الجزء الثاني ?????
وفي يوم جه من الشغل وكنت غاسله الغسيل وماسحه الشقه وعامله الاكل ومذاكره كمان للاولاد لقيته اول مادخل ولقاني قاعده بشرب فنجان قهوه قالي طبعا هو انتي فارق معاكي حاجه قاعده في البيت ومشغله التكييف ولا همك ، إنما انا بشتغل عشان اجيب مصاريفكم اللي مش بتخلص
لاول مره كلام سليم يستفزني وقولتله انا ليا دور زيك تمام ويمكن دوري اكبر منك ، انت بتنزل تروح الشغل الساعه ٧ الصبح بترجع الساعه ٤ بتاكل وبتنام ولما بتصحي بتفضل قاعد ماسك التليفون ولما بتسيب التليفون بتقعد تجر في شكلي لحد مابتنام ، إنما تعالي بقي ليومي انا هتلاقيني بصحي الساعه ٥ الصبح عشان احضر الفطار واجهزلك هدومك واصحي الولاد واوديهم الحضانه وارجع اغسل مواعين الفطار واعمل الغدا واغسل واطبخ وامسح ولما يجو الولاد من الحضانه اقعد اتابعهم واذاكرلهم ومش بنام ياسليم انا بفضل صاحيه لحد ماكلكم تنامو
لقيته بصلي باستهزاء وقالي ياعيني علي المرمطه ، انا داخل انام ومش عايز حد يزعجني اصلي كنت بتمرجح في الشغل
ودخل سليم ينام وفي اليوم ده قررت اني لازم يكون ليا كارير واني اشوف اكتر حاجه بحبها واعملها وادور علي نفسي وسط كركبه المشاكل والمسؤوليه وطلعت دفتري وابتديت اكتب قصص وروايات زي زمان ولقيت نفسي عندي نفس الشغف بتاع اول مره اكتب فيها وانا عمري ١٦ سنه ، وبدأت اعمل بيدج علي الفيس بوك وانشر عليها كل يوم جزء من روايتي الجديده المرأة المثاليه ، وقررت اكتب كل اللي الأمهات بيمرو بيه من ازمات لصعوبه تحمل المسؤولية لانتقادات من اقرب الناس ليها ومن المجتمع ، ولقيت ناس كتير اوي اتفاعلت معايا وبقي ليا اسم في عالم الروايات والقصص وحسيت اني ليا لازمه ووجودي مهم مش بس في البيت لا ده انا من مكاني ومن بيتي قدرت انجح
بس بعد أسبوع لقيت سليم داخل البيت وهو مهموم ومضايق ولما سألته قالي للاسف استغنو عني في الشغل ومش عارف اعمل ايه يا يسرا ده غير أني علي بال ما الاقي شغل يمكن يمر اكتر من شهرين تلاته واحنا ورانا مصاريف ومسؤوليات واقساط هنعمل ايه
يتبع
” قصة المرأه المثاليه ” الجزء الثالث من هنااااااااا ????
