حرفياً انا فى ورطه ومش عارفه اتصرف ازاى
مشكلتى انى من اول ما اتجوزت وانا بروح عند حماتى كل يوم علشان اخدمها واقوم بطلباتها وده كان شرط جوزى ليه قبل الجواز لان اخواته البنات متجوزين بعيد عنها وكلهم بيتجمعوا عندها يوم الجمعه وانا بحكم شغل جوزى لانه بيسافر وبيرجع كل أسبوعين بروح اقعد معاها بقول انها زى امى والله باخد فطار وانا رايحه الساعه 10 الصبح وبرجع شقتى 8 بالليل المهم ودى بئى المشكله ان حماتى بتشيل فلوسها فى البيت وانا عارفه ده وهى بنفسها قيلالى ومش فلوس بس. ده دهب كمان واللى حصل ان ضاع منها مبلغ كبير وبقت تع.يط وتصوت وبناتها طلبوا منها تعمل محضر فى القسم بس هى رفض.ت وقالت خلاص استعوضت ربنا فيهم المهم ان بعد ما الفلوس ضاعت وانا بروح اقعد معاها عادى جدا بس من وقتها وهى اتقلبت عليه
ومعاملتها اتغيرت وحسيت من اسلوبها وكلامها انها بتته منى او شاك.ه فيا. كلمت جوزى وحكتلو زعق فيا وقالى لا طبعا عمرها ما تش.ك فيكى وكلام من ده.لحد ما فى يوم روحت عندها
واخدت فطار زي العاده بس مكانتش موجوده فقولت انا هقرأ سوره ياسين وادعى ان ربنا يرد ضالتها ويظهر براءتى من الاته.ام اللى حساه فى نظراتها هى وبناته عارفين بعد ما قرأت سوره ياسين حصل ايه حصلت حاجه غريبه اقسم بالله وهى ان قولت استغل انها بره البيت وادور فى الشقه واول حاجة دخلت اوضتها ودورت وابتديت بالدولاب وقلب.ته وملقتش حاجة وتحت السرير وبردك ملقتش حاجه ولما فتشت الكنبه أصلها عندها كنبه خشب بتاعه زمان بسحاره فتحتها ويدوب بحط ايدى جواها لقيت كيس فى الفلوس كلها ونفس المبلغ المسروق على كلامها والله اتخض.يت واتن.فضت لان
مكانش فى فكرى غير حاجة واحده وهى ان ازاى الفل وس تكون موجوده وتقول انها اتسر قت طيب هى ولا بناتها اللى عملو كده لان مفيش غيرهم ودلوقتى انا رجعته مكانه ومعرفتش حد انى لقيته.. ومش عارفه اتصرف ازاى اقولها انى فتشت الشقه ولقيته فى الكنبه ولا اقول لجوزى ولا اعمل ايه بالله عليكن اللى يشوف البوست يقولى حل لأنى منهاره وربنا العالم بحالى ده انا يتيمه الأم وقولت هى امى وبناتها اخواتى😭
حكايات كوكى سامح