انا خاطب وقريب والمفروض اتجوز في شهر يناير الجاي قبل ما اتقدم لخطيبتي قعدنا في مكان واتفقنا على كل حاجة قولتلها الدهب عالي ومش هقدر اجيب شبكة قالتلي هقنع والدي ونكتفي بدبلتين
قولتلها شقتي ستديو صغيرة قلتلي بكرة ربنا يرزقنا ونجيب شقة كبيرة قولتلها انا مملكش الا مرتبي وعمولات بسيطة من الشغل قالتلي مرتبك على مرتبي والدنيا تمشي
وابوها اعترض في الاول بس هي قدرت تقنعه وروحنا نتقدم ووالدتي معايا اتفجئت ان اهلها عايزني اكتب قايمة بأربع اوض مش غرفتين وريسبشن
والدتي اتضايقت ورفضت وقالت لي مش هيحصل ومتبقاش ابني لو سمعت كلامهم
ومن هنا لهنا قدرنا نقنعهم اننا مش هنكتب قايمة بس هنشتري سلسلة وانسيال ذهب
من حوالي شهرين اتقدم لاختي عريس معاها في الشغل مستواه متوسط وجاب اهله وجم البيت
والدتي طلبت من عريس اختي شبكة وقايمة منقولات بأربع غرف مع اننا هنجيب لها غرفة فقط وهو هيفرش الباقي وهو وافق عادي معترضش
المهم خطيبتي كانت معزومة عندنا في رمضان واختي وقعت بلسانها ادامها وقالت لها على طلبات امي من العريس وخطيبي ركبها ميت عفريت وخناقات مستمرة وازاي طلبتوا كده من عريس اختك ورفضتوا لما بابا طلب القايمة
وعايزة تفركش وامي بتقولي سيبها وانت الكسبان بس انا مش عايز اسيبها وقالتلي لو عملت اللي في دماغها متمشيش في حنازتي