.
.
.
.
بعد ان دخلت زينب فجأة ووجدت جلال يقبل عفاف في شفتيها اراد جلال ان يخرج من هذا الموقف وبما انه مكار ومخادع خطرت علي باله فكرة جهنمية فقام بصفع عفاف بالقلم علي وجهها وهو يقول
جلال .. انتي انسانه قليلة ادب .. انتي فعلا شيطان الحمد لله انك دخلتي يا زينب في الوقت المناسب .. ولحقتيني قبل ما اقع في الغلط بسبب اختك الشيطانه دي
عفاف تصاب بالدهشة ومن رد فعل جلال
زينب .. ايه الحكاية بالظبط عايزة افهم ؟!!
جلال .. انا افهمك .. اختك يا ستي اللي انتي مقعاداها في بيتك واللي المفروض تعتبرني زي اخوها .. بتلف عليا من ساعة ما دخلت البيت وعايزاني انام معاها بأي طريقة
عفاف .. انا ؟!!!!!!
جلال .. ايوة انتي .. اوعي تنكري .. مخيلاني زي ضلي ليل ونهار وعدوها تلاقيني لوحدي الا لما تتحرش بيا
عفاف .. لا لا .. دا كداب
زينب .. هو اللي كداب واللي انتي حيه !!! انا ملاحظاكي بقالي فترة وانتي مركزة معانا اوي وعينك مش بتترفع من علي جوزي ولما ابصلك ترتبكي وتدوري وشك بعيد .. دا غير وقوفك ورا باب اوضة النوم عشان تسمعي كل كلمة بيداعبني بيها
عفاف .. لا محصلش
زينب .. حصل انتي كدابة .. انا غلطانه اني قعدتك معايا وقلت اختي مسيبهاش تقعد لوحدها .. لكن للأسف طلعي حيه وملكيش امان .. امشي اطلعي برة
عفاف تنظر لجلال نظرة غيظ ثم تنصرف جلال يمسك يد زينب ويقبلها
جلال.. انا اسف يا ست الكل سامحيني لحظة ضعف واديكي عرفة ان اختك مش سهله وكان ناوية توقعني في الغلط
زينب .. عرفة ان مش ذنبك .. بس انت غلطان برضوا
جلال .. لحظة ضعف سامحيني واختك دي غلبت ابليس في الوسوسة .. الحمد لله لحقتيني قبل ما اقع في الغلط يا مراتي يا حبيبتي
وتمر الايام ويقوم جلال بالاتصال بعفاف التي تركت المنزل وعادت الي منزلها
عفاف .. عايز ايه مني تاني؟!!
جلال .. ايه يا عفاف اختفيتي ولا حس ولا خبر
عفاف .. وانا ليا عين تاني بعد اللي حصل!!!
جلال .. سامحيني كان لازم اعمل كدا عشان منرحش في داهية
عفاف . بس انت طلعتني انا حيه وانا اللي لفيت عليك
جلال .. معلش سامحيني .. بحبك ووحشاني
عفاف .. وانا كمان مع اني زعلانة من اللي عملته بس هموت واسمع صوتك
جلال .. تسمعي صوتي بس ؟!!
عفاف .. واشوفك كمان
جلال .. بس ؟!!
عفاف .. بس بقي خليك محترم
جلال .. بتنكسفي ؟!! ههههههه.. المهم عايز اشوفك
عفاف .. ياريت
جلال .. هتصل بيكي بكرة واقلك نتقابل فين
عفاف .. هنتظر تليفونك
جلال .. ماشي يا حبي .. سلام
عفاف .. سلام
ثم تقول لنفسها .. اديني سجلت كل كلمة قلتها ابقي قول ساعتها بقي اني انا بلف عليك وانت الطاهر البرئ
جلال اتصل ب عفاف واتقابلوا في كازينو علي النيل وكان عاملها جو شاعري انما ايه من الاخر ومن حسن حظة ان اليوم ده صادف عيد الحب فجابلها دبدوب احمر جميل ..
عفاف .. ايه ده يا جلال؟!!
جلال .. دا دبدوب عشانك يا قمر .. انهاردة عيد الحب وكل عام وانت حبيبي
عفاف .. دا عشاني انا يا جلجل؟!!
جلال .. طبعا يا عمري عشانك انتي ..
عفاف .. وياتري جبت ل زينب واحد زيه؟!!
جلال .. لا طبعا .. زينب ايه اللي اجبلها دبدوب !! دي اخرها معايا قرطاس لب سوبر وفي عيد ميلادها بس
عفاف .. انت مش بتحبها .. طب اتجوزتها ليه ؟!!
.
.
.
جلال .. بصراحة انا كنت بحبها .. بس اول ما شفايفي لمست شفايفك بلعن اليوم اللي شفتها فيه
عفاف .. اه يعني انت باصص لجسمي وبس
جلال .. يابنتي كل حاجة فيكي عجباني .. كلك علي بعضك حلو يا غزال
عفاف .. طيب يعني هنتجوز ؟
جلال .. اه طبعا هنتجوز .. بس الاول نشوف سبب مقنع اطلق بيه اختك لاحظي اننا متجوزين ملناش ست شهور متجوزين
عفاف .. ولو لقيت سبب مقنع هتطلقها ؟
جلال .. فورا وحياتك
عفاف .. خلاص انا عندي السبب اللي يخليك تطلقها حالا
جلال .. ايه هو ؟!!
.
عفاف .. بص انا مكنتش ناوية اقول بس ما دام هي اهانتني بالشكل ده يبقي تستحمل بقي
جلال .. قولي يا عفاف ايه الحكاية؟!!
عفاف .. زينب كانت بتحب واحد قبلك ونامت معاه اكتر من مرة
جلال .. ازاي ؟!!! دي قالتلي اني اول شخص في حياتها وبعدين دي كانت عذراء لما دخلت عليها .. حرام عليكي يا عفاف مش عشان عايزة تطيريها تفتري عليها اوي كدا
عفاف … ههههههههه .. للأسف انت عامل ناصح اوي وواد حرك ومخلص مع انك طلعت حمار كبير اوي
جلال .. ازاي .. قولي
عفاف .. هقلك .. فاكر ايه اللي حصل يوم دخلتكم ؟!!!!!!!!!… يتبع
الجزء الرابع من هنااااااااا
