخلك بسرعه زي مشايفة الزوار كتار اوي

رحت كلمت السكرتيرة تحجز لسمر في اول القائمة ومشيت ارتحت في اوضتي هو ده الروتين اليومي شغل وزباين بالنهار وبالليل يا دوب بقلي كلام حلو وينام جنبي يمكن من يوم جوزانا مش عملنا علاقة غير مرة واحدة بس

امي جات وقلتلي سمر هتبات عندك انهار ده لان الشيخ طلب منها تنام في الخلوة عشان عقدتها تتفك
قلتلها طب وجوزها هتقله ايه؟
سمر قلتلي متقلقيش يا حبيبتي جوزي عنده مناوبه في الشغل ومش هيرجع الابعد يومين
قلتلها حلو اوي يعني معندكيش مشكلة تباتي معانا انتي تنوري وهو بالمرة تسليني بدل منا قاعدة لوحدي
امي قلتلي اسيبكم بقا تخدو رحتكم لازم اروح فتكم بعافية

لما جا وقت النوم سمر نامت برة بس كانت قلقانه اوي ومش طبيعية والسكرتيرة كمان مكنتش على بعضها خالص بس مهتمتش كتير بالموضوع ونمت

صحيت فجاءة سمعت اصوات همسات جاية من اوضة جوزي قمت مشيت اشوف في ايه شوفت النور شاعل والسكرتيرة مش موجودة اقتربت من الباب بخطوات متسارعه سمعت سمر وجوزي بتجادلو ودار بينهم الحوار ده
يعني ايه انام معاك انت انجننت ولا جرا لمخك حاجة؟
= خلاص انتي حرة جوزك هيطلقك لو بجد عاوزة تحبلي لازم تنفذي الشرط دي مش طلباتي دي طلبات الجن
خلاص انا موافقة بس متقولش لحد

كنت هتجنن وانا واقفة برة بسمع في كلام جارتنا سمر وجوزي قمت بصيت من خرم الباب شفتهم عرايا فجاءة في حد كتم على نفسي وسحبني………..

الفصل الثالث هناااااااااااااااا ??

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .