النهارده كنت قاعد للجواز مع بنوتة زي القمر.. من عيلة كبيرة في بلد أمي.. لسه مخلصة جامعة السنادي.. في أول القعدة أنا سكتت خالص وقلت ياض ما من أحد عاب على سكوت قط.. والمرء يعاب على كلامه.. أسكت واشتري منها..
سألتني وقالتلي اتفرجت علي فيلم كذا.. قلتلها آه ، قالتلي طيب والفيلم الفلاني.. قلتلها ايوا شفته .. وقعدت تسرش ع الفون وتسألني وطلعت متفرج على كل الأفلام اللي في اللستة بتاعتها..
والمسلسلات نفس النظام.. وكل افلام عامرخان وشاروخان الهندي.. وحتى المسلسلات التركي والكوري.. لأنهم أصلا تقييمات عالية..
لقتها قلبت وشها وبدأت تنفخ.. بقولها خير مالك؟
قالتلي هو انت ما عملتش اعتبار انك ممكن ترتبط بحد ويعوز يتفرج ع الأفلام دي معاك لأول مره مع بعض..
ولقتها قلبت وشها وبتقولي انت مش عامل اعتبار لشريكك المستقبلي انت متفرج على كل حاجة لوحدك اومال هتتفرج معايا على ايه لو ارتبطنا..
أنا قبل البنت دي كنت أسمع عن نكد الستات.. لسه النهاردة مجربه.. هو لو الجواز فيه كدا يا ريت تفهموني..